Daniɛl 5:23 - Kazambale lé Sebe Sauunu 1979

²³ I nwa lanu Nwiinzan ma. Wo da alé kɔn gi kananu nya i lɛ, yé ka wo si dɔrɔminikananu nya, yé bii koo, ilé mi blɛnnu koo, i nanu valé i bwɛnu koo, ka dɔrɔ mini wo gi; balenu lé wo wo kɛlɛ gɔɔlifu koo, kyan koo, foliɛwɔlɛ koo, yili koo, gɔlɛ koo, wo nya, ’té wo ’ka yɛrɛ yé lo, yé wo ’ka we maan lo, yé ’té wo ’ka we do dɔɔa lo bɛ, wo lé i vo wo tɔ zin fena, yé Bale lé ilé flinle valé ilé tawobɛ faa ke a lee, i ’ka ’bɛ tɔ nwa lɛ lo.

Daniɛl 5:23 ပူးပေါင်းရင်းမြစ်များ

Wepélisiananu 14:19

É Abram drɔɔ vo yé é léé: Lagibale, yee ɛ ke la valé tɛrɛzan nya, yee ’é i drɔɔ vo ma.

Wepélisiananu 2:7

Bale, Gakelebale vun si yé é a kɛlɛ mi nya; é mibélifu fɛɛ a nyé ’léé yé mi kinin mi yuɛmale nya.

2 Minwiinzannu 14:10

I Édom munu kele aan wo bɛ, amalé i ibo kɛlɛ blɛn ibo zevɔle nyaa? Sin, i gi ’é nana i tɔ gi yé ’i vo i va. Boawe lé é dan bii valé Juda munu sɛrɛ lɛ ’naan, mɛmalé i kun ’bɛ kɛlɛle maa?

JOB (Job) 12:10

Fɛ yuɛmale faa lé tɛrɛla bɛ a é pale a lee, ’Bɛ valé blaminu faa lé flinle nya.

JOB (Job) 31:4

Kazambale ’ka an giégane ye lɛ loo? É ’ka an gane panu nɔnɔ lɛ loo?

Lɛrɛvɔ Sɛbɛ 104:29

Dé i yara si wo ta, ’bɛ éé gi bɔrɔ paan wo ma, I i flinle sié wo lee yé woo gaan, Yé woo nɔlaan é ziin ’wolé vun nya.

Lɛrɛvɔ Sɛbɛ 115:16

Lanu a Gakelebale zé nya, Naa, é tɛrɛ nɔ blaminu lɛ.

Lɛrɛvɔ Sɛbɛ 139:3

Dé maa a tawonaoo, dé maa a yiɛnaoo, i ’bɛ dɔɔ; Yé i an kɛlɛwenu faa dɔɔ.

Lɛrɛvɔ Sɛbɛ 146:4

Wolé flinle éé sié wo gi yé woo goo tɛrɛ gi, Yé ’bɛ yi duo nya lé wo bɔn‐in wenu éé sɛra.

Wegɔnévɔlenu 20:24

Gakelebale ɛ mi gane dɔrana kɛla, ’naan, mi é bɔalɛ yé ébo giébɛ gi ’maa?

Ézai 13:11

Maa dan we lɛdɔ lɛ tɛrɛlamunu gi, an blifliwe lé wa kɛlɛ, a we ma. Maa dan we lɛdɔ lɛ mi naanénu gi wolé weple lé we ma. Maa dan boblɛnzannu lé boblɛn nyaa lɛ; maa dan yaamitazannu lé mi naginile wo yuɛ zuo lé we nyaa lɛ.

Ézai 14:13

I lé i bli gi léé: Maa dan go lɛ lai, maa dan anlé fuablin dɔra lɛ Bale lé monénénu ta loru; maa dan nyana lɛ munu zén ékeva gɔ nwiin yirinwana bɛbolazia glɛ la.

Ézai 2:12

Naa, yi do ana lai sunyanu lé Gakelebale zé nya, ’bɛ yi la é dan nwa lɛ boblɛnzannu faa valé mi gini é yuɛzuozannu ma, yé miomian ébo kɛlɛ blɛn, Bale é dan nwa lɛ ’bɛzan ma, a tuale we gi.

Ézai 33:10

Gakelebale léé: Sin, maa dan nwa lɛ; sin, wo dan an tɔ bié lɛ; sin, wo dan an kɛlɛ lɛ blɛn.

Ézai 37:19

yé wo wolé balenu vuli kyɛ va; naa, wo ’ka balenu nya lo, mi bɛ panyanama lé wa kɛlɛ yili valé gɔlɛ nya, yee lé ke wo nya; yé wo wo kɛlɛ é boa.

Ézai 37:23

Mi kyɛn lé bé sɔnɔ yé i bɔrɔ yéli a maa? Mi kyɛn ta lé i siaan? I yuɛ fuoan plɛplɛ Izraɛl lé Mi Sauun ma.

Ézai 42:5

Bale, Gakelebale lé É lanu kɛlɛ, ’té éé wo sɔɔlaan, É tɛrɛ pla alé fɛnu dɔle we ma, É tɛrɛ tamunu vo é yuɛma Yé é flinle nɔ munu lé wo ke tawona tɛrɛ la, wo lɛ. É léma:

Jérémi 10:23

Oo Gakelebale maa a gi dɔɔ léé, A se ’ka blami lɛ léé, é ’ébo lé zi si a va lo, A se ’ka tawozan lɛ léé, é ’ébo lé tawogane drɔ lo.

Jérémi 48:26

’Ka a gyɛ nwɛ nya, naa, é nwa Gakelebale ma; Moab ’é burula é féé va, yé ’é kɛlɛ é ziin yérisiémazan nya ma.

Jérémi 50:28

’Ka tɔné dɔ Babilɔn lé vɔfligimunu lé siaalenu lɛ, yé ’ka go Gakelebale kalé Bale lé we lɛgi pale zana dɔɔ Siɔn, yé ’ka a bangikɔn lɛgi pale zana dɔɔ ana.

Jérémi 50:29

’Ka savulizannu faa laa, léé, ’wo nwa Babilɔn ma, wo lé wo savulile dɔɔ, wo lé. ’Ka diri a zi, té mi do é so a ta lo. ’Ka a lɛgi pa a kɛlɛwenu yɛrama. ’Ka kɛlɛ a lɛ fɛan zo lé é a kɛlɛ, a zo ’té. Naa, é nwa boblɛn nya Gakelebale ma, Izraɛl lé Mi Sauun ma,

Ézékiɛl 28:17

I nɔnɔmi pli zi i blii boblɛn nya. I zevɔle ilé wedɔɔle gi sɛrɛ, maa i vuli tɛrɛ va, maa i nɔ minwiinzan blɛnnu lɛ, léé, ’wo i sɛrɛle ye.

Ézékiɛl 28:2

Blami be, bé fe Tii nwiinzan lɛ léma: Mizan Gakelebale léma: Ibo kɛlɛ blɛn yé i léé: Maa lé ke Bale nya; maa a é nyanale Bale nyanala blin ta, wɛyi méléna. Naa bii, i a blami nya; i ’ka Bale nya lo, yé ibo lé blibɔmawe yé Bale lé blibɔmawe nya.

Ézékiɛl 28:5

Ilé wedɔɔle blɛn valé ilé yaawole kaii lé we ma lé ilé fuafɛnu bo bɔ yé bo blɛn wɔra i bli gi ilé fuafɛnu lé we ma.

Ézékiɛl 31:10

Bɛwemalé Mizan Gakelebale léma: A bo a é torole yé a zɔ a é torole a bɛ kiɛre méléna, yé a torole ma lé boblɛn wɔra a bli gi.

Daniɛl 11:12

Mi gu blɛn ’ko a boblɛnzannu nya, yé wo nwiinzan blɛn é dan blii lɛ boblɛn nya. É dan mi wuru é wuru gyɛ lɛ, naa, guliwuo ’ka dan vo lɛ a lɛ lo.

Daniɛl 4:37

Yé sin, maa Nébukanɛsaa, an lanu Nwiinzan blɛn tɔ zin fé, maa a tɔ biéan, maa a tɔ nwaan. A panyanamanu faa a webozen nya, yé alé wekɛlɛbɛ faa a tegele. Yé munu lé woo tawoo boblɛn nya, éé wo zunwo.

Daniɛl 8:11

É nwa fɔɔ lai sunyanu nwiinzan va, yé balebanwi lé wa kyɛ blé, ’té wa no lɛɛfaama, é a nɔle yi ga, yé é alé fɛna plɛplɛ zana a gi.

Abaku 2:4

Bé ye, é blii boblɛn nya; a bli ’ka tegele lo. Naa, mi tegele éé voo é yuɛma élé blipale ma.

Kelewenu 17:25

Yee Bale ’ko mawe ’ka fɛ do kpen gi yé munu a kɛlɛ a lɛ wo bɛ nya lo. Vole é yuɛma koo, flinle koo, fɛ faa koo, yee ɛ wo no fɛ faa lɛ.

1 Korent munu 8:4

Yobanwi blele lé we a ’ko zo: ko a gi dɔɔ léé, miyili ’ka we do nya tɛrɛ la lo, yé Bale a do kpen.

1 Timoté 3:6

Té é kɛlɛ mi lé é bli nɔla é dɛrɛ, a nya lo, dé é da fan boblɛn nya yé ban lé wa dɔ yonufaatagɔné nwiin, dé wo da yee ban duo dɔ a nwiin.

Ébrunu 4:13

Kɛlɛfɛnu va fɛ do kpen ’ka é yɔɔle Kazambale lee lo, naa, wo faa a é porole, yé wo faa ta a é bɔrale mi lé é a lé kaa kaalé we zuo fe a lɛ, a yuɛ gi.

Wegɔɔnle 9:20

Mi koɛnu lé, fɛ yaa ’ko ’ka ’bɛnu gyɛ lɛ lo, ’bɛnu ’ka ’wo bli si lɛ ’wo bɛ kɛlɛfɛnu lɛ lo; miyilinu lé wa kɛlɛ kyan koo, gɔɔlifu koo, zéné koo, gɔlɛ koo, yili koo, wo nya, ’té wo ’ka bɔa fɛ yele valé we ’male valé tawole lɛ lo, munu ’ka daan lɛ wo bɔle valé yonu bɔle ma lo;

Weblezannu 16:23

Yé Filisiti mi segelenu zén ékeva wolé bale Dagɔn banle blɛn we gi, é valé zana gyɛle we gi. ’Té wa fé léé: Kolé bale é ko nyanézan Samsɔn pa ko lee.

1 Samuɛl 17:26

David lé é sɔnɔ munu lɛ léé: Mi lé é Filisiti mi ’ko gyɛ yé é yaragyɛwe si Izraɛl nwiin, wo dan a kɛlɛ lɛ kaa ’bɛzan lɛɛ? Filisiti mi ’ko, ganedɔlozan, de ɛ ke a nya yé é Bale yuɛmale lé sunyanu sɔnɔaan?

1 Samuɛl 17:36

’Bɛ zo lé i wuozan golizra valé urisi gyɛ yé Filisiti mi ’ko, ganedɔlozan ’ko, azé é dan kɛlɛ lɛ ’bɛ zo; é Bale yuɛmale lé sunyanu sɔnɔ, azama.