Daniɛl 4:30 - Kazambale lé Sebe Sauunu 1979

³⁰ minwiinzan blɛn we fe yé é léé: Babilɔn blɛn lé maa a pa yé maa anlé fuakɔn dɔ ana anlé gla valé anlé plɛplɛ nya, anlé fua zevɔle we ma, yeean ke ’ko loo?

Daniɛl 4:30 ပူးပေါင်းရင်းမြစ်များ

Wepélisiananu 10:10

É pla é vinin Sinéa tɛrɛ la flanu nwiin, ’bɛ gi lé Babɛl koo, Érɛk koo, Akad koo, Kalné koo, wo nwiin.

Esitɛɛ 1:4

Élé tɛrɛ la fuafɛ blɛnnu tagɔɔn yé é élé fua tɔbɔle blɛn zima tagɔɔn é ziin yi kiɛre nya. É a tagɔɔn yi yɔ sɔraziɛn wuo.

Lɛrɛvɔ Sɛbɛ 104:1

An boen, ’i Gakelebale drɔɔ vo. Gakelebale, anzé Bale, i blɛɛn glɛ ’ka lo. Fua valé tɔbɔle a é zénle i ta bélé sɔ zo.

Lɛrɛvɔ Sɛbɛ 49:20

Naa, duowo, i dan go lɛ i tranu zuo, Wo lé wo ’ka dan fɛnafu ye lɛ é dɛrɛ lo, wo va.

Lɛrɛvɔ Sɛbɛ 73:8

Woo mi ma we nanaan, yé woo yaamitadére nyanénu fé; Boblɛn dére éé bɔraan wo ’léé,

Wegɔnévɔlenu 11:2

Dé boblɛn da, yaragyɛwe blɛn éé dan é ziin; naa, wedɔɔle a bo kiéné munu lee.

Wegɔnévɔlenu 16:18

Kulugale éé dan bo tɔbɔle zuo; saanle éé dan bo blɛn zuo.

Wegɔnévɔlenu 29:23

Boblɛn éé mi kɛla kiéné, naa, woo bokiénézan tɔ bɔa.

Ézai 13:19

Babilɔn, bɛntɛrɛnu lé wɛɛwɔlɛ, Kaldé munu lé ’lɛrɛfɛ, wolé bokɛlɛgi blɛn fɛ, é dan kɛlɛ lɛ bélé Sɔdɔm valé Gɔmɔɔ lé Bale wo sɛrɛ, a zo.

Ézékiɛl 29:3

Bé fe wo lɛ léma: Mizan Gakelebale léma: Bii yuéi blɛn lé i yiaan ilé yuunu va yé i léé: Anlé yuu a anzé nya, maa ɛ a kɛlɛ, bii Éjipiti munu nwiinzan blɛn Faraɔn, ko kee i nya kyɔ.

Daniɛl 4:31

É a tan wefena tɔɔn, dére do si la gi yé é a ’ma. É léé: Minwiinzan blɛn Nébukanɛsaa, ’i we ’ko ’ma ma, wo dan ilé plale mi nwiin si lɛ i lee.

Abaku 1:11

Woo fuu taa éé dɔa wo ta; woo tawoo ’wo ’lɛzia yé wobo kɛla wegyɛzannu nya. Wolé plɛplɛ ɛ ke ’wolé bale nya.

WENÉNÉ LÉ LUK A GYE (Évangile selon Luc) 14:11

Naa, dé mian ébo nwaan blɛn wo dan a tua lɛ, yé mi lé ébo tuaan wo dan a nwa lɛ blɛn.

WENÉNÉ LÉ LUK A GYE (Évangile selon Luc) 14:9

Dé fɛtizan da yé é lé i lɛ léé: ’I blin ’ko nɔ mi ’ko lɛ, ’té yara é dan i gyɛ lɛ nyanale zuozia we ma.

1 Korent munu 10:31

We ’ko ma lé, dé ka a fɛ blenaoo, dé ka a fɛ mininaoo, dé ka a fɛofɛan kɛlɛnaoo, ’ka wo faa kɛlɛ Kazambale tɔbɔle we ma.

1 Piɛri 5:5

É ziin, ’kaa mi boronénu, ’ka pla mi segelenu wuo. Yé ’kaa faa, ’ka ka ke kun é zima we faa gi, bo kɛlɛle kiéné nya, naa, Kazambale éé dɔa boblɛnmunu ma, Yé éé zin kɛla bokiénémunu lɛ.

Wegɔɔnle 14:8

Yé lanje fiézan da a zuo yé ’bɛ léé: Fla blɛn Babilɔn lé élé pɛnpɛnnégyɛle nɔ bɛntɛrɛnu faa lɛ yé é wo gyɛ bélé nwɛ plɛplɛ lé mi gyɛle zo, a guru zana a gioo, a guru zana a gi!

Wegɔɔnle 16:19

Yé fla blɛn a é pale fɛana bɛ, ana tɛrɛ fee bo yaa, yé fla blɛn Babilɔn sele dɔ Kazambale gi yé é élé bliflile baba nɔ a lɛ kana gi bélé nwɛ zo.

Wegɔɔnle 17:5

Tɔ do lé a gi ke é yɔɔle, wa gyɛ a yarapɛla léé: Fla blɛn Babilɔn, pɛnpɛnnégyɛzannu valé tɛrɛ la fɛ naanénu bu.

Wegɔɔnle 18:10

Wo dan dɔ lɛ baa, kanale alé nyanéblele lee we ma, yé wo dan a fe lɛ léé: Yuuu! An bu loo! Fla blɛn Babilɔn, fla plɛplɛ! Ilé we nyaa ’bɛ zo bléyi do nyaa?

Wegɔɔnle 18:21

Gɔlɛ blɛn lé é ke bélé fɛzɔngɔlɛ zo, lanje plɛplɛ do a si yé é a vuli wɛyi va yé é léé: ’Ko zo lé wo dan fla blɛn Babilɔn vuli lɛ plɛplɛ yé wo ’ka dan a ye lɛ é dɛrɛ lo.