Daniɛl 6:26 - Kazambale lé Sebe Sauunu 1979

²⁶ Maa munu béli dɔ anlé tɛrɛ faa la léé, munu ’é kana Daniɛl lé Bale lee, yé di blɛn ’é kini wo gi alé we ma. Naa, yee ɛ ke Bale yuɛmale nya, yé éé voo ana lɛɛfaama, a glɛ ’ka lo. Alé plale mi nwiin ’ka sɛra lo, yé é dan vo lɛ mi nwiin fɔɔ yé é bɔ a ’wuo plana.

Daniɛl 6:26 ပူးပေါင်းရင်းမြစ်များ

Ezidras 1:3

Ka va mi kyɛn ɛ ke alé mi nyaa? Alé Bale ’é kɛlɛ a va ma, yé ’é go Jérusalɛm, Juda tɛrɛ la, yé ’é Izraɛlnu lé Bale, Gakelebale lé kɔn dɔ. Bale lé ke Jérusalɛm, yee lé.

Ezidras 7:21

Maa, minwiinzan blɛn Aatazɛɛsɛ, maa lé gɔɔlitadɔzannu faa lé ke yuu zi bɛ, wo lɛ léé: Ezidras, Balebanzan valé sɛbɛgifezan lé ke wedɔɔzan nya lanu lé Bale lé bélidɔwe gi, fɛ faa lé é dan a laa lɛ ka lee,

Lɛrɛvɔ Sɛbɛ 119:120

Kana blɛn zén an gi ilé we ma, yé an ma éé nyɔɔn‐an, Yé an kanaan ilé weblelenu lee.

Lɛrɛvɔ Sɛbɛ 146:10

Gakelebale éé plaan munu nwiin lɛɛfaama, a glɛ ’ka lo, Oo Siɔn, izé Bale é dan vo lɛ ana lɛɛfaama, a glɛ ’ka lo. ’Ka Gakelebale tɔ zin fe.

Lɛrɛvɔ Sɛbɛ 2:11

’Ka Gakelebale bɔ kanale nya, Ka gi ’é nana manyɔɔnle nya ma.

Lɛrɛvɔ Sɛbɛ 29:10

Lɛɛ blɛn dabléyi va, ’té Gakelebale a é nyanale élé webleblin ta; Gakelebale a é nyanale élé webleblin ta minwiinzan nya lɛɛfaama, a glɛ ’ka lo.

Lɛrɛvɔ Sɛbɛ 42:2

Fɛan zo lé vɔlɛ éé flin‐é ’yi lé éé yoroan, a minilɔrɔ nya, Oo Bale, a zo duo lé an boen éé flin‐é i yelɔrɔ nya.

Ézai 66:2

An bɛan fɛ ’konu faa kɛlɛ loo? Maa‐an an fɛ ’konu faa bɔra loo? Mi lé maa dan yuɛ pa lɛ a ta, yee lé ke ’ko: Mi lé éé nyané blé yé a fuu si a ta, yee lé; mi lé éé kanaan an dére lee, yee lé.

Ézai 9:7

Mizan we do pa Jakɔb lɛ zia yé a bɛ dia Izraɛl ta.

Jérémi 10:10

Naa, Gakelebale a Bale nya webozen nya; É a Bale yuɛmale valé minwiinzan lé, éé voo ana lɛɛfaama, ’Té a glɛ ’ka dɔa lo, a nya. Tɛrɛ ma éé nyɔɔn‐an alé bliflile we ma, Yé bɛnnu ’ka dɔa a wɛwɛ wuo lo.

Daniɛl 2:44

Minwiinzan blɛn ’konu bléyi va, lanu lé Bale é dan plale mi nwiin lé é ’ka dan sɛrɛ lɛ monomono lo, a dɔ lɛ, ’té mi bɛ ’ka dan pla lɛ ’bɛ nwiin monomono lo. Yee ɛ dan plale mi nwiin ’konu faa ’wii lɛ yé é wo sɛrɛ tata, yé yeebozen é dan vo lɛ ana lɛɛfaama, ’bɛ glɛ ’ka lo.

Daniɛl 3:29

Bélidɔwe lé maa a nɔ sin, yee lé ke ’ko: Munu faa lé, dé é a bɛn‐o bɛn‐an gi, dé é a migɔnɔoo gɔnɔan nya, dé é a déreoo dérean vɔzan nya, dé é wenaané fe Sadrak koo, Mésak koo, Abɛd‐Négo koo, wolé Bale ma, wo dan ’bɛzan wi kini lɛ ékema, yé wo dan alé kɔn ’wii lɛ yé wa kɛlɛ é ’bin nya. Naa, bale bɛ ’ka ana yé ’bɛ é mi sié we gi bélé wozé Bale zo lo.

Daniɛl 4:3

Alé tɔmase ’konu a blɛɛn! Yé alé we blɛɛnnu ’ko a plɛplɛ! Munu éé plaan a wuo lɛɛfaama, a glɛ ’ka dɔa lo, yé alé plale mi nwiin éé voo ana mi kulu é kulu zé nya.

Daniɛl 4:34

Bléyi lé wa dɔ, a bɔle zuo, maa Nébukanɛsaa an yara nwa lagizia, yé an ’wuo dɔ an ta é ziin. Yé an Loruzan drɔɔ vo; mi lé é ke é yuɛma lɛɛfaama a glɛ ’ka lo, mi lé a plale mi nwiin glɛ ’ka lo, yé mi kulu é kulu faa éé plaan a wuo, maa a tɔ zin fe yé maa a tɔ nwa.

Daniɛl 6:20

É bɔ aan wo guru sɔnɔ, é Daniɛl laa dunuvɔmadére nya. Minwiinzan blɛn lé Daniɛl lɛ léé: Daniɛl, Bale yuɛmale wuozan! Ilé Bale lé bé bɔa yarapalale nya bɛ, é bɔ i sile lɛ golizranu lee?

Daniɛl 7:14

Kɛlɛle minwiinzan nya koo, fuablele koo, plale mi nwiin koo, wa se kɛlɛ a lɛ, yé migɔnɔ faa koo, bɛnnu koo, dére faa do do vɔmunu koo, wa bɔ. Alé plale mi nwiin a plale mi nwiin lé a glɛ ’ka lo, ’té é ’ka giéan lo, a nya, yé a plale mi nwiin ’ka nyaan monomono lo.

Daniɛl 7:27

Plale mi nwiin koo, munu plale a wuo koo, tɛrɛ la bɛngɔnɔnu faa lé fua koo, wo dan wo nɔ lɛ Loruzan lé munu lɛ. ’Bɛnu lé plale mi nwiin a plale mi nwiin lé é vo ana lɛɛfaama, a glɛ ’ka lo, a nya, yé minwiinzannu faa é dan a bɔ lɛ yé wo dan a lɛdɔ lɛ a ma.

Malasi 3:6

Naa, maa a Gakelebale nya, an ’ka nɔlaan lo, bɛwemalé, ’kaa Jakɔb lé nénu, maa ’ka ka kulu ga lɛ lo.

Matio 6:13

Té i go ko nya ko gi danna lo; ’i ko si Satan lé plɛplɛ wuo. Plale mi nwiin koo, plɛplɛ koo, fuablele koo, wa izé nya lɛɛfaama. Amɛɛn.

WENÉNÉ LÉ LUK A GYE (Évangile selon Luc) 1:33

É dan pla lɛ Jakɔb gɔnɔlamunu faa nwiin lɛɛfaama, yé a plale munu nwiin glɛ ’ka dan dɔ lɛ lo.

WENÉNÉ LÉ LUK A GYE (Évangile selon Luc) 12:5

Mi lé é a lé ka kana a lee, maa dan ’bɛzan nagɔɔn lɛ ka lɛ. Mi lé dé é mi kɔlɛ gyɛ faa, a vulile jéɛna kyɛ va se ke a lɛ, a lee lé ’ka kana ma; iin, maa lé ka lɛ léé, mi lé é a lé ka kana a lee, yee lé é ke bɛ.

Kelewenu 17:25

Yee Bale ’ko mawe ’ka fɛ do kpen gi yé munu a kɛlɛ a lɛ wo bɛ nya lo. Vole é yuɛma koo, flinle koo, fɛ faa koo, yee ɛ wo no fɛ faa lɛ.

Rom munu 9:26

Yé fɛana lé wa fe munu lɛ léé: Wo ’ka anlé munu nya lo, Ana lé wo dan wo laa lɛ Bale yuɛmale benu.

Bélidɔwesɛbɛ Fiézan 5:26

Naa, mi kyɛn ɛ Bale yuɛmale dére ’ma wefena kyɛ méléna, fɛan zo lé ’wa ’ma, a zo, yé azan vo é yuɛmaa?

1 Tɛsalɔnik munu 1:9

’Bɛna munu a ka tawe fena léé, ko go ka va yé ka ko si é zima yé ka nɔla Kazambale va yé ka sɔn vɔ miyilinu ma, Bale yuɛmale lé é ke Bale bozen nya, a bɔle we gi.

Ébrunu 12:29

Naa, kaalé Bale a é ziin kyɛ lé éé fɛ faa blé, a nya.

SEBE LÉ JAK A GYE (Épitre de Jacques) 1:17

Blan zima faa valé blɛ tegele faa éé sié loru, lagi san bilenu Kɛlɛzan va. A dɔbɛ ’ka nɔlaan lo, yé alé we do kpen ta ’ka vɔɔan lo.

Wegɔɔnle 11:15

Lanje sɔrafiézan béli fɛn. Yé dére plɛplɛnu we la gi, yé wo léé: Tɛrɛ la bɛnlubɛn faa kinin Kozan valé élé Krist zé nya; yé é dan pla lɛ wo nwiin lɛɛfaama, a glɛ ’ka lo.

Wegɔɔnle 4:10

’bɛ bléyi va mi segele yɔ do wɔlɛ ziɛn dia ’wo bli ta webleblin tazan ’lɛ, yé mi lé é ke é yuɛma lɛɛfaama, ’té ’bɛnu a bɔa. Yé wo ’wolé kyankoronu dia webleblin ’lɛ, yé wo léé:

Wegɔɔnle 5:14

Yé fɛ yuɛmale ziɛn léé: Iiin, é a a zo. Yé mi segelenu dia ’wo bli la, ’té woo Bale bɔa.

1 Samuɛl 17:26

David lé é sɔnɔ munu lɛ léé: Mi lé é Filisiti mi ’ko gyɛ yé é yaragyɛwe si Izraɛl nwiin, wo dan a kɛlɛ lɛ kaa ’bɛzan lɛɛ? Filisiti mi ’ko, ganedɔlozan, de ɛ ke a nya yé é Bale yuɛmale lé sunyanu sɔnɔaan?

1 Samuɛl 17:36

’Bɛ zo lé i wuozan golizra valé urisi gyɛ yé Filisiti mi ’ko, ganedɔlozan ’ko, azé é dan kɛlɛ lɛ ’bɛ zo; é Bale yuɛmale lé sunyanu sɔnɔ, azama.