Daniɛl 4:9 - Kazambale lé Sebe Sauunu 1979

⁹ Bɛlsatasaa, gyɛzorowekɛlɛzannu nwiinzan, maa a gi dɔɔ léé, i gi lé bale sauunnu léli ke; biian we yɔɔle do kpen gi fele ’ka i lee tɔntɔn lo, yuɛziwenu lé maa a ye nyɛ fla, ’bé gi fe an lɛ ma.

Daniɛl 4:9 ပူးပေါင်းရင်းမြစ်များ

Wepélisiananu 41:38

Yé Faraɔn lé é wuomunu lɛ léé: Ko mi bɛ yé bélé mi ’ko zo, ’té Bale léli a a gii?

Ézai 33:18

Dikiniémigiwe sele é dan dɔ lɛ ka gi é pla; sɛbɛgyɛzan ka? Gɔɔlibansizan ka? Gulidankɔn taginizan ka?

Ézai 54:14

We tegele é dan i dɔ lɛ gligli; I kanamawe ’ka lo, amalé gibɔrɔ ’ka i ma lo. Kana blɛn ’ka dan bié lɛ i lɛ é pu lo.

Ézékiɛl 17:23

Maa dan a suru lɛ gɔ blɛn torole nwiin, Izraɛl tɛrɛ la. A bɛnu é dan kɛlɛ lɛ yé é dan é poro baa lɛ, yé é dan kɛlɛ lɛ sɛdrɛyili nɔnɔmi kaii nya. Miané gɔnɔ faa do do é dan nyana lɛ a bɛnu la. Yé fɛnu faa lé wo bɛanu ke, wo dan nyana lɛ a bɛnu furɔ va.

Ézékiɛl 28:3

Bé ye, i we dɔɔ é mini Daniɛl ta, we do kpen ’ka é yɔɔle i lee lo;

Daniɛl 1:20

We faa lé é a laa wo lee, ’té é a lé wa zi pa gikinile valé wedɔɔle yɛrama, wozé gié yokɛlɛmunu valé monénénu lé wedɔɔzannu lé wo ke alé tɛrɛ la fɛfaana, wozé wedɔɔle ta gɔnɔ vu.

Daniɛl 2:47

Yé minwiinzan blɛn lé Daniɛl lɛ léé: Ilé Bale a balenu lé Bale nya, yé é a minwiinzan blɛn faa zan nya webozen nya. I we ’ko gi bɔra fɛan zo, ’bɛ gi léé, é bɔa we yɔɔlenu gi bɔrale lɛ.

Daniɛl 2:48

’Bɛ zuo minwiinzan blɛn Daniɛl kɛlɛ blɛn, yé é blɛ wezan kiɛre kɛlɛ a lɛ. É a dɔ Babilɔn tɛrɛ faa nwiinzan nya, yé é a kɛlɛ Babilɔn wedɔɔzannu faa nwiinzan nya.

Daniɛl 4:18

Maa, minwiinzan blɛn Nébukanɛsaa, we lé maa a ye nyɛ fla, yee lé ke bɛ. Bii Bɛlsatasaa, ’bé gi fe an lɛ. Naa, anlé tɛrɛla wedɔɔmunu faa ’ka bɔa a gi fele lɛ lo; bii, i bɔalɛ; bale sauunnu léli a i gi, azama.

Daniɛl 4:5

An nyɛ do gyɛ yé é kana blɛn zén an gi. ’Wuogibɔrɔlenu lé wo da an ’wuo gi, ’té maa a é yiale koo, yuɛzi wenu lé maa wo ye koo, wo an zuru va nyɛ kini blɛn.

Daniɛl 4:8

É voéla, Daniɛl lé maa a tɔ pa Bɛlsatasaa, anlé bale zié nya, ’té bale sauunnu léli a a gi bɛ, é da an ’lɛ, yé maa nyɛ fe a lɛ.

Daniɛl 5:11

Mi do ana ilé tɛrɛ la ’ko, ’té bale sauunnu léli a a gi. I ti bléyi va, wa ye léé, a va a é kinile, yé a gi kini, yé wedɔɔle lé ke bélé balenu lé wedɔɔle zo, é a a gi. Yé i ti minwiinzan blɛn Nébukanɛsaa, i ti boen, é a dɔ yokɛlɛzannu koo, monénénu va ’monédɔzannu koo, Kaldé munu koo, ’monédɔzannu koo, wo nwiinzan nya.

1 Samuɛl 4:8

Wenaané kɛlɛ ko lɛ. De ɛ dan ko si lɛ bale plɛplɛ ’konu lee? Balenu lé wo Éjipiti munu gyɛ gyɛ gɔnɔ faa nya bwi gi, woo lé.