Daniɛl 5:18 - Kazambale lé Sebe Sauunu 1979

¹⁸ Minwiinzan blɛn, balenu faa nwiin Bale, plale mi nwiin koo, kɛlɛle blɛn koo, tɔbɔle koo, fua zevɔle koo, é wo nɔ i ti Nébukanɛsaa lɛ. Kɛlɛle blɛn lé é a nɔ a lɛ bɛ,

Daniɛl 5:18 ပူးပေါင်းရင်းမြစ်များ

2 Minwiinzannu 25:28

É we néné fe a lɛ, yé é alé fuablin dɔra é va Babilɔn yé é mini a bɔlunu lé fuablinnu ta.

Lɛrɛvɔ Sɛbɛ 47:2

’Kaa migɔnɔnu, ’ka faa é bɛ gyɛ. ’Ka siaa Kazambale lɛ ginanale nya.

Lɛrɛvɔ Sɛbɛ 7:17

Alé weple éé nɔlaan yeeboen ta, Yé alé glawe éé zunwo abozen yarapɛla.

Lɛrɛvɔ Sɛbɛ 9:2

Maa dan Gakelebale tɔ bɔ lɛ an bli faa nya, An dan a kɛlɛwe blɛnnu faa zuo fe lɛ.

Lɛrɛvɔ Sɛbɛ 92:8

Dé mi nyanénu tuu bélé lu zooo, Dé wenyanékɛlɛmunu faa vwi bioo, Wo sɛrɛle tata we ma lé é kɛlɛ.

Jérémi 25:9

amalé Gakelebale léma: Munu faa lé wo ke yirinwana bɛbolazia, an dan munu nwunvɔ lɛ wo laana, léé, ’wo da. Maa dan mi nwunvɔ lɛ an wuozan Babilɔn nwiinzan blɛn Nébukanɛsaa va, yé maa dan da lɛ a nya léé, ’é nwa tɛrɛ ’ko koo, a tamunu koo, wo zi bɛnnu faa koo, wo ma, wo kulu gale we ma, yé wo wolé fla kɛlɛ é ’bin nya, wenanamafɛ nya, yé é dan vo lɛ é pla lɛɛfaama.

Jérémi 27:5

Maa ɛ tɛrɛ kɛlɛ. Tɛrɛlamunu koo, tɛrɛlawinu koo, an wo kɛlɛ anlé plɛplɛ blɛn valé an bɛ plɛplɛ nya, yé dé mian é sɔ an lɛ léé, maa tɛrɛ nɔ a lɛ, a lɛ lé maa a no.

Jérémi 27:7

Bɛnnu faa é dan pla lɛ a wuo, yee koo, a be koo, a néné koo, wo dan pla lɛ wo wuo fɔɔ yé wozé bléyi é nyaa, ’bɛ zuo yee Babilɔn tɛrɛ é dan pla lɛ bɛn plɛplɛ bɛnu valé minwiinzan blɛn bɛnu wuo.

Jérémi Lé Wuvɔ Sɛbɛ 3:35

Dé woo glawe kɛla mi tegelenu lɛ Loruzan yara,

Jérémi Lé Wuvɔ Sɛbɛ 3:38

We zin valé wenyané éé sié Loruzan lé blibɔmale va, yee kaan loo?

Ézékiɛl 31:11

Amalé maa a pa bɛnnu va nyanabɛn lee, yé ’bɛ é dan we kɛlɛ lɛ a lɛ a bli nyané yɛrama; maa a bin.

Daniɛl 4:17

Fɛyuɛmalenu lé woo fɛnu tabin‐é, wo we ’ko ’wuo dɔ; mi sauunnu munu béli dɔ we ’ko nya, léé, munu faa a gi dɔɔ léé, plale mi nwiin faa a é plale Loruzan wuo; dé miomian sɔ a lɛ, éé ’bɛzan plaan munu nwiin, yé éé munu faa va mi kiéné kɛla minwiinzan nya.

Daniɛl 4:19

Yé Daniɛl lé wa laama Bɛlsatasaa, kwakwa vɔ a ta bléyi sɛ nya yé gi bɔrɔ pa a ma. Yé minwiinzan blɛn we fe é ziin yé é léé: Bɛlsatasaa, té nyɛ ’ko valé é gifele é gi bɔrɔ pa i ma lo. Yé Bɛlsatasaa a zi pa a lɛ léé: Anzan, nyɛ ’ko ’é kɛlɛ i nyanézannu zé nya, yé a gi fele ’é kɛlɛ i mazannu zé nya ma.

Daniɛl 4:2

Tɔmasenu valé we blɛnnu lé balenu faa Nwiinzan a kɛlɛ an lɛ, é sɔ an lɛ léé, maa wo zuo fe mi bɛnu lɛ.

Daniɛl 4:32

Wo dan i bin lɛ munu méléna, yé i dan nyana lɛ bwigiwinu va. Wo dan lunu nɔ lɛ i lɛ bélé diri zo yé bé ble, yé lɛɛ sɔrafié é dan gié lɛ i ta fɔɔ yé bé gi dɔɔ léé, plale mi nwiin faa a é plale Loruzan wuo, yé dé miomian sɔ a lɛ, éé ’bɛzan plaan munu nwiin.

Daniɛl 4:34

Bléyi lé wa dɔ, a bɔle zuo, maa Nébukanɛsaa an yara nwa lagizia, yé an ’wuo dɔ an ta é ziin. Yé an Loruzan drɔɔ vo; mi lé é ke é yuɛma lɛɛfaama a glɛ ’ka lo, mi lé a plale mi nwiin glɛ ’ka lo, yé mi kulu é kulu faa éé plaan a wuo, maa a tɔ zin fe yé maa a tɔ nwa.

Daniɛl 5:21

Wa bin blaminu méléna. A bli kɛlɛ bélé winu bli zo, yé é nyana bwi gi sokofalenu va. Wo lu nɔ a lɛ bélé diri zo yé é a ble, yé lagi lolu a kɛlɛ drɔɔdrɔɔ, fɔɔ yé é a gi dɔɔ léé, plale mi nwiin faa a é plale balenu faa nwiinzan Bale wuo, yé dé miomian sɔ a lɛ, éé ’bɛzan plaan munu nwiin.

Daniɛl 6:22

Anlé Bale élé lanje pa zia yé é golizranu lɔlu lɛ tan, yé wo ’ka we tɔntɔn do kpen kɛlɛ lɛ an lɛ lo. Bale an ye nwiinplazan nya, azama. Yé bii é ziin, minwiinzan blɛn, an ’ka wenaané do kpen kɛlɛ lɛ i ma lo.

Kelewenu 26:13

Naa, minwiinzan, é yiéyi, san do si la gi yé é diri maa valé an béénu zi zia. A bile mini yiri ta.

Kelewenu 26:19

Aléwemalé, minwiinzan Agripa, an ’ka sɔn vɔ lɛ lagi yuɛzi ma lo.

Kelewenu 7:48

Naa, duowo, kɔn lé mi a dɔa, Loruzan ’ka nyanaan ’bɛ gi lo, fɛan zo lé balelayezan a fe, a zo; é léé:

Bélidɔwesɛbɛ Fiézan 32:8

Dé Loruzan bɛnnu lé tɛrɛ nɔ, Dé é munu gi bɔi nuu, É munu lé tɛrɛ glɛ dɔ Izraɛl lé nénu ’léé yɛrama.