Daniɛl 6:16 - Kazambale lé Sebe Sauunu 1979

¹⁶ Minwiinzan blɛn léé, ’wo da Daniɛl nya yé ’wa vuli golizranu guru gi. Minwiinzan blɛn lé Daniɛl lɛ léé: Ilé Bale lé bé bɔa yarapalale nya, ’é i si we gi ma.

Daniɛl 6:16 ပူးပေါင်းရင်းမြစ်များ

2 Samuɛl 3:39

Maa a tan tɔɔtɔɔ, dɔlé ’té wo kɛlɛle minwiinzan blɛn nya nyɔnɔ zén an nwiin; yé Séruja benu ’ko, an bɛ ’ka sɔa wo nya lo. Mi lé é wenyané kɛlɛ, Gakelebale ’é azé nɔ élé wenyané kɛlɛle yɛrama ma.

JOB (Job) 5:19

É dan i si lɛ nyanéblele blɛn gi gɔnɔ suiɛdo, Gɔnɔ sɔrafié gi wenaané ’ka bɔa i ma lo.

Wegɔnévɔlenu 29:25

Kanale munu lee a mikunsan nya, naa, mi lé ébo bɛ pa Gakelebale lee, a ta béli a é dɔle.

Ézai 41:10

Té i kana we do kpen lee lo, naa, maa a i va; Té i we do kpen gi bɔrɔ pa lo, naa, maa a ilé Bale nya. Maa i fuu dɔa i ta, maa bɔa i va, Maa, guliwuovolɛzan, maa dɔ i zuo.

Ézai 43:2

Dé i a ’yi kinina, maa dan kɛlɛ lɛ i va; Dé i a yuunu kinina, wo ’ka dan i mini lɛ lo; Dé i tawo kyɛ va, i kyɛ ’ka dan ble lɛ lo, Kyɛnɛnɛ ’ka dan vɔ lɛ i ma lo.

Jérémi 26:14

Dé é a maa nya, maa lo; maa a ka lee. Wean ka a ye we zima valé we tegele nya, ’ka a kɛlɛ an lɛ ma.

Jérémi 38:5

Minwiinzan blɛn Sédésias a zi pa léé: Ka ye, é a ka lee; naa, minwiinzan blɛn ’ka bɔa we do kɛlɛle lɛ ka lɛ lo.

Jérémi 38:6

Yé wo Jérémi si yé wa zun minwiinzan blɛn be Malkija lé ’yiguru lé é ke bokɔn gɔrɔ gi, a gi; wo Jérémi zun a gi bawɔrɔ nya. ’Yi do kpen ’ka ’yiguru gi lo, naa, voli ɛ ke ana, yé Jérémi vɔ voli gi.

Jérémi 39:17

Naa, ’bɛ yi ’ko nya, maa dan i si lɛ wo lee; munu lé i kanaan wo lee, wo ’ka dan i pa lɛ wo lee lo, yee lé Gakelebale a fe.

Daniɛl 3:15

Sin, ’ka ka ma’lɛrɛ, yé béli koo, gobé koo, gitaa koo, séén koo, kpélé koo, kɔnɔ koo, lɛrɛvɔafɛnu gɔnɔ faa koo, dé ka wo dére ’ma bléyian va, ’ka dia ka bli la kyan miyili lé maa a kɛlɛ, a ’lɛ, yé ka a bɔ. Dé ka ’ka a bɔ lɛ lo, wo dan ka vuli lɛ é nya do ’furu lé kyɛ a tana, a gi. Dé bale kyɛn ɛ dan ka si lɛ an lee?

Daniɛl 3:17

Minwiinzan blɛn, bé ye, kozé Bale lé ko bɔa, é bɔa ko sile lɛ ’furu lé kyɛ a tana, a gi. Yé é dan ko si lɛ i lee.

Daniɛl 3:28

Nébukanɛsaa léé: Sadrak koo, Mésak koo, Abɛd‐Négo koo, wolé Bale drɔɔ ’é vo ma. Yeean é lanje pa zia yé a wuozannu lé wo bli ke a lɛ, ’té woo minwiinzan blɛn lé bélidɔwe lɛganma, yé wo bli si wo kɔlɛ lɛ, yé dé é ’ka wozé Bale do kpen nya lo, wo ’ka a nyi sié léé, wo ’wuo tua bale bɛnu lɛ yé wo ’bɛnu bɔ lo, yee ɛ wo si we gi.

Daniɛl 6:20

É bɔ aan wo guru sɔnɔ, é Daniɛl laa dunuvɔmadére nya. Minwiinzan blɛn lé Daniɛl lɛ léé: Daniɛl, Bale yuɛmale wuozan! Ilé Bale lé bé bɔa yarapalale nya bɛ, é bɔ i sile lɛ golizranu lee?

Daniɛl 6:7

Minwiinzannu faa koo, minwiinzan blɛn bɛgizannu koo, minisinu koo, weplamilɛzannu koo, gbɔrɔnamanu koo, wo faa dére kɛlɛ do léé, ’wo minwiinzan blɛn lé bélidɔwe zana dɔɔ léé, yi yɔ do wɔlɛ vu wuo, dé miomian é bazoro, dé bale bɛ léé, dé mi bɛ léé, ’té dé é ’ka bii minwiinzan blɛn do kpen nya lo, a lɛ, ’wo ’bɛzan vuli golizranu guru gi ma. ’É kɛlɛ glawe nya ma.

Kelewenu 24:27

’Ko zo lé lɛɛ fié gié, yé Pɔɔkius Fɛsitus dɔ Félis pa gi. É sɔ Félis lɛ léé, ’é Juifinu gi nana, amalé é Pɔl vo bokɔn gi.

Kelewenu 25:11

Dé maa weple kɛlɛoo, dé gawe lé maa a kɛlɛoo, an ’ka an gale za vɔna lo. Naa, wenu lé wo wo dɔ an nwiin, dé wa vié nya, a se ’ka mi do kpen lɛ léé, é an pa wo lee lo. ’An go anlé we nya Sézaa va.

Kelewenu 25:9

É sɔ Fɛsitus lɛ léé, ’é Juifinu gi nana, yé é lé Pɔl lɛ léé: É sɔ i lɛ léé, i go Jérusalɛm yé wo ilé we ble we ’konu ma an yuɛ va ’bɛnaa?

Rom munu 13:3

Mi ’ka kanaan minwiinmunu lee wezin kɛlɛle ma lo, naa, wenyané kɛlɛle ma lé éé kanaan. É sɔ i lɛ léé, té ’é kana minwiinzannu lee loo? ’I wezin kɛlɛ yé wo dan i ze vɔ lɛ.

2 Korɛnt Munu 1:10

Kazambale ko si ga ’ko lee, yé ko bli a a lɛ léé, é dan ko si lɛ a lee é ziin; iin, é dan ko si lɛ a lee yifaama,