Daniɛl 4:34 - Kazambale lé Sebe Sauunu 1979

³⁴ Bléyi lé wa dɔ, a bɔle zuo, maa Nébukanɛsaa an yara nwa lagizia, yé an ’wuo dɔ an ta é ziin. Yé an Loruzan drɔɔ vo; mi lé é ke é yuɛma lɛɛfaama a glɛ ’ka lo, mi lé a plale mi nwiin glɛ ’ka lo, yé mi kulu é kulu faa éé plaan a wuo, maa a tɔ zin fe yé maa a tɔ nwa.

Daniɛl 4:34 ပူးပေါင်းရင်းမြစ်များ

2 Samuɛl 22:31

Gun ’ka Bale lé zinu ma lo, Gakelebale éé dére tawe kɛla; Munu faa lé wo ’wobo bɛ pa Bale lee, é a wo takuunfɛ nya.

Minwiinzannu lé Wezuofe Sɛbɛ 29:10

David Gakelebale drɔɔ vo zén‐ékevamunu faa yuɛ va. É léé: Gakelebale, ko ti Izraɛl lé Bale, i drɔɔ ’é vo lɛɛ faa tere ma, té a glɛ é dɔ lo.

Minwiinzannu lé Wezuofe Sɛbɛ 29:13

Oo kolé Bale, sin ko i tɔ zin fé, yé ko i tɔ ma gya.

JOB (Job) 1:21

yé é léé: An bɔra an bu bɔn gi é porole; yé maa dan go lɛ tɛrɛ gi é porole. Gakelebale ɛ wo nɔ yé Gakelebale ɛ wo si. ’Wo Gakelebale tɔ drɔɔ vo ma.

Lɛrɛvɔ Sɛbɛ 10:16

Gakelebale a minwiinzan nya yifaama, a glɛ ’ka lo, É bɛnnu nyaa élé tɛrɛ la,

Lɛrɛvɔ Sɛbɛ 102:24

É anlé plɛplɛ si an lee zia, É anlé tɛrɛla yi kenu si a ta.

Lɛrɛvɔ Sɛbɛ 107:15

’Wo Gakelebale tɔ zin fe alé zin Valé we blɛnnu lé é a kɛlɛ blaminu lɛ, a we ma ma.

Lɛrɛvɔ Sɛbɛ 107:22

’Wa ban a bɔvɔlenu nya ma, ’Wa kɛlɛwenu zana dɔɔ ’té woo siaan ginanale nya ma.

Lɛrɛvɔ Sɛbɛ 107:31

’Wo Gakelebale tɔ zin fe alé zin Valé we blɛnnu lé é a kɛlɛ blaminu lɛ, a we ma ma.

Lɛrɛvɔ Sɛbɛ 107:8

’Wo Gakelebale tɔ zin fe alé zin Valé we blɛnnu lé é a kɛlɛ blami benu lɛ, a we ma ma.

Lɛrɛvɔ Sɛbɛ 111:7

A bɛ panyanama a yarapale we la valé we tegele nya; A déretawenu faa a webozen nya.

Lɛrɛvɔ Sɛbɛ 121:1

Gɔ gié lɛrɛ lé. Maa an yuɛ vɔ gɔblɛnnu ta. De ɛ dan bɔ lɛ an vaa?

Lɛrɛvɔ Sɛbɛ 123:1

Gɔ gié lɛrɛ do lé. Biian i ke é nyanale la gi, An yuɛnu a i lɛ.

Lɛrɛvɔ Sɛbɛ 145:13

Ilé plale mi nwiin a lɛɛfaama we nya, a glɛ ’ka lo, Yé i lɛdɔmale ana yifaama.

Lɛrɛvɔ Sɛbɛ 146:10

Gakelebale éé plaan munu nwiin lɛɛfaama, a glɛ ’ka lo, Oo Siɔn, izé Bale é dan vo lɛ ana lɛɛfaama, a glɛ ’ka lo. ’Ka Gakelebale tɔ zin fe.

Lɛrɛvɔ Sɛbɛ 50:14

Bale bɔvɔle ’é kɛlɛ kalé saraka bole nya ma, Yé’i ilé balekunle lɛ sɔɔ Loruzan lɛ.

Lɛrɛvɔ Sɛbɛ 66:7

Alé plɛplɛ nya lé éé plaan munu nwiin, Éé bɛnnu naginian é yuɛ nya, Té tɔnégiplɛplɛ munu é nwa lo ma. Ka ye do.

Lɛrɛvɔ Sɛbɛ 7:17

Alé weple éé nɔlaan yeeboen ta, Yé alé glawe éé zunwo abozen yarapɛla.

Lɛrɛvɔ Sɛbɛ 9:2

Maa dan Gakelebale tɔ bɔ lɛ an bli faa nya, An dan a kɛlɛwe blɛnnu faa zuo fe lɛ.

Lɛrɛvɔ Sɛbɛ 92:1

Lɛrɛ lé. Flinyi lé Bale tɔbɔlɛrɛ lé.

Ézai 13:11

Maa dan we lɛdɔ lɛ tɛrɛlamunu gi, an blifliwe lé wa kɛlɛ, a we ma. Maa dan we lɛdɔ lɛ mi naanénu gi wolé weple lé we ma. Maa dan boblɛnzannu lé boblɛn nyaa lɛ; maa dan yaamitazannu lé mi naginile wo yuɛ zuo lé we nyaa lɛ.

Ézai 2:11

Mi lé éé mi naginian é yuɛ zuo glan‐un, Bale é dan ’bɛzan ta zana lɛ yé Bale é dan boblɛnzan kɛlɛ lɛ kiéné. ’Bɛ yi la Gakelebale do kpen ɛ dan kɛlɛ lɛ blɛn.

Ézai 24:15

’Ka Gakelebale tɔ bɔ fɛana lé san ke bina, ana; ’ka Gakelebale Izraɛl lé Bale tɔ bɔ wɛyi méléna tɛrɛnu ta.

Jérémi 10:10

Naa, Gakelebale a Bale nya webozen nya; É a Bale yuɛmale valé minwiinzan lé, éé voo ana lɛɛfaama, ’Té a glɛ ’ka dɔa lo, a nya. Tɛrɛ ma éé nyɔɔn‐an alé bliflile we ma, Yé bɛnnu ’ka dɔa a wɛwɛ wuo lo.

Jérémi Lé Wuvɔ Sɛbɛ 3:38

We zin valé wenyané éé sié Loruzan lé blibɔmale va, yee kaan loo?

Daniɛl 12:7

Yé mi lé, lɛnsɔ ke a ta, ’té é ke é dɔle ’yi ta loru, maa a dére ’ma; yé é bɛyi valé é bɛbo nwa lagi zia, ’té Bale lé éé voo é yuɛma lɛɛfaama, a glɛ ’ka lo, éé a ’nyɔɔn‐an a tɔ nya yé é léé: É dan kɛlɛ lɛ lɛɛ yaa é buu giéle zuo ma. Yé dé Bale lé munu lé plɛplɛ faa nyaa tata bléyian va, yé we ’konu faa é nyaa.

Daniɛl 2:44

Minwiinzan blɛn ’konu bléyi va, lanu lé Bale é dan plale mi nwiin lé é ’ka dan sɛrɛ lɛ monomono lo, a dɔ lɛ, ’té mi bɛ ’ka dan pla lɛ ’bɛ nwiin monomono lo. Yee ɛ dan plale mi nwiin ’konu faa ’wii lɛ yé é wo sɛrɛ tata, yé yeebozen é dan vo lɛ ana lɛɛfaama, ’bɛ glɛ ’ka lo.

Daniɛl 4:2

Tɔmasenu valé we blɛnnu lé balenu faa Nwiinzan a kɛlɛ an lɛ, é sɔ an lɛ léé, maa wo zuo fe mi bɛnu lɛ.

Daniɛl 4:26

Wa fe aan wo léé, a pun lé a suni ke a ma, ’bɛ é vo, ’bɛ gi léé, ilé plale mi nwiin é dan vo lɛ, ’té dé bé gi dɔɔ léé, mi lé é dan pla lɛ mi nwiin é a la gi.

Daniɛl 4:3

Alé tɔmase ’konu a blɛɛn! Yé alé we blɛɛnnu ’ko a plɛplɛ! Munu éé plaan a wuo lɛɛfaama, a glɛ ’ka dɔa lo, yé alé plale mi nwiin éé voo ana mi kulu é kulu zé nya.

Daniɛl 4:32

Wo dan i bin lɛ munu méléna, yé i dan nyana lɛ bwigiwinu va. Wo dan lunu nɔ lɛ i lɛ bélé diri zo yé bé ble, yé lɛɛ sɔrafié é dan gié lɛ i ta fɔɔ yé bé gi dɔɔ léé, plale mi nwiin faa a é plale Loruzan wuo, yé dé miomian sɔ a lɛ, éé ’bɛzan plaan munu nwiin.

Daniɛl 4:36

’Bɛ bléyi va an ’wuo dɔ an ta é ziin; wo an plale mi nwiin tɔbɔle valé anlé fua valé an tɔ blɛn nɔ an lɛ é ziin; we pla anlɛzannu valé anlé mi segelenu an ma laa é ziin; wo an dɔ minwiinzan nya an pa gi, ’té anlé plɛplɛ gi éé gya saawo.

Daniɛl 5:18

Minwiinzan blɛn, balenu faa nwiin Bale, plale mi nwiin koo, kɛlɛle blɛn koo, tɔbɔle koo, fua zevɔle koo, é wo nɔ i ti Nébukanɛsaa lɛ. Kɛlɛle blɛn lé é a nɔ a lɛ bɛ,

Daniɛl 5:21

Wa bin blaminu méléna. A bli kɛlɛ bélé winu bli zo, yé é nyana bwi gi sokofalenu va. Wo lu nɔ a lɛ bélé diri zo yé é a ble, yé lagi lolu a kɛlɛ drɔɔdrɔɔ, fɔɔ yé é a gi dɔɔ léé, plale mi nwiin faa a é plale balenu faa nwiinzan Bale wuo, yé dé miomian sɔ a lɛ, éé ’bɛzan plaan munu nwiin.

Daniɛl 6:26

Maa munu béli dɔ anlé tɛrɛ faa la léé, munu ’é kana Daniɛl lé Bale lee, yé di blɛn ’é kini wo gi alé we ma. Naa, yee ɛ ke Bale yuɛmale nya, yé éé voo ana lɛɛfaama, a glɛ ’ka lo. Alé plale mi nwiin ’ka sɛra lo, yé é dan vo lɛ mi nwiin fɔɔ yé é bɔ a ’wuo plana.

Daniɛl 7:14

Kɛlɛle minwiinzan nya koo, fuablele koo, plale mi nwiin koo, wa se kɛlɛ a lɛ, yé migɔnɔ faa koo, bɛnnu koo, dére faa do do vɔmunu koo, wa bɔ. Alé plale mi nwiin a plale mi nwiin lé a glɛ ’ka lo, ’té é ’ka giéan lo, a nya, yé a plale mi nwiin ’ka nyaan monomono lo.

Daniɛl 7:27

Plale mi nwiin koo, munu plale a wuo koo, tɛrɛ la bɛngɔnɔnu faa lé fua koo, wo dan wo nɔ lɛ Loruzan lé munu lɛ. ’Bɛnu lé plale mi nwiin a plale mi nwiin lé é vo ana lɛɛfaama, a glɛ ’ka lo, a nya, yé minwiinzannu faa é dan a bɔ lɛ yé wo dan a lɛdɔ lɛ a ma.

Daniɛl 9:14

Amalé Gakelebale we tɔntɔn ’ko bɔ ko ma sɔbɛlawe nya. Naa, Gakelebale kolé Bale a tegele é kɛlɛwenu faa gi, naa, ko ’ka ko tɔné dɔ lɛ a dére lɛ lo.

Jonas 1:14

Wo Gakelebale tɔ laa, yé wo léé: Gakelebale, té ko zamaga wo mi do ’ko lé we ma lo. Yé té i weanwiinlozan nyɛ dɔ ko nwiin lo. Naa, bii Gakelebale, wean é sɔ i lɛ, yee lé bé kɛla.

Misé 4:7

Mi sɛ lé wo vo gane tɔntɔn munu nya, maa dan wo kɛlɛ lɛ mi kulu nya; munu lé wo wo bin, maa dan wo kɛlɛ lɛ bɛn plɛplɛ nya, yé Gakelebale é dan pla lɛ wo nwiin, Siɔn gɔ nwiin, é sia ’bɛ bléyi ma fɔɔ yifaama a glɛ ’ka lo.

WENÉNÉ LÉ LUK A GYE (Évangile selon Luc) 1:33

É dan pla lɛ Jakɔb gɔnɔlamunu faa nwiin lɛɛfaama, yé a plale munu nwiin glɛ ’ka dan dɔ lɛ lo.

WENÉNÉ LÉ LUK A GYE (Évangile selon Luc) 18:13

Mi lé ’bɛ ke vagɔɔlisizan nya, ’bɛ dɔ baa, yé é ’ka dɔ lɛ ’bɛ gi boenwo lé é yara nwa la gi zia lo; naa, é kun é ’wuo ma ’té éé a fé léé: Oo, Kazambale, ’i nyanai zén maa wenyanékɛlɛzan ta.

WENÉNÉ LE JAN A GYE (Évangile selon Jean) 5:26

Fɛan zo lé an Ti bozen ke vole é yuɛma ’wuo nya, a zo duo lé é a se kɛlɛ maa é Be lɛ léé, an kɛlɛ vole é yuɛma ’wuo nya é ziin.

Bélidɔwesɛbɛ Fiézan 32:4

É a bélé gɔlɛ zo; gun ’ka a kɛlɛwenu ma lo, Alé tawobɛ faa a tegele, azama; É a Bale lé éé yara paan we la, ’té weple ’ka a gi lo, a nya. É a tegele, é a é drɔle.

1 Timoté 1:17

’Mi lé é ke minwiinzan nya lɛɛfaama, ’té é ’ka gaan lilo, ’té wo ’ka a yé lo, ’té yee do kpen ɛ ke Kazambale nya, ’wa tɔ bɔ yé ’wo fua nɔ a lɛ lɛɛfaama, té a glɛ é dɔ lo. Amɛɛn.

1 Timoté 6:16

’té vole é yuɛma lé a glɛ ’ka lo é a yee do kpen ɛ lee bɛ, ’té é ke é nyanale san lé mi do kpen ’ka bɔa biéle lɛ a sɔnɔ lo, a gi bɛ, ’té mi do kpen ’ka tan é yuɛ vɔ lɛ a ta lo yé wo ’ka bɔa yuɛ vɔle lɛ a ta boenwo lo bɛ, yee ɛ dan Jézu gɔɔn lɛ. Tɔbɔle valé plɛplɛ a azé nya lɛɛfaama, a glɛ ’ka lo. Amɛɛn.

Wegɔɔnle 10:6

yé mi lé é ke é yuɛma lɛɛfaama ’té la valé é gifɛnu koo, tɛrɛ valé é tafɛnu koo, wɛyi valé é gifɛnu koo, ’té é wo kɛlɛ bɛ, é ’bɛzan ’nyɔɔn léé, yi bɛ dɔle ’ka é dɛrɛ lo;

Wegɔɔnle 11:15

Lanje sɔrafiézan béli fɛn. Yé dére plɛplɛnu we la gi, yé wo léé: Tɛrɛ la bɛnlubɛn faa kinin Kozan valé élé Krist zé nya; yé é dan pla lɛ wo nwiin lɛɛfaama, a glɛ ’ka lo.

Wegɔɔnle 4:10

’bɛ bléyi va mi segele yɔ do wɔlɛ ziɛn dia ’wo bli ta webleblin tazan ’lɛ, yé mi lé é ke é yuɛma lɛɛfaama, ’té ’bɛnu a bɔa. Yé wo ’wolé kyankoronu dia webleblin ’lɛ, yé wo léé:

Wegɔɔnle 4:9

Webleblin tazan lé é ke é yuɛma lɛɛfaama, bléyian va lé fɛ yuɛmalenu a a tɔ zin fena, ’té wa tɔ bɔa, ’té wa bɔ vɔa,