Daniɛl 5:2 - Kazambale lé Sebe Sauunu 1979

² Dé Bɛlsasaa dɔrɔ mini, é léé, ’wo da kyan kananu valé gɔɔlifu kananu lé a ti Nébukanɛsaa a si Bale lé kɔn gi Jérusalɛm, wo nya léé, ’yee minwiinzan blɛn koo, élé mi blɛnnu koo, a nanu koo, a bwɛnu koo, ’wo wo si yé ’wo fɛ mini wo gi.

Daniɛl 5:2 ပူးပေါင်းရင်းမြစ်များ

2 Samuɛl 9:7

David lé a lɛ léé: Té i kana lo; naa, maa a a va léé, an wezin kɛlɛ i lɛ i ti Jonatan lé we ma. An dan i tra Saul lé tɛrɛnu faa nɔ lɛ i lɛ é ziin, yé i dan fɛ ble lɛ yifaama anlé kɔn ’léé.

2 Minwiinzannu 24:13

Gakelebale lé kɔn gi fɛwezannu koo, minwiinzan blɛn lé kɔn gi fɛwezannu koo, é wo si; Gakelebale lé kɔngifɛnu lé Salomɔn a kɛlɛ kyan nya, é wo yéli, Gakelebale a fe fɛan zo, a zo.

2 Minwiinzannu 25:15

Kyɛnyɛ sifɛ valé kananu lé wa kɛlɛ kyan nya, é valé wo lé wo wo kɛlɛ gɔɔlifu nya, sunyanu ’lɛzan wo si é ziin.

2 Minwiinmunu lé Wezuofe Sɛbɛ 11:20

A zuo é Abusalɔm lu Maaka si é na nya. Abija koo, Atai koo, Ziza koo, Sélomit koo, é wo yaa a lɛ.

2 Minwiinmunu lé Wezuofe Sɛbɛ 15:16

Minwiinzan blɛn Aza naa Maaka miyili kɛlɛ Asataté zé nya, amalé é kɛlɛle mi nwiin le nya se si a lee. Aza alé miyili sɛrɛ, yé é a pun bo, yé é a kyɛ ble Sédrɔn yuu yorole plɛplɛ sɔnɔ.

2 Minwiinmunu lé Wezuofe Sɛbɛ 36:10

’Bɛ zuo lɛɛ do, minwiinzan blɛn Nébukanɛsaa go a nya Babilɔn, yee valé Gakelebale lé kɔn gi nyanamapafɛ wezannu nya. Yé é Jojakɛn bwe Sédésias pla Juda valé Jérusalɛm nwiin Jérusalɛm.

2 Minwiinmunu lé Wezuofe Sɛbɛ 36:18

Yé Bale lé kɔn gi nyanamapafɛnu faa, a blɛnzannu valé a kiénézannu koo, Gakelebale lé kɔn gi fɛwezannu koo, minwiinzan blɛn valé alé mi segelenu lé fɛwezannu koo, Nébukanɛsaa go wo nya Babilɔn.

Ezidras 5:14

Kyan kananu valé gɔɔlifu kananu lé ke Bale lé kɔn gi Jérusalɛm, Nébukanɛsaa a si é kyɛn yé é go wo nya ézé miyili bangikɔn gi Babilɔn. Yé Sirus fɛ ’konu si yé é wo bɛ pa Sɛsibasaa lé é a dɔ gbɔrɔnama nya, a lee,

Jérémi 27:7

Bɛnnu faa é dan pla lɛ a wuo, yee koo, a be koo, a néné koo, wo dan pla lɛ wo wuo fɔɔ yé wozé bléyi é nyaa, ’bɛ zuo yee Babilɔn tɛrɛ é dan pla lɛ bɛn plɛplɛ bɛnu valé minwiinzan blɛn bɛnu wuo.

Jérémi 50:35

Gakelebale léma: ’Wo gwɔun sia Kaldé munu ma! ’Wa sia Babilɔn munu koo, a nwiinmunu koo, alé wedɔɔzannu koo, wo ma.

Jérémi 52:19

Kananu koo, kyɛnyɛsifɛnu koo, ’yiminikananu koo, kyɛyeezéngifɛnu koo, fintrannu koo, kananénu valé bɔnu koo, fɛnu lé wa kɛlɛ kyan valé gɔɔlifu nya, sunyanu ’lɛzan a si.

Daniɛl 1:2

Mizambale Juda nwiinzan blɛn Jojakim pa a lee, ’é valé Balebangikɔn gi nyanamapafɛ kenu nya. Nébukanɛsaa nyanamapafɛ ’konu si yé é go wo nya Sinéaa tɛrɛ la, yé é wo pa ’élé bale lé kɔn gi fɛwezannu pana.

Daniɛl 5:11

Mi do ana ilé tɛrɛ la ’ko, ’té bale sauunnu léli a a gi. I ti bléyi va, wa ye léé, a va a é kinile, yé a gi kini, yé wedɔɔle lé ke bélé balenu lé wedɔɔle zo, é a a gi. Yé i ti minwiinzan blɛn Nébukanɛsaa, i ti boen, é a dɔ yokɛlɛzannu koo, monénénu va ’monédɔzannu koo, Kaldé munu koo, ’monédɔzannu koo, wo nwiinzan nya.

Daniɛl 5:13

Wo da Daniɛl nya minwiinzan blɛn ’lɛ. Minwiinzan blɛn we fe Daniɛl lɛ yé é léé: Juda munu lé an ti, minwiinzan blɛn wo si luu nya yé é da wo nya ’ko, wovazan do lé wa laama Daniɛl bɛ, bii ɛ ke a nyaa?

Daniɛl 5:18

Minwiinzan blɛn, balenu faa nwiin Bale, plale mi nwiin koo, kɛlɛle blɛn koo, tɔbɔle koo, fua zevɔle koo, é wo nɔ i ti Nébukanɛsaa lɛ. Kɛlɛle blɛn lé é a nɔ a lɛ bɛ,

Daniɛl 5:23

I nwa lanu Nwiinzan ma. Wo da alé kɔn gi kananu nya i lɛ, yé ka wo si dɔrɔminikananu nya, yé bii koo, ilé mi blɛnnu koo, i nanu valé i bwɛnu koo, ka dɔrɔ mini wo gi; balenu lé wo wo kɛlɛ gɔɔlifu koo, kyan koo, foliɛwɔlɛ koo, yili koo, gɔlɛ koo, wo nya, ’té wo ’ka yɛrɛ yé lo, yé wo ’ka we maan lo, yé ’té wo ’ka we do dɔɔa lo bɛ, wo lé i vo wo tɔ zin fena, yé Bale lé ilé flinle valé ilé tawobɛ faa ke a lee, i ’ka ’bɛ tɔ nwa lɛ lo.

Daniɛl 5:3

Yé kyan kananu lé wo wo si Kazambale bangikɔn gi Jérusalɛm, wo da wo nya, yé minwiinzan blɛn koo, élé mi blɛnnu koo, a nanu koo, a bwɛnu koo, wo wo si yé wo fɛ mini wo gi.

Daniɛl 5:30

’Bɛ yi duo nya é béli, wo Kaldé munu nwiinzan blɛn Bɛlsasaa gyɛ.

Daniɛl 5:4

Wo dɔrɔ mini, yé balenu lé wo ke kyan koo, gɔɔlifu koo, zéné koo, foliɛwɔlɛ koo, yili koo, gɔlɛ koo, wo nya, wo vo wo tɔ zin fena.

Mi Nɔnɔle 7:79

Fɛnu lé é a nɔ, yee lo: pala lé wa kɛlɛ gɔɔlifu lé éé sikla yɔ suiɛdo wɔlɛ vu sian, a nya, ’bɛ a do; kana lé wa kɛlɛ gɔɔlifu lé éé sikla yɔ yaa wɔlɛ vu sian, a nya, fɛna sauun lé sikla yɛrama, ’bɛ a do; ’té wo fiénu a é fanle burupun zima lé wa vɔɔ nyɔnɔ nya, a nya; yee lé é a nɔ balebanfɛ nya;