Daniɛl 6:8 - Kazambale lé Sebe Sauunu 1979

⁸ Sin, minwiinzan blɛn, ’i glawe ’ko dɔ gligli; ’i bélidɔwe ’ko gyɛ léé, té wa yi ga lo, Mɛdenu valé Pɛɛsnu lé bélidɔwe lé é ’ka nɔlaan lo, a yɛrama.

Daniɛl 6:8 ပူးပေါင်းရင်းမြစ်များ

Esitɛɛ 1:19

Dé é dɔ minwiinzan blɛn gi é zima, é a lé wo bélidɔwe do kɛlɛ léé, té Vasiti é bɔra é dɛrɛ minwiinzan blɛn Asuérus ’lɛ lo, yé le bɛ lé ’bɛ mini a ta, minwiinzan blɛn ’é minwiin le lé tɔ nɔ ’bɛ lɛ. ’Wo bélidɔwe ’ko gyɛ Pɛɛs valé Mɛdenu lé sɛbɛ lé, wo ’ka a tavɔɔan lo bɛ, a gi, yé ’wa zana dɔɔ.

Esitɛɛ 3:12

Minwiinzan blɛn ’élé sɛbɛgyɛmunu laa moné vininzan yi vu ta yaazan nya, yé wo sɛbɛnu gyɛ Aman dérenu yɛrama. Wa gyɛ minwiinzan blɛn lé minisinu koo, bɛntɛrɛnu lé é ke é plale wo nwiin, wo faa do do nwiinzannu koo, alé munu va mi blɛnnu koo, wo lɛ. É a gyɛ bɛntɛrɛ ’konu dére gi wolé sɛbɛ gyɛbɛ yɛrama do do. Wo sɛbɛ ’konu gyɛ minwiinzan blɛn Asuérus tɔ gi, yé wo wo ’léé béé, yé wo alé tɔmase dɔra wo ta a bɛmazéné nya.

Esitɛɛ 8:10

Wo wo gyɛ minwiinzan blɛn Asuérus tɔ gi yé wa lɛ tan yé wo minwiinzan blɛn lé bɛmazéné dɔra a ta yé wo wo nɔ vlanburuzannu lɛ. ’Bɛnu vɔ minwiinzan blɛn lé wisoonu ta, yé wo go wo nya.

Esitɛɛ 8:3

’Bɛ zuo Esitɛɛ go é ziin we fe lɛ minwiinzan blɛn lɛ. É dia tɛrɛ va yé é ’wuo wɔra a gane wuo, é wuvɔ, é zanté vɔ a lɛ léé, we lé Agaga mi nyané Aman ke kɔɔn a va léé, wa kɛlɛ bɛ, a yi ’é ga. Juifinu gyɛle lé é ’wuo gi bɔrɔ a nya bɛ, té a lɛ é sɔɔ lo.

Esitɛɛ 8:8

Wenu lé wo sɔ ka lɛ Juifinu zé nya, ’ka wo gyɛ maa, minwiinzan blɛn tɔ gi, yé ’ka anlé tɔmase dɔra a ta an bɛmazéné nya; naa, dé wo lɛtrɛ do gyɛ minwiinzan blɛn tɔ gi yé walé tɔmase dɔra a ta alé bɛmazéné nya, wo ’ka bɔa yee sɛbɛ ’ko yigale lɛ lo.

Lɛrɛvɔ Sɛbɛ 94:21

Woo zén‐é ékeva mi tegele lé tɛrɛla ma, Yé woo weanwiinlozan gya we nya.

Ézai 10:1

Munu lé woo bélidɔwe naané bɔraan koo, sɛbɛgyɛmunu lé wo ’ka weblesɛbɛ gya mi dére ta lo, ’té wo ’ka a nyi sié léé, wo nyanégyɛzannu lé we ble lo, ’té woo anlé munu va wenaanébɔmazannu lé se sié wo lee, ’té woo we kɛlɛ zanagalalomu lɛ bélé wo blewi lé, ’té woo fɛ sié ti valé bugalazannu lee bélé gulizarafɛ sile zo. Wenaané ’é kɛlɛ wo lɛ ma.

Daniɛl 5:28

Yufaasin, ’bɛ gi léé, wo dan ilé fuatɛrɛ gi bɔi lɛ, yé wa lɛ do nɔ Mɛdenu lɛ, yé wa lɛ do nɔ Pɛɛsnu lɛ.

Daniɛl 6:12

Yé wo go minwiinzan blɛn ’lɛ, yé wo we fe a lɛ minwiinzan blɛn lé glawe lé we ma léé: Minwiinzan blɛn, glawe lé wa fe léé, yi yɔ do wɔlɛ vu wuo, dé miomian é bazoro dé bale bɛ léé, dé mi bɛ léé, ’té dé é ’ka bii do kpen nya lo, a lɛ, ’wo ’bɛzan vuli golizranu guru gi bɛ, i ’ka a gyɛ lɛ loo? Minwiinzan blɛn a zi pa léé: É a a zo weboen nya, Mɛdenu valé Pɛɛsnu lé bélidɔwe lé é ’ka nɔlaan lo, a yɛrama.

Daniɛl 6:15

Naa, munu ’konu minwiinzan blɛn ma kyɛ dɔ yé wo lé a lɛ léé: Minwiinzan blɛn, ’i we ’ko ’ma ma. Pɛɛsnu valé Mɛdenu lé bélidɔwe yɛrama, glawe faa valé bélidɔwe faa lé minwiinzan blɛn a dɔ gligli, wo ’ka bɔa a nɔlale lɛ lo.

Matio 24:35

La valé tɛrɛ é dan gié lɛ, naa, an dérenu ’ka dan gié lɛ monomono lo.