Daniɛl 4:7 - Kazambale lé Sebe Sauunu 1979

⁷ Yé yokɛlɛzannu koo, monénénu va ’monédɔzannu koo, Kaldé munu koo, ’monédɔzannu koo, wo da. Maa nyɛo fe wo lɛ, yé wo ’ka a gi fe lɛ an lɛ lo.

Daniɛl 4:7 ပူးပေါင်းရင်းမြစ်များ

Wepélisiananu 41:24

’Sanɛnɛ founu wo ’sanɛnɛ zima sɔrafié mini. Maa a fe yokɛlɛmunu lɛ, naa, wo va mi do kpen ’ka a gi fe lɛ an lɛ lo.

Wepélisiananu 41:8

’Bɛ é tu kini, Faraɔn gi kyɛ dɔ, yé yokɛlɛmunu faa valé wedɔɔmunu faa lé ke Éjipiti tɛrɛ la, é munu nwunvɔ wo laana. Wo da aan wo, é ’élé nyɛ zuo fe wo lɛ. Naa, wo va mi do kpen ’ka bɔ lɛ wo gi fele lɛ Faraɔn lɛ lo.

Lɛrɛvɔ Sɛbɛ 37:35

Maa mi nyané ye, ’té alé plɛplɛ faa a a lee, É a bélé yili drɔɔdrɔɔ lé é kwɛɛ vɔ, a zo.

Ézai 44:25

Maa viébalelayemunu lé tɔmasenu sɛrɛ, Yé maa lé ’monédɔmunu ma léé, wa tavozannu nya; Maa wedɔɔmunu biéan ’wo zuo, Yé maa wolé ’wuoatawe nɔla tavowe nya.

Ézékiɛl 31:3

Bé ye, Asiri a bélé Liban tɛrɛ la sɛdrɛyili zo; A bɛnu a é nɔnɔmi; A kwɛɛ a é vɔle, a bo a é torole, Yé a zɔ a é torole a bɛ kiɛre méléna.

Daniɛl 1:4

pɛniɛnu lé gyɛ pɔlɛ do kpen ’ka wo ma lo, ’té wo yara ke é nɔnɔmi, ’té wo ke wedɔɔzannu koo, gikinizannu koo, ’wuoatazannu koo, wo nya, ’té woo bɔaléé, wo minwiinzan blɛn lé kɔn gi nyanama pa, yé wo Kaldé dére valé alé sɛbɛwɔlɛnu paa wo gi.

Daniɛl 2:10

Kaldémunu a zi pa a lɛ léé: We lé minwiinzan blɛn a laa, mi do kpen ’ka tɛrɛ la ’ko yé ’bɛ é bɔa a fele lɛ lo. Dé é a minwiinzan‐oo zan‐an nyaoo, dé é a blɛn‐oo, dé plɛplɛ faa a a leeoo, é ’ka bɔa ’bɛ zoɛ we ’ko laale lɛ mi lee gla nya lo, dé é a yokɛlɛzan nyaoo, dé é a monénénu va ’monédɔzan nyaoo, dé é a Kaldé mi nyaoo, wo lee lo.

Daniɛl 2:27

Daniɛl a zi pa minwiinzan blɛn yuɛ va yé é léé: We lé minwiinzan blɛn a laa, é a we yɔɔle lé wedɔɔzannu koo, monénénu va ’monédɔzannu koo, yokɛlɛzannu koo, ’monédɔzannu koo, wo ’ka bɔa a gi bɔrale lɛ minwiinzan blɛn lɛ lo, a nya.

Daniɛl 2:7

Wo lé a lɛ a gɔnɔ fiézan nya léé: Minwiinzan blɛn ’é nyɛ ’ko fe é wuozannu lɛ ma, yé ko dan a gi fe lɛ.

Daniɛl 3:8

Bléyi ’ko duo gi, Kaldé mi kenu bié yé wo we dɔ Juifinu nwiin.

Daniɛl 4:18

Maa, minwiinzan blɛn Nébukanɛsaa, we lé maa a ye nyɛ fla, yee lé ke bɛ. Bii Bɛlsatasaa, ’bé gi fe an lɛ. Naa, anlé tɛrɛla wedɔɔmunu faa ’ka bɔa a gi fele lɛ lo; bii, i bɔalɛ; bale sauunnu léli a i gi, azama.

Daniɛl 5:7

Minwiinzan blɛn sia plɛplɛ léé, monénénu va ’monédɔzannu koo, Kaldé munu koo, ’monédɔzannu koo, ’wo wo laa ’wo da. Minwiinzan blɛn we fe Babilɔn wedɔɔmunu lɛ yé é léé: Dé miomian sɛbɛ ’ko ta fe yé é a gi fe an lɛ, wo dan galunaa tɔvarɔ zén lɛ a ta yé wo kyan vɔ a bɔrɔ ma, yé wo dan nyanana yaazan nɔ lɛ a lɛ plale mi nwiin gi.

Daniɛl 5:8

Minwiinzan blɛn lé wedɔɔzannu faa wɔra, naa, wo ’ka bɔa sɛbɛ ’ko tafele lɛ yé wa gi fe minwiinzan blɛn lɛ lo.