Daniɛl 6:4 - Kazambale lé Sebe Sauunu 1979

⁴ Yé minwiinzannu valé minisinu a zi ginina léé, ’wo we dɔ Daniɛl nwiin, plale mi nwiin lé we ma. Naa, wo ’ka a kunmawe do kpen ye lɛ lo; wo ’ka gun do kpen ye lɛ a ma lo, naa, Daniɛl a yarapawelazan nya, azama. Dé é a saanwe nyaoo, dé é a wenaané nyaoo, wo ’ka a do kpen ye lɛ a ma lo.

Daniɛl 6:4 ပူးပေါင်းရင်းမြစ်များ

Wepélisiananu 41:38

Yé Faraɔn lé é wuomunu lɛ léé: Ko mi bɛ yé bélé mi ’ko zo, ’té Bale léli a a gii?

Wepélisiananu 43:18

Dé wo go wo nya Jozɛfu lé kɔn gi, kana zén wo gi, yé wo léé: Gɔɔli lé wa pa kolé pulunu gi é kyɛn, alé we ma lé wo da ko nya kɔn gi, weblele ko va yé wo kle pa ko ta we ma lé; ko kɛlɛle luunu nya yé wo kolé sokofalenu si ko lee we ma lé.

Wegɔnévɔlenu 29:27

Mi ple a bélé bo zo mi tegelenu yuɛ gi, yé mi lé alé zi ke é drɔle é a bélé bo zo mi naanénu yuɛ gi.

Bale Lé We Gifezan 4:4

Maa a ye léé, nyanama faa valé blabole faa a blami lé maawole nya é wo é bɔluzan ma. ’Bɛ a é ziin boawe valé fuzuobinwe nya.

Jérémi 18:18

Yé wo léé: ’Ka da, kaa gi pa Jérémi ma. Bélidɔwe ’ka dan si lɛ Balebanzannu lee lo; weplale ’ka dan si lɛ wedɔɔzannu lee lo; dére ’ka dan nyaa lɛ balelayemunu ’léé lo. ’Ka da, kaa Jérémi gyɛ kaa dére nya, té kaa tɔné dɔ a dére do kpen lɛ lo.

Jérémi 18:23

Yé bii Gakelebale, an mawe faa lé wa blé léé, ’wo an gyɛ, bé gi dɔɔ. Té i wo ma we vo wolé weplenu ma lo; té wolé wenyané é saan i gi lo. ’I wo guru zana a gi i ’lɛ; ’i we kɛlɛ wo lɛ i bli flibléyi va.

Jérémi 20:10

Maa mi kiɛre lé gun gyɛle ’ma, Yé wo léé: Yifaama, yifaama, we tɔntɔn, we tɔntɔn! ’Ka a tɔ laa, yé ko dan a tɔ fe lɛ. Munu faa lé wo bli ke an ma drɔɔ, Wa sin an ma vɔɔna léé, dé a sɔné é dan san lɛɛ? Wo léé: Dé é dan we do kɛlɛ lɛ é tanyila Yé ko a kuun? ’Té ko dan we lɛgi pa lɛ a ma.

Jérémi 29:7

Fla lé maa go ka nya luu gi ana bɛ, ’ka kwa kuli léé, fla ’ko lé we ’é kɛlɛ é zin, naa, fla ’ko ta lé kalé ginanale éé sié, amalé ka bazoro a tɔ ma.

Daniɛl 3:8

Bléyi ’ko duo gi, Kaldé mi kenu bié yé wo we dɔ Juifinu nwiin.

Daniɛl 5:12

Daniɛl lé, minwiinzan blɛn a tɔ pa Bɛlsatasaa, wa ye léé, wedɔɔle valé gikinile koo, nyɛ gi fele lé wedɔɔle koo, tɔraléé gyɛle koo, we tɔntɔnnu gi bɔile koo, wo léli bozen a a gi. É a lé wo Daniɛl laa, yé é dan a gi fe lɛ.

Daniɛl 6:22

Anlé Bale élé lanje pa zia yé é golizranu lɔlu lɛ tan, yé wo ’ka we tɔntɔn do kpen kɛlɛ lɛ an lɛ lo. Bale an ye nwiinplazan nya, azama. Yé bii é ziin, minwiinzan blɛn, an ’ka wenaané do kpen kɛlɛ lɛ i ma lo.

Matio 26:4

Wa kwa kulina léé, ’wo Jézu kun dabli nya, yé wa gyɛ.

Matio 27:18

É a gi dɔɔ léé, wa maawona Jézu va amalé wo da a nya ’é lɛ.

WENÉNÉ LÉ LUK A GYE (Évangile selon Luc) 20:20

Wa ’wozé zi ginina, yé munu lé ’bɛnu ’wobo kɛlɛ mi tegele zo, wo ’bɛnu pa zia léé, wo dia Jézu zi yé wa kun ébo dére ma yé wa nɔ minwiinmunu valé gbɔrɔnama lɛ.

WENÉNÉ LÉ LUK A GYE (Évangile selon Luc) 20:26

Wo ’ka a kunmawe ye lɛ a dérenu ma munu yuɛ va lo; naa, wo gi vuru alé we zi pale ma, yé wo vo é tadɔle.

WENÉNÉ LÉ LUK A GYE (Évangile selon Luc) 22:2

Balebanmunu segelenu valé sɛbɛgifemunu a kwa kulina léé, ’wo Jézu gya, naa, wa kanana munu lee.

WENÉNÉ LE JAN A GYE (Évangile selon Jean) 19:4

Pilat bɔra é ziin yé é lé Juifinu lɛ léé: Ka yé loo? Maa da a nya béera, kalé a gi dɔɔle we ma lé maa ’ka wenyané do kpen ye lɛ a ma lo.

2 Korɛnt Munu 11:12

Naa, wean maa a kɛlɛ, yé maa dan a kɛlɛ lɛ é ziin, yee lé é ke ’ko: munu lé wa kwa kulina léé, wobo gɔɔn nwunvɔzannu nya bélé ko zo, yé maa wo gi bɔra.

Filip munu 2:15

ka kɛlɛle wéiin valé sauun we ma, ’té woo ka yé Kazambale lé nénu lé, gun ’ka wo ma lo, wo nya, bléyi ’ko vamunu naané vɔnle méléna, ’té ka bié tɛrɛ la gunutinu va bélé sonakyɛ zo, ’té ka mibélidére fé munu lɛ.

1 Timoté 5:14

Bɛwemalé é sɔ an lɛ léé, gyɛzaralomu lé wo yara ’ka tan kini lɛ lo, ’wo bo si, ’wo né yaa, ’wo ’wolé kɔngiwenu yuɛ gi bo, té wo dɔna nɔ mi nyanézan yo lɛ yé é mi tɔ sɛrɛ lo.

Tite 2:8

’I we fe dére zimanu lé munu ’ka bɔa a za vɔle lɛ lo, wo nya, yé mi nyanézan ’ka bɔa wenyané do kpen fele lɛ kaa ma lo, yé yara a gyɛ.

1 Piɛri 2:12

Ka giébɛ ’é kɛlɛ é zima yolémunu worona. Wa ka tɔ sɛrɛna bélé fɛan zo lé ka a wenaanékɛlɛzannu nya, a zo, naa, dé Kazambale da wo va yian nya wo dan Kazambale tɔ zin bɔ lɛ ka kɛlɛwe zinnu yele ma.

1 Piɛri 3:16

’té kalé wevasibli ’ka we dɔa ka nwiin lo. ’Ka kɛlɛ ’bɛ zo, yé dé munu ka tɔ sɛrɛ, yara é dan kalé Krist zuo tawobɛ sɔnɔzannu gyɛ lɛ.

Weblezannu 14:4

A ti valé a bu ’ka a gi dɔɔ lɛ léé, a we si Gakelebale va lo; naa, é a we ginina Filisitinu va. ’Bɛ bléyi va ’té Filisitinu a é plale Izraɛl nwiin.

1 Samuɛl 12:4

Wa zi pa léé: I ’ka nyané pa lɛ ko ta lo, yé i ’ka we tɔntɔn kɛlɛ lɛ ko lɛ lo, yé i ’ka fɛ do kpen si lɛ mi do lee lo.

1 Samuɛl 18:14

Dé é weowean péli sia éé a kɛlɛle lɛ sɔɔan, yé Gakelebale a a va.

1 Samuɛl 22:14

Asimélɛk lé minwiinzan lɛ léé: Tɔnégidrɔɔzan David, minwiinzan lu zana, ’té éé tawoo ilé bélidɔwe ta, yé wa lɛdɔma ilé kɔn gi, i wuozannu va mi kyɛn ɛ ke a bɔmazan nyaa?