Daniɛl 6:22 - Kazambale lé Sebe Sauunu 1979

²² Anlé Bale élé lanje pa zia yé é golizranu lɔlu lɛ tan, yé wo ’ka we tɔntɔn do kpen kɛlɛ lɛ an lɛ lo. Bale an ye nwiinplazan nya, azama. Yé bii é ziin, minwiinzan blɛn, an ’ka wenaané do kpen kɛlɛ lɛ i ma lo.

Daniɛl 6:22 ပူးပေါင်းရင်းမြစ်များ

Wepélisiananu 40:15

Naa, wo an si Ébrunu lé tɛrɛ la gla nya yé fɛkona boenwo, maa ’ka we do kpen kɛlɛ lɛ an vɔle bokɔn gi we nya lo.

2 Samuɛl 22:7

Anlé kleblele gi an Gakelebale laa, Maa anlé Bale laa; É a élé fuakɔn gi, ’té éé an dére maan, Yé an siaale bɔ a tɔné gi.

1 Minwiinzannu 13:28

É bɔ a gale ma é soile zia, ’té sokofale valé golizra a é dɔle a gale bɛ do la. ’Té golizra ’ka a gale ble lɛ lo yé é ’ka sokofale gyɛ lɛ lo.

2 Minwiinmunu lé Wezuofe Sɛbɛ 32:21

Yé Gakelebale lanje do pa zia, yé nyanazannu koo, minwiinzannu koo, é wo faa kulu ga Asiri nwiinzan blɛn lé sɔkɔn dɔna. Yé yara minwiinzan blɛn gyɛ yé é nɔla ’é pa gi ’élé tɛrɛ la. É wɔra élé yokɔn gi tɔɔn, a yaanénu a gyɛ gwɔun nya ’bɛna.

Lɛrɛvɔ Sɛbɛ 118:28

Bii a anzé Bale nya, yé maa dan i tɔ zin fe lɛ, Anzé Bale, maa dan i tɔ bié lɛ.

Lɛrɛvɔ Sɛbɛ 26:6

An bɛnu ma folié ’té an nwiin a é pla, Oo Gakelebale, yé an giéma i banna zi,

Lɛrɛvɔ Sɛbɛ 31:14

Maa an sɔnɔzannu dére maan, Di kini munu gi fɛfaana. Dé wo zén ékeva an ma weblele we ma Woo dére paan do an gyɛle we ma.

Lɛrɛvɔ Sɛbɛ 34:7

Dé wenaanébɔmazan siaa, Gakelebale a dére maan, Yé éé a sié alé kleblelenu faa gi.

Lɛrɛvɔ Sɛbɛ 38:21

Woo anlé wezin kɛlɛle lɛgi paan wenaané nya; Maa we zima naginian, amalé wa an mazannu nya.

Lɛrɛvɔ Sɛbɛ 84:11

Dé mi yi do kɛlɛ ilé gɔrɔ gi, ’bɛ fila vɔ, é mini yi wuru soru lé mi a kɛla fɛ bɛna, a ta. Dɔle anlé Bale lé kɔnpa la fila vɔ É mini nyanale mi nyanénu lé sɔkɔn gi lɛ.

Ézai 3:10

’Ka fe léé, mi tegele bɛ ma é dan kɛlɛ lɛ néné; a gi é dan nana lɛ é kɛlɛwenu tɔnɔ ma.

Ézai 63:9

Wolé kleblele faa gi, lanje‐an wo si we gi lo; naa, Mizan boen ɛ wo tabo, élé sɔlɛle valé nyanaizénle gi é dɔ wo zuo yé é go wo nya yifaama, é li.

Jérémi 37:18

Yé Jérémi lé minwiinzan blɛn Sédésias lɛ léé: Mɛ wenyané lé maa a kɛlɛ bii koo, i wuozannu koo, ilé munu koo, ka lɛ yé ka an vɔ bokɔn gii?

Daniɛl 3:28

Nébukanɛsaa léé: Sadrak koo, Mésak koo, Abɛd‐Négo koo, wolé Bale drɔɔ ’é vo ma. Yeean é lanje pa zia yé a wuozannu lé wo bli ke a lɛ, ’té woo minwiinzan blɛn lé bélidɔwe lɛganma, yé wo bli si wo kɔlɛ lɛ, yé dé é ’ka wozé Bale do kpen nya lo, wo ’ka a nyi sié léé, wo ’wuo tua bale bɛnu lɛ yé wo ’bɛnu bɔ lo, yee ɛ wo si we gi.

Daniɛl 6:20

É bɔ aan wo guru sɔnɔ, é Daniɛl laa dunuvɔmadére nya. Minwiinzan blɛn lé Daniɛl lɛ léé: Daniɛl, Bale yuɛmale wuozan! Ilé Bale lé bé bɔa yarapalale nya bɛ, é bɔ i sile lɛ golizranu lee?

Daniɛl 6:23

Yé minwiinzan blɛn gi nana é baba, yé é léé, ’wo Daniɛl bɔra guru gi. Wo Daniɛl bɔra guru gi, yé wo ’ka tuona do kpen ye lɛ a kɔlɛ ma lo; a pale a élé Bale ta, azama.

Daniɛl 6:4

Yé minwiinzannu valé minisinu a zi ginina léé, ’wo we dɔ Daniɛl nwiin, plale mi nwiin lé we ma. Naa, wo ’ka a kunmawe do kpen ye lɛ lo; wo ’ka gun do kpen ye lɛ a ma lo, naa, Daniɛl a yarapawelazan nya, azama. Dé é a saanwe nyaoo, dé é a wenaané nyaoo, wo ’ka a do kpen ye lɛ a ma lo.

Daniɛl 6:7

Minwiinzannu faa koo, minwiinzan blɛn bɛgizannu koo, minisinu koo, weplamilɛzannu koo, gbɔrɔnamanu koo, wo faa dére kɛlɛ do léé, ’wo minwiinzan blɛn lé bélidɔwe zana dɔɔ léé, yi yɔ do wɔlɛ vu wuo, dé miomian é bazoro, dé bale bɛ léé, dé mi bɛ léé, ’té dé é ’ka bii minwiinzan blɛn do kpen nya lo, a lɛ, ’wo ’bɛzan vuli golizranu guru gi ma. ’É kɛlɛ glawe nya ma.

Misé 7:7

Dé é a anzé nya, an dan an yuɛ vo lɛ Gakelebale lɛ, yé maa dan pa lɛ an siéwegizan Bale ta. Anlé Bale é dan an dére ’ma lɛ.

Mi Nɔnɔle 20:16

Ko siaa Gakelebale lɛ, yé é ko dére ’ma. É lanje do pa ko lɛ zia, yé ’bɛ ko si Éjipiti tɛrɛ la. Yé bé ye, ko bɔ Kadɛs, ilé tɛrɛ glɛ la.

Matio 27:46

Yiri tɛnlale plɛplɛ nya Jézu siaa dére plɛplɛ nya léé: Éli, Éli, lama sabakatani? ’Bɛ gi léé, anzé Bale, anzé Bale, mɛmalé i an vo an doo?

Kelewenu 12:11

Piɛri bɔn gi kini aan wo yé é léma: Maa a ye sin léé, Mizambale élé lanje pa zia webozen nya yé é an si Érɔd lee, yé we faa lé Juifinu ke a lɛbɛnna, é an si ’bɛ faa lee.

Kelewenu 24:16

Bɛwemalé maa a anbo tununa yifaama léé, té anlé wevasibli é we dɔ an nwiin Kazambale valé munu yuɛ va lo.

Kelewenu 27:23

Bale lé, maa ke azé nya, ’té maa a bɔa bɛ, alé lanje do bɔra an va kyɔ é béli,

2 Korɛnt Munu 1:12

Ko tɔzinfemawe lé ke ’ko: kolé wevasibli a kolé wenayezan nya léé, ka valé tɛrɛlamunu va, ko giébɛ a sauun valé wéiin Kazambale yuɛ gi. Ko ’ka gié lɛ ka méléna tɛrɛ la wedɔɔle nya lo; Kazambale lé zin nya lé ko gié.

2 Timoté 4:17

Mizan ɛ bɔ an va, yé é an dɔ plɛplɛ anlé wefele lɛsɔɔle we ma, bɛnnu faa lé a ’male we gi. Yé Bale an si golizra lɔ ma.

Ébrunu 1:14

Lanjenu faa ’ka bélé funu zo Kazambale lé nyanama gi loo? Bale ’ka wo pa lɛ zia munu lé wo dan si lɛ we gi, bɔle wo va we gi loo?

Ébrunu 11:33

Blipale nya lé wo bɛntɛrɛnu kele, wo we tegele kɛlɛ, wo dɔ blivolɛdérenu ta, wo golizranu lɔlu lɛ tan;

1 Samuɛl 17:37

David lé é ziin léé: Gakelebale lé é an si golizra sɔnéwɔlɛ valé urisi bɛlaa lee, é dan an si lɛ Filisiti mi ’ko lee é ziin. Yé Saul lé David lɛ léé: ’I go, yé Gakelebale ’é kɛlɛ i va ma.

1 Samuɛl 26:18

Yé é lé é ziin léé: An mɛ we ɛ kɛlɛ turu anzan lɛ yé anzan é wuozan zuo bin‐éé? Mɛ we ɛ ke an nwiin?