Daniɛl 6:3 - Kazambale lé Sebe Sauunu 1979

³ Lélibozen ɛ ke Daniɛl gi, amalé a tɔ mini minwiinzannu valé minisinu zé ta. Yé é dɔ minwiinzan blɛn gi léé, ’é Daniɛl plaan tɛrɛ faa nwiin.

Daniɛl 6:3 ပူးပေါင်းရင်းမြစ်များ

Ezidras 4:22

’Ka yuɛ pa kabozen va léé, té ka vuru a kɛlɛle ma lo. Mɛmalé weple gi éé gya yé minwiinzan blɛnnu é nyané blee?

Néémi 7:2

Maa we fe an bwe Aanani valé Aanania lɛ. Aanania ’ko a Jérusalɛm lé kɔn plɛplɛ nwiinzan nya; é a yarapawelazan valé kanaan Bale leezan nya é mini mi kiɛre zé ta.

Esitɛɛ 10:3

Naa, Juifi mi Maadosé ɛ ke minwiinzan sɛné nya Asuérus zuo. A lɛa a ma Juifinu va. Yé alé we sɔ é bwenu faa lɛ. É ’élé munu lé zin ginian yé é ’é bɛn faa lé zinyewe fé.

Wegɔnévɔlenu 17:27

Mi lé éé lɔlu kunwo, a ’wuo a a ta, yé mi lé a bli ke drɔɔ é a gikinizan nya.

Wegɔnévɔlenu 22:29

I blabozan yéé? É dan dɔ lɛ minwiinzan blɛn sɔnɔ, é ’ka dan dɔ lɛ mi pla sɔnɔ lo.

Bale Lé We Gifezan 2:13

Yé maa ye léé, wedɔɔle mini ’tugyɛwe ta, bélé fɛnafu mini gunuti ta fɛan zo, a zo;

Daniɛl 5:12

Daniɛl lé, minwiinzan blɛn a tɔ pa Bɛlsatasaa, wa ye léé, wedɔɔle valé gikinile koo, nyɛ gi fele lé wedɔɔle koo, tɔraléé gyɛle koo, we tɔntɔnnu gi bɔile koo, wo léli bozen a a gi. É a lé wo Daniɛl laa, yé é dan a gi fe lɛ.

Daniɛl 5:14

Maa a ’ma i ma léé, balenu léli a i gi, yé i va a é kinile, yé i gi kini, yé wedɔɔle lé a glɛ ’ka lo, é a i gi.

Daniɛl 5:7

Minwiinzan blɛn sia plɛplɛ léé, monénénu va ’monédɔzannu koo, Kaldé munu koo, ’monédɔzannu koo, ’wo wo laa ’wo da. Minwiinzan blɛn we fe Babilɔn wedɔɔmunu lɛ yé é léé: Dé miomian sɛbɛ ’ko ta fe yé é a gi fe an lɛ, wo dan galunaa tɔvarɔ zén lɛ a ta yé wo kyan vɔ a bɔrɔ ma, yé wo dan nyanana yaazan nɔ lɛ a lɛ plale mi nwiin gi.

Daniɛl 9:23

I kun bazorole ma bléyian va, Gakelebale dére fe yé an da a fe lɛ i lɛ. Naa, i sɔ a lɛ é baba. I tɔné dɔ dére ’ko lɛ yé i yuɛziwe gi ’ma.