Daniɛl 5:7 - Kazambale lé Sebe Sauunu 1979

⁷ Minwiinzan blɛn sia plɛplɛ léé, monénénu va ’monédɔzannu koo, Kaldé munu koo, ’monédɔzannu koo, ’wo wo laa ’wo da. Minwiinzan blɛn we fe Babilɔn wedɔɔmunu lɛ yé é léé: Dé miomian sɛbɛ ’ko ta fe yé é a gi fe an lɛ, wo dan galunaa tɔvarɔ zén lɛ a ta yé wo kyan vɔ a bɔrɔ ma, yé wo dan nyanana yaazan nɔ lɛ a lɛ plale mi nwiin gi.

Daniɛl 5:7 ပူးပေါင်းရင်းမြစ်များ

Wepélisiananu 41:8

’Bɛ é tu kini, Faraɔn gi kyɛ dɔ, yé yokɛlɛmunu faa valé wedɔɔmunu faa lé ke Éjipiti tɛrɛ la, é munu nwunvɔ wo laana. Wo da aan wo, é ’élé nyɛ zuo fe wo lɛ. Naa, wo va mi do kpen ’ka bɔ lɛ wo gi fele lɛ Faraɔn lɛ lo.

Esitɛɛ 3:1

We ’ko giéle zuo minwiinzan blɛn Asuérus Agaga mi Amédata be Aman tɔ nwa blɛn. É we faa se kɛlɛ a lɛ, yé é a pla ’é bɛgimunu faa nwiin.

Fwile 7:11

Naa, Faraɔn wedɔɔmunu valé ’monédɔzannu laa; yé Éjipiti yokɛlɛzannu é ziin, wo ’wozé kɛlɛ ’bɛ zo wolé yo kɛlɛle nya.

Wegɔnévɔlenu 1:9

naa, é a tɔkoro zin nya i ’wuo ma, é valé i bɔrɔ ma kyan nya.

Wegɔné Ma Lɛrɛ 1:10

I blinnu a é nɔnɔmi kyanwɔlɛbalenu méléna. I bɔrɔ a é nɔnɔmi gɔlɛwezan pɛrɛl?-?balenu méléna.

Ézai 47:13

I wɔlɛi nyaa i ma ’monédɔle nya, Munu lé woo la gi ginian, ’Té woo ’moné dɔa monénénu koo, moné dɛrɛ koo, wo va, ’Té we lé é dan bɔ lɛ i ma, ’té wa fé i lɛ, ’Wo nwa sin, ’wo i si we gi ma.

Jérémi 50:35

Gakelebale léma: ’Wo gwɔun sia Kaldé munu ma! ’Wa sia Babilɔn munu koo, a nwiinmunu koo, alé wedɔɔzannu koo, wo ma.

Ézékiɛl 16:11

Maa ’lɛrɛfɛ kiɛre zén i ma; an bɛmafɛnu vɔ i bɛ ma; an kyan vɔ i bɔrɔ ma;

Daniɛl 1:20

We faa lé é a laa wo lee, ’té é a lé wa zi pa gikinile valé wedɔɔle yɛrama, wozé gié yokɛlɛmunu valé monénénu lé wedɔɔzannu lé wo ke alé tɛrɛ la fɛfaana, wozé wedɔɔle ta gɔnɔ vu.

Daniɛl 1:4

pɛniɛnu lé gyɛ pɔlɛ do kpen ’ka wo ma lo, ’té wo yara ke é nɔnɔmi, ’té wo ke wedɔɔzannu koo, gikinizannu koo, ’wuoatazannu koo, wo nya, ’té woo bɔaléé, wo minwiinzan blɛn lé kɔn gi nyanama pa, yé wo Kaldé dére valé alé sɛbɛwɔlɛnu paa wo gi.

Daniɛl 2:2

Yokɛlɛzannu koo, monénénu va ’monédɔzannu koo, ’monédɔzannu koo, Kaldémunu koo, minwiinzan blɛn munu nwunvɔ wo laana, léé, ’wo ’élé nyɛ ’konu fe. Wo da, yé wo dɔ minwiinzan blɛn ’lɛ.

Daniɛl 2:27

Daniɛl a zi pa minwiinzan blɛn yuɛ va yé é léé: We lé minwiinzan blɛn a laa, é a we yɔɔle lé wedɔɔzannu koo, monénénu va ’monédɔzannu koo, yokɛlɛzannu koo, ’monédɔzannu koo, wo ’ka bɔa a gi bɔrale lɛ minwiinzan blɛn lɛ lo, a nya.

Daniɛl 2:48

’Bɛ zuo minwiinzan blɛn Daniɛl kɛlɛ blɛn, yé é blɛ wezan kiɛre kɛlɛ a lɛ. É a dɔ Babilɔn tɛrɛ faa nwiinzan nya, yé é a kɛlɛ Babilɔn wedɔɔzannu faa nwiinzan nya.

Daniɛl 2:6

Naa, dé ka nyɛ ’ko valé ’é gi fe an lɛ, maa dan fɛ nɔ lɛ ka lɛ yé an dan blɛ kɛlɛ lɛ ka lɛ, yé maa dan ka tɔ kɛlɛ lɛ blɛn. Amalé, ’ka nyɛ ’ko valé ’é gi fe an lɛ.

Daniɛl 4:14

É sia plɛplɛ, yé é léé: ’Ka yili ’ko dia yé ’ka a bɛnu bɔi; ’ka a kwɛɛnu nyɔɔn, yé ’ka a poronu nwɛɛn; winu ’é fwi a wuo ma, yé a bɛnu ta mianénu ’é fwi.

Daniɛl 5:11

Mi do ana ilé tɛrɛ la ’ko, ’té bale sauunnu léli a a gi. I ti bléyi va, wa ye léé, a va a é kinile, yé a gi kini, yé wedɔɔle lé ke bélé balenu lé wedɔɔle zo, é a a gi. Yé i ti minwiinzan blɛn Nébukanɛsaa, i ti boen, é a dɔ yokɛlɛzannu koo, monénénu va ’monédɔzannu koo, Kaldé munu koo, ’monédɔzannu koo, wo nwiinzan nya.

Daniɛl 5:15

Wedɔɔzannu koo, monénénu va ’monédɔzannu koo, wo da wo nya an ’lɛ lao, léé, sɛbɛ lé wa gyɛ, wa ta fe yé wa gi fe an lɛ, naa, wo ’ka bɔ lɛ a va dére do kpen gi fele lɛ an lɛ lo.

Daniɛl 5:16

Maa a ’ma léé, i bɔalɛ léé, i wenu gi fe, yé i we tɔntɔnnu gi bɔié. Sin, dé i bɔa sɛbɛ ’ko tafele lɛ yé bé gi fe an lɛ, wo dan galunaa tɔvarɔ zén lɛ i ta; wo dan kyan vɔ lɛ i bɔrɔ ma; yé wo dan nyanana yaazan nɔ lɛ i lɛ plale mi nwiin gi.

Daniɛl 5:29

Kele tɔɔn, Bɛlsasaa léé, ’wo galunaa tɔvarɔ zén Daniɛl ta, yé ’wo kyan vɔ a bɔrɔ ma, yé wa zana dɔɔ léé, wo nyanana yaazan nɔ a lɛ plale mi nwiin gi.

Mi Nɔnɔle 22:17

naa, maa dan i tɔ nwa lɛ blɛɛn, yé we faa lé i dan a fe lɛ an lɛ, maa dan a kɛlɛ lɛ. Ilé zanté, ’i da, ’i bale pa migɔnɔ ’ko ma an lɛ.

Mi Nɔnɔle 22:7

Moab lé mi segelenu valé Madian lé mi segelenu go, ’té blɛnu lé wo dan a kɛlɛ lɛ ’monédɔzan lɛ, ’té ’bɛ a wo lee. Wo bɔ Balaam va, yé wo Balak dére fe a lɛ.

Mi Nɔnɔle 24:11

’I si an va sin; ’i go ka va. Maa a fe léé, maa dan i tɔ kɛlɛ lɛ blɛn, naa, Gakelebale ilé tɔ yele yi ga.

1 Samuɛl 17:25

Wo faa do do a fena léé: Ka mi ’ko yee? É da gɔnéwe kɛlɛ lɛ Izraɛl lɛ. Dé mi do a gyɛ, minwiinzan é dan fuafɛ kiɛre kiɛre nɔ lɛ azan lɛ, yé é dan é lu nɔ lɛ a lɛ yé é dan a ti gɔnɔlamunu vo lɛ woboma Izraɛl.