Daniɛl 5:20 - Kazambale lé Sebe Sauunu 1979

²⁰ Naa, bléyian va lé é bo kɛlɛ blɛn yé a yuɛ ma kɛlɛ plɛplɛ fɔɔ yé é blii boblɛn nya, wa zun gla nya élé webleblin ta, yé wo alé fua si a lee.

Daniɛl 5:20 ပူးပေါင်းရင်းမြစ်များ

2 Minwiinzannu 17:14

Naa, wo ’ka ’wo tɔné dɔ lɛ lo, yé wo kɛlɛ tɔnégiplɛplɛzannu nya bélé wo tranu lé wo ’ka bli vo lɛ Gakelebale, wolé Bale lɛ lo, wo zo.

2 Minwiinmunu lé Wezuofe Sɛbɛ 32:25

Naa, Ézékia bli nwa boblɛn nya, yé é ’ka Gakelebale bɔvɔ lɛ we zin lé Gakelebale a kɛlɛ a lɛ, alé we ma lo. Gakelebale bli fli a ma, yee valé Juda valé Jérusalɛm ma.

2 Minwiinmunu lé Wezuofe Sɛbɛ 36:13

Minwiinzan blɛn Nébukanɛsaa lé, é lé Sédésias lɛ léé, ’i bale ’nyɔɔn, Sédésias nwa ’bɛ ma é ziin. É tɔné gi dɔ plɛplɛ yé é bli ta dɔ plɛplɛ léé, ’é ’ka nɔlana ’é pa gi Gakelebale, Izraɛl lé Bale va lo.

Fwile 18:11

Maa gi dɔɔ sin léé, Gakelebale a blɛn é mini balenu faa ta; naa, Éjipiti munu lé wenaané dia wobo la.

Fwile 9:17

Dé i nwa ’élé munu ma é ziin, dé i ’ka daan wo ma ’wo go lo,

Fwile 9:7

Faraɔn we ’ko ta laa, yé bé ye, Izraɛl lé trubɛnu va wi do kpen ’ka ga lɛ lo. Naa, Faraɔn bli kɛlɛ plɛplɛ yé é ’ka daan lɛ munu ma léé, ’wo go lo.

Wegɔnévɔlenu 16:18

Kulugale éé dan bo tɔbɔle zuo; saanle éé dan bo blɛn zuo.

Wegɔnévɔlenu 16:5

Boblɛn bli faa a bélé bo zo Gakelebale yuɛ gi; weboen nya, wo ’ka dan vuru lɛ we lɛdɔle wo gi ma lo.

Ézai 47:1

Babilɔn blɛnzan, ’I zun, ’i nyana vungoi va. Kaldé le, ’I nyana tɛrɛ va, ilé fuablin ’ka lo. Wo ’ka dan i laa lɛ léabo le é dɛrɛ lo, wo ’ka dan a fe lɛ léé, le a é zénle i ma lo.

Jérémi 13:18

Bé fe minwiinzan blɛn valé minwiin le lɛ léé: Tɔkoro lé é ke ka nyɛɛfɛ nya, é si ka ’wuo ma, é dia, amalé ’ka nyana tɛrɛ va.

Jérémi 19:15

Lai sunyanu lé Gakelebale, Izraɛl lé Bale léma: Ka ye, we tɔntɔnnu faa lé maa wo lɛ kini, maa dan wo bɔ lɛ fla ’ko valé a zi flanu ma. Naa, wo yuɛma dɔ an va plɛplɛ, yé wo ’ka tɔné dɔ lɛ an dérenu lɛ lo, azama.

Jérémi 48:18

Dibɔnzan, blɛnzan, ’I si ilé fua nyanana, ’i zun, ’i nyana tɛrɛ gale ta. Naa, Moab sɛrɛzan nwa i ma, É a i yɔɔna plɛplɛ sɛrɛna.

Ézékiɛl 30:6

Gakelebale léma: Éjipiti dɔplɛplɛzannu é dan nyaa lɛ yé alé boblɛn ta é dan zana lɛ. É sia Migidɔl yé é bɔ Siɛne ma, gwɔun é dan wo gyɛ lɛ. Yee lé Mizan Gakelebale a fe.

Ézékiɛl 31:10

Bɛwemalé Mizan Gakelebale léma: A bo a é torole yé a zɔ a é torole a bɛ kiɛre méléna, yé a torole ma lé boblɛn wɔra a bli gi.

Daniɛl 11:36

Wean é sɔ minwiinzan blɛn ’ko lɛ, yee lé é dan a kɛlɛ lɛ. É dan nwa lɛ, é dan ébo tɔ pla lɛ balenu faa tɔ nwiin, yé é dan sɔnɔ dére fe lɛ balenu lé Bale ma; a bɛ ma é dan kɛlɛ lɛ néné fɔɔ yé bliflile lɛ é sɔɔ. Naa, wean wa kɛlɛle béli dɔ, a lɛ é dan sɔɔ lɛ.

Daniɛl 4:26

Wa fe aan wo léé, a pun lé a suni ke a ma, ’bɛ é vo, ’bɛ gi léé, ilé plale mi nwiin é dan vo lɛ, ’té dé bé gi dɔɔ léé, mi lé é dan pla lɛ mi nwiin é a la gi.

Daniɛl 4:28

We ’konu faa bɔ minwiinzan blɛn Nébukanɛsaa ma.

Daniɛl 4:37

Yé sin, maa Nébukanɛsaa, an lanu Nwiinzan blɛn tɔ zin fé, maa a tɔ biéan, maa a tɔ nwaan. A panyanamanu faa a webozen nya, yé alé wekɛlɛbɛ faa a tegele. Yé munu lé woo tawoo boblɛn nya, éé wo zunwo.

Daniɛl 8:8

Boligɔné lé plɛplɛ gi gyɛ é baba, naa, dé alé plɛplɛ lɛ sɔɔ, a béli blɛn yéli. Yé a béli blɛn ziɛn bɔra a pa gi, yé wo yara dɔ fu sina ziɛnna.

WENÉNÉ LÉ LUK A GYE (Évangile selon Luc) 18:14

Maa lé ka lɛ léé, mi ’ko go élé kɔn ’léé mi tegele nya, é mini é bɔluzan ta. Naa, dé mian ébo nwaan blɛn wo dan a tua lɛ, yé mi lé ébo tuaan wo dan a nwa lɛ blɛn.

Ébrunu 3:13

Naa, ’ka we pla ka ke lɛ yi faa do do ma, tu valé é kinile ma, té ka yi lɛbɛn lo, léé, té wenyané é dabli kɛlɛ ka va mi do kpen lɛ yé a tɔné gi é kɛlɛ yuyu lo.

1 Samuɛl 6:6

Mɛmalé ka bli kɛlɛ plɛplɛ bélé fɛan zo lé Éjipitinu valé Faraɔn ’wo bli kɛlɛ plɛplɛ, a zoo? Dé Gakelebale ’é lɛdɔ wo gi faa wo ’ka daan lɛ Izraɛl lé nénu ma yé ’bɛnu go loo?