Daniɛl 4:27 - Kazambale lé Sebe Sauunu 1979

²⁷ Bɛwemalé, minwiinzan blɛn, anlé we plale i lɛ ’é sɔ i lɛ ma. ’I daan ilé wenyané kɛlɛle ma; ’i we tegele kɛlɛ. ’Ilé weplenu vo yé i nyanai ’é zén nyanaizénlazannu ta; dé bé kɛlɛ a zo, i dan vo lɛ zin yena.

Daniɛl 4:27 ပူးပေါင်းရင်းမြစ်များ

Wepélisiananu 11:4

Yé wo lé é ziin léé: Kaa go, kaa fla do pa, yé kaa kɔn kiilii torole dɔ fɔɔ a ’wuo ’é zun la ma, yé kaa tɔ ’é kɛlɛ, blɛn, dé ko da kini ékema tɛrɛ la fɛfaana.

1 Minwiinzannu 21:29

Akab ébo kɛlɛ kiéné an ’lɛ fɛan zo, bé yee? Ébo kɛlɛ kiéné an ’lɛ, bɛwemalé maa ’ka dan we tɔntɔn bɔ lɛ a ma a yuɛma bléyi va lo; a be lé tɛrɛla bléyi va lé maa dan we tɔntɔn bɔ lɛ alé munu ma.

Lɛrɛvɔ Sɛbɛ 119:46

An dan ilé wepladérenu zuo fe lɛ minwiinzannu ’lɛ, ’Té yara ’ka an gya lo.

Wegɔnévɔlenu 11:2

Dé boblɛn da, yaragyɛwe blɛn éé dan é ziin; naa, wedɔɔle a bo kiéné munu lee.

Wegɔnévɔlenu 16:6

Zin kɛlɛle valé yara pale we la éé mi lé weple ’yiboo, yé kanale Gakelebale lee ma lé woo nwun zi dɔa wenyané ta.

Wegɔnévɔlenu 28:13

Mi lé élé wenyané yɔɔan, alé we do kpen ’ka vɔa a ma lo, naa, mi lé éé wo fé yé éé daan wo ma, yee ɛ nyanai zénle é ta yé.

Ézai 10:13

Naa, é léé: An bɛ plɛplɛ nya lé an we kɛlɛ; anlé wedɔɔle nya lé maa a kɛlɛ, naa, maa a ’wuoatazan nya. Maa munu nyanana tɛrɛ fɔnɔ, yé maa wolé fɛwezannu si gla nya, maa minwiinzannu si wolé webleblinnu ta gla nya bélé nyanazan zo;

Ézai 47:10

I pale a ilé wenaané ta, I léé, mi do kpen ’ka ’é yé lo. Ilé gikini valé ilé wedɔɔle i saan. I lé i bli gi léé: Maa lé, maa, maa do kpen ɛ ke ana.

Ézai 47:8

Le nɔnɔmi kaii lé i nyanaan ibo ma duaa, ’Té bé fé i bli gi léé, Maa lé, maa, maa do kpen ɛ ke ana, Maa ’ka dan kɛlɛ lɛ gyɛzarale nya monomono lo. An ’ka dan vuru lɛ nénu ma lo, ’I tɔné dɔ sin.

Jérémi 29:7

Fla lé maa go ka nya luu gi ana bɛ, ’ka kwa kuli léé, fla ’ko lé we ’é kɛlɛ é zin, naa, fla ’ko ta lé kalé ginanale éé sié, amalé ka bazoro a tɔ ma.

Jérémi 38:20

Jérémi a zi pa léé: Wo ’ka dan i pa lɛ wo lee lo. ’I tɔné dɔ Gakelebale dére lɛ, wean maa a fe i lɛ bɛ, a lɛ. I dan wezin ye lɛ yé i dan béli lɛ.

Ézékiɛl 18:7

’té é ’ka yaan mi ta lo, ’té mi bɛ bɛfɛ ’ka voo a lee lo, ’té é ’ka glawe kɛla lo, ’té éé fɛblele no lɔrɔgyɛzan lɛ, yé ’té éé sɔ zén‐é mi porole ta, ’té é ’ka vɛɛn paan mi ma ézé tɔnɔ yele we ma lo,

Ézékiɛl 29:3

Bé fe wo lɛ léma: Mizan Gakelebale léma: Bii yuéi blɛn lé i yiaan ilé yuunu va yé i léé: Anlé yuu a anzé nya, maa ɛ a kɛlɛ, bii Éjipiti munu nwiinzan blɛn Faraɔn, ko kee i nya kyɔ.

Ézékiɛl 29:9

Éjipiti tɛrɛ la é dan vo lɛ tétété, yé é dan kɛlɛ lɛ bwi nya yé wo dan a gi dɔɔ lɛ léé, maa ɛ ke Gakelebale nya. Naa, Éjipiti léé, yuu a ’ézé nya, ’yee ɛ kɛlɛ,

Joɛl 2:14

Dé é dan da lɛ ka va é ziin, yé é bli nɔlaa? Dé alé drɔɔvole é dan vo lɛ a pa gii? Dé é dan Gakelebale, kalé Bale lé blɛnu valé baleban’yinu vo lɛ é pa gii? De ɛ ’bɛ gi dɔɔ?

Amɔs 6:13

Fɛ lé é ke fɛ pla nya, ’bɛ ma lé ka gi éé nanaan, yé ka léé, kobo lé plɛplɛ ma‐an ko ’lɛ dɔ loo?

Jonas 3:9

Dé Bale é dan é bli nɔla lɛ yé é bli flile plɛplɛ vo, yé ko ’ka zamaga wo loo?

Abaku 1:11

Woo fuu taa éé dɔa wo ta; woo tawoo ’wo ’lɛzia yé wobo kɛla wegyɛzannu nya. Wolé plɛplɛ ɛ ke ’wolé bale nya.

Sofoni 2:15

Ginanafla lé ke bɛ; éé nyanaan éboma duaa, ’té éé a fé é bli gi léé: Maa, maa do kpen! Ka yua, é vo é ’bin nya, bwiiwinu yɔɔna lé. Munu faa lé wo dan gié lɛ a sɔnɔ, wo dan ’furu fɛn lɛ yé wo bɛ gɔɔn a ma.

Matio 3:8

We lé ka kɛla yé ’bɛ a gɔɔn léé, ka bli nɔla, ’ka ’bɛ kɛlɛ,

WENÉNÉ LÉ LUK A GYE (Évangile selon Luc) 11:41

Fɛ lé é ke kana gi, ’ka blɛ kɛlɛ nyanégyɛmunu lɛ a nya yé fɛnu faa gi é dan bɔ lɛ ka lɛ.

Kelewenu 24:25

Naa, we tegele koo, mi lé ébo kunle we faa gi koo, we lé Bale é dan a ble lɛ munu va koo, Pɔl vo wo fena a lɛ. Kana zén Félis gi yé é léé: ’I go é bléyi. Dé maa bléyi do ye yé maa dan i laa lɛ.

Kelewenu 26:20

Maa we fe munu lɛ léé, ’wo bli nɔla yé ’wo zi nɔla yé ’wo da Kazambale va yé ’wo blinɔlale lé kɛlɛwe kɛlɛ ma. É vinin maa fe Damas munu lɛ, ’bɛ zuo maa fe Jérusalɛm valé Judé munu faa lɛ, bɛn bɛnu koo, maa a fe ’bɛnu é lɛo.

Kelewenu 8:22

Naa, ’i bli nɔla ilé wenaané ma, yé ’i bazoro Mizambale lɛ, yé dé é dan i ma we vo lɛ ilé gi bɔrɔle naané maa?

2 Korɛnt Munu 5:11

Ko kanale Mizan lee gi dɔɔ, bɛwemalé ko a kwa kulina léé, ko munu bɔn gi kini; naa, Kazambale ko dɔɔ é zima, yé an bli a a lɛ léé, ka bli gi mi, ka ko dɔɔ é ziin.

Galasi munu 5:13

Bwenu, wo ka laa ka vole kaboma we ma. Naa, té é kɛlɛ ka dɔna nya yé ka ka dɔbɛ kyɛn lé blibɔmawe kɛlɛ lo; naa, ’ka kɛlɛ ka ke wuozannu nya lɔrɔpale nya.

Galasi munu 5:22

Naa, wenu lé woo sié Kazambale Léli va, wo lé ke ’ko: sɔlɛle koo, ginanale koo, vole drɔɔ koo, bli tiéé koo, wezin kɛlɛle koo, bli zin koo, yarapale we la koo,

Galasi munu 5:6

Dé mi a Jézu Krist gi, ganedɔle valé ganedɔlo tɔnɔ ’ka lo; naa, blipale lé éé we kɛla sɔlɛle nya, yee ɛ tɔnɔ ke.

Éfez munu 4:28

Mian é kyeenwo é kyɛn, té é kyeenwo é dɛrɛ lo; naa, ’é nyanama pa yé ’é wezin kɛlɛ é bɛnu nya, mi lé, a mawe ke fɛ do gi, fɛ nɔle ’bɛzan lɛ we gi.

Bélidɔwesɛbɛ Fiézan 24:13

bé nɔ a lɛ yiri vɔbléyi va, yé ’é yigyɛ élé sɔ nya ’é ta yé ’é i drɔɔ vo; yé Gakelebale ilé Bale é dan ’bɛ ye lɛ i ma we tegele nya.

Bélidɔwesɛbɛ Fiézan 32:27

Naa, an kanaan nyanézan lé sɔnɔ lee, An kanaan léé, dé wo nyanézannu é da ’wo lɔlu plɛn an ma, Yé wa fe léé, ko bɛ a plɛplɛ, Yé ’té Gakelebale an, ’bɛ we ’konu faa kɛlɛ lo.

Bélidɔwesɛbɛ Fiézan 8:17

Té ka fe ka bli gi léé, ’wolé plɛplɛ valé ’wo bɛ plɛplɛ ma lé ’wo fua ’ko ble lo.

1 Piɛri 4:8

We blɛn lé ke ’ko: ’ka sɔ ka ke lɛ é baba, naa, sɔlɛle éé wenyané kiɛre ta saan sɔɔn.