Daniɛl 6:10 - Kazambale lé Sebe Sauunu 1979

¹⁰ Daniɛl a ’ma aan wo léé, wo bélidɔwe ’ko gyɛ, é go élé kɔn gi kɔn ta loru kɔnmi lé alé fɛnɛtinu lɛ ke é sole Jérusalɛm vazia, a gi; yé yi do gɔnɔ yaa éé zunwo é powuo la, ’té éé bazoroan, ’té élé Bale tɔ zin fé bélé fɛan zo lé éé a kɛla é kyɛn, a zo.

Daniɛl 6:10 ပူးပေါင်းရင်းမြစ်များ

1 Minwiinzannu 8:30

Dé i leezan valé ilé munu Izraɛl bazoro fɛkona, ’i tua yé ’i wolé zantévɔdére ’ma ma. ’Bé ’ma i nyanana lanu gi loru, ’bé ’ma yé ’i wo ma we vo ma.

1 Minwiinzannu 8:38

dé mi do léé, dé ilé munu Izraɛl faa léé, dé wo bazoro yé wo zanté vɔ i lɛ, yé wo faa va mi do do ébo bli gi wenaané dɔɔ yé é bɛ soi kɔn ’ko vazia,

1 Minwiinzannu 8:44

Dé ilé munu bɔra gulidanle ’wo nyanézannu va we gi, ’té woo goo fɛana lé bé gɔɔn wo lɛ, ana, dé wo bazoro Gakelebale lɛ, ’té wo yara a é dɔle fla ’ko lé bé si a va, a vazia, yee valé kɔn lé maa a dɔ i tɔ nya, a vazia,

1 Minwiinzannu 8:54

Salomɔn nyaa aan wo ba ’ko faa zorole valé zantévɔdére ’ko fele nya Gakelebale lɛ, Gakelebale banna lé é powuo zun a ’lɛ, yé é bɛ soi lai zia bɛ, é nwa ’bɛna.

2 Minwiinmunu lé Wezuofe Sɛbɛ 6:13

Salomɔn dɔlafɛ kɛlɛ zéné nya, yé é a dɔ gɔrɔ méléna. A sangi kɛlɛ mɛtrɛ fié é buu; a ’wuola kɛlɛ mɛtrɛ fié é buu, yé a wuo nwale kɛlɛ mɛtrɛ do é buu. É dɔ a ta yé é powuo zun a ta, Izraɛl munu lé wo ke é zénle ékeva ’bɛna, wo faa yuɛ va, yé é bɛ soi lagi zia.

2 Minwiinmunu lé Wezuofe Sɛbɛ 6:38

dé wo da i va é ziin ’wo bli faa valé ’wo boen faa nya, wo nyanézannu lé wo wo kɛlɛ luu nya bɛ, ’bɛnu lé tɛrɛ la, dé wo bazoro, ’té wo yara a é dɔle wolé tɛrɛ lé bé nɔ wo tranu lɛ, a vazia, yee valé fla ’ko lé bé si a va, yee valé kɔn lé maa a dɔ i tɔ nya, a vazia,

Ezidras 9:5

Nyanadi saraka bobléyi va tɔɔn, an daan anlé bli kyɛ dɔle ma, ’té anlé sɔnu valé anlé varɔ blɛn a é fiale, yé an zun an powuo la, yé an bɛnu soi Gakelebale anlé Bale vazia,

Néémi 6:11

Maa a zi pa léé: Maa? Maa yɔɔma? Yé é ziin, mi pla bélé maa zo, é bɔa wɔrale lɛ Bale lé fɛna tinle na yé é vo é yuɛmaa? Maa ’ka dan wɔra lɛ ’bɛna pelo.

Lɛrɛvɔ Sɛbɛ 34:1

David a vɔ bléyian va lé ébo kɛlɛ gwegyɛzan zo Abimélɛk ’lɛ yé ’bɛ a bin, a bléyi va.

Lɛrɛvɔ Sɛbɛ 5:7

I zamaga dɔa viézannu nwiin; Munu lé woo mi nyɛ zanaan, ’té woo dabli kɛla, Gakelebale ’ka wo yé mi nya lo.

Lɛrɛvɔ Sɛbɛ 55:17

Yé maa, an siaan Kazambale lɛ, Yé Gakelebale é dan an si lɛ we gi.

Lɛrɛvɔ Sɛbɛ 86:3

Mizan, ’i nyanai zén an ta, Naa, an siaan i lɛ bladi fɔɔ nyanadi.

Lɛrɛvɔ Sɛbɛ 95:6

’Ka da, kaa dia a ’lɛ, yé kaabo kɛlɛ kiéné, Kaa zun kaa powuo ta kaa Kɛlɛzan Gakelebale ’lɛ.

Daniɛl 6:13

Wo lé minwiinzan blɛn lɛ é ziin léé: Minwiinzan blɛn, Daniɛl lé é ke Juda munu lé wo ke luunu nya, wo vazan do nya bɛ, é ’ka i ye lɛ mi nya lo. Glawe lé bé gyɛ, é ’ka a yuɛ gi bɔ lɛ lo, yé éé bazoroan yi do gɔnɔ yaa.

Daniɛl 9:4

An bazoro Gakelebale anlé Bale lɛ, yé an wenyané ’ko fe a lɛ léé: Mizan, Bale blɛn lé éé kana zén‐é mi gi, biian i dɔa ilé gipawe ta, yé munu lé i sɔ wo lɛ yé woo ilé bélidɔwe sɔnnénu paan, i nyanai ’é zén ko ta.

Jonas 2:4

I an vuli guru lé wo ’ka a wɔlɛ ma yé lo, a gi, wɛyi wɔlɛ ma. ’Yiyoro plɛplɛnu an zi lɛ sɔɔ, ’Yi an ta pla yé ’yinwalenu gié an ta.

Maak 3:3

Yé Jézu lé bɛgazan lɛ léé: ’I dɔ loru wo méléna.

WENÉNÉ LÉ LUK A GYE (Évangile selon Luc) 14:26

Dé mian da an va yé a ti koo, a bu koo, a na koo, alé nénu koo, a bwenu valé a burunu koo, abozen lé tɛrɛla koo é ziin, dé wo za ’ka a gi lo, é ’ka bɔa kɛlɛle lɛ an zuozan nya lo.

WENÉNÉ LÉ LUK A GYE (Évangile selon Luc) 22:41

Dé mi gɔlɛ vuli éé diaan fɛana, a zo lé Jézu si wo ma, yé é powuo zun yé é bazoro yé é léé:

Kelewenu 10:9

’Bɛ é tu kini dé munu ’ko a zia yé wo bɔ aan wo Jopé sɔnɔ, ’té Piɛri go kɔn nwiin é yiéyi bazorole we ma.

Kelewenu 2:15

É dɔ ka gi fɛan zo bɛ, vié lé. Bladi yiri plɛplɛ bɔ é wo, amalé dɔrɔ ’ka munu ’ko gyɛna lo.

Kelewenu 20:24

Naa, an ’ka we do kpen kɛla anlé tɛrɛla we ma, bélé fɛan zo lé a we a an lee, a zo lo. We fié lé ke an bli gi, yee lé é ke ’ko: zi lé Mizan a gɔɔn an lɛ, maa lé a ta tawole lɛsɔɔle gi nanale nya a do; nyanama lé Mizan Jézu a nɔ an lɛ, Bale lé zin lé Wenéné fele nya, ’bɛ lɛsɔɔle a do, woo lé ke bɛ; an ma we bɛ ’ka lo.

Kelewenu 20:36

Wefele ’ko zo zuo, é zun é powuo ta yé é bazoro wo faa va.

Kelewenu 21:5

Naa, ko yi sɔraazan nya ko zi sia yé wo faa go ko dɔ lɛ zia, wo koo, wo nanu koo, wolé nénu koo, fɔɔ ko gane gi gana fla ma. Yé ko zun ko powuo ta wɛyi gɔ la yé ko bazoro.

Kelewenu 3:1

Piɛri valé Jan go ékeva Balebangikɔn gi bazoro bléyi nya, yiri tɛnlale nya.

Kelewenu 4:29

Laona, Mizambale, ’i wolé glawe plale ko lɛ ’ma ma. ’I wuozannu bli ta dɔ plɛplɛ yé wo ilé we fe ma;

Kelewenu 5:20

’Ka go, ’ka dɔ Balebangikɔn gi, yé ka mibéliwe ’ko gi faa fe munu lɛ.

Kelewenu 5:29

Piɛrinu léé: É a lé wo Kazambale lɛdɔma yé ’bɛ é mini munu ta.

Kelewenu 7:60

Yé é powuo zun tɛrɛ va, yé é siaa dére plɛplɛ nya léé: Mizambale, té i wenyané ’ko dɔ wo nwiin lo. Dére ’konu fele zuo, é yi gyɛ.

Kelewenu 9:40

Piɛri munu faa bɔra, yé é zun ’é powuo la yé é bazoro. Yé é yara nɔla lezan gale ta yé é léé: Tabita, ’i nwa. Yé ’bɛ é yuɛ fuo yé ’bɛ Piɛri ye, yé ’bɛ nyana.

Éfez munu 3:14

Aléwemalé maa powuo zunwo Ti lé,

Filip munu 1:14

Yé bwenu va mi kiɛre fuu dɔ wo ta Mizan gi yé wo bli ta dɔ plɛplɛ é baba anlé gɔgɔbale lé we ma, ’té woo Bale dére fé, ’té kana ’ka wo gi lo.

Filip munu 1:20

A zo lé wean an bli ke a lɛ, ’té maa a é pale a ta é baba bɛ, a lɛ é dan sɔɔ lɛ. Yee lé ke lé, té yara an gyɛ we do kpen ma lo. Naa, an dan Krist tɔ bɔ lɛ an kɔlɛ nya bli ta plɛplɛ nya, dé an vo é yuɛmaoo, dé an gaoo, maa dan a tɔ bɔ lɛ an kɔlɛ nya bélé fɛan zo lé maa a kɛla yifaama, a zo.

Filip munu 4:6

Té ka we do kpen gi bɔrɔ pa lo, naa, we faa gi, ’ka ka mawenu fe Kazambale lɛ bazorole koo, zanté vɔlenu koo, bɔvɔlenu koo, wo nya.

Kolɔs munu 3:17

Yé dé ka a weowean kɛlɛna, dé é a wefele nyaoo, dé é a we kɛlɛle nyaoo, ’ka wo kɛlɛ Mizan Jézu tɔ nya, Tibale bɔvɔle nya alé we ma.

Ébrunu 13:15

Jézu lé we ma lé kaa Kazambale tɔ zin fele boo saraka nya Kazambale lɛ yifaama. Kaa lɔlunu lé wa tɔ bɔraan gɔrɔ la, wolé saraka lé.

Ébrunu 4:16

Bɛwemalé kaa bié zinblin sɔnɔ bɔn gi kinile nya ma, a nyanai zénle kaa ta we gi, yé dé we bɔ kaa ma bléyian va, yé é zin kɛlɛ kaa lɛ yé é bɔ kaa va.

Wegɔɔnle 2:10

Nyané lé i dan a ble lɛ, té i kana a blele ma lo. Bé ye, yonufaatagɔné é dan ka va mi kenu vɔ lɛ bokɔn gi ka gi danle we ma, yé ka dan nyané ble lɛ yi vu. ’I yara pa a ta fɔɔ yé i gayi é bɔ, yé maa dan vole é yuɛma nɔ lɛ i lɛ ilé tɔkoro nya.

Wegɔɔnle 2:13

Maa i nyanana dɔɔ, yé maa a gi dɔɔ léé, ana lé Satan lé blin ke. An tɔ a i ’léé, yé yian nya lé wo anlé yarapawela wenayezan Antipas gyɛ ka va, fɛana lé Satan nyanana ke, ana, ’bɛ yinu nyaoo, i bli ’ka si lɛ anlé we lɛ duowo lo.