Daniɛl 4:19 - Kazambale lé Sebe Sauunu 1979

¹⁹ Yé Daniɛl lé wa laama Bɛlsatasaa, kwakwa vɔ a ta bléyi sɛ nya yé gi bɔrɔ pa a ma. Yé minwiinzan blɛn we fe é ziin yé é léé: Bɛlsatasaa, té nyɛ ’ko valé é gifele é gi bɔrɔ pa i ma lo. Yé Bɛlsatasaa a zi pa a lɛ léé: Anzan, nyɛ ’ko ’é kɛlɛ i nyanézannu zé nya, yé a gi fele ’é kɛlɛ i mazannu zé nya ma.

Daniɛl 4:19 ပူးပေါင်းရင်းမြစ်များ

Wepélisiananu 31:35

Rasɛl lé é ti lɛ léé: Té anzan bli é fli lo ma; an vɔ lomu va amalé an ’ka bɔa nwale lɛ i lɛ lo. É a gini, yé é ’ka miyilinénu ye lɛ lo.

Wepélisiananu 32:18

bé fe a lɛ léma: i wuozan Jakɔb zé lé; anzan Ézau blan lé é a pa zia, yee lé, yeeboen a dana ko zuo.

Wepélisiananu 40:12

Jozɛfu lé a lɛ léé: A gi lé ke ’ko: a blan yaa a yi yaa nya.

1 Minwiinzannu 18:7

Abudias a zia aan wo, yee valé Éli kee. Abudias a dɔɔ yé é dia é bli la yé é léé: Anzan Éli, bii léé?

Fwile 32:32

Sin, ’i wo ma we vo. Dé ’bɛ kaan lo, ’i an tɔ fwi ilé sɛbɛ lé bé gyɛ, a gi.

Jérémi 29:7

Fla lé maa go ka nya luu gi ana bɛ, ’ka kwa kuli léé, fla ’ko lé we ’é kɛlɛ é zin, naa, fla ’ko ta lé kalé ginanale éé sié, amalé ka bazoro a tɔ ma.

Jérémi 4:19

An bli loo! An bli loo! Maa a nyané blena an bli gi. An bli a an gyɛna. An ’ka bɔa tadɔle lɛ lo; Naa, an boen, ’i béli dére ’ma. ’I gulidanle vun ’ma.

Daniɛl 1:7

Miblalenu nwiinzan wo tɔ dɛrɛ pa. É Daniɛl tɔ pa Bɛlsatasaa. É Aanania tɔ pa Sadrak, é Misaɛl tɔ pa Mésak, yé é Azaria tɔ pa Abɛd‐Négo.

Daniɛl 2:26

Minwiinzan blɛn we fe Daniɛl lé wa laama Bɛlsatasaa, a lɛ, yé é lé a lɛ léé: Nyɛ lé maa a gyɛ, i bɔa a fele valé a gi fele lɛɛ?

Daniɛl 2:37

Minwiinzan blɛn, bii ɛ ke minwiinzannu nwiinzan blɛn nya. Plale mi nwiin koo, plɛplɛ koo, gla koo, kɛlɛle blɛn koo, lanu lé Bale wo nɔ i lɛ;

Daniɛl 4:24

Minwiinzan blɛn, nyɛ ’ko gi lé ke bɛ. Loruzan lé bélidɔwe lé ke bɛ. A lɛ é dan sɔɔ lɛ anzan minwiinzan blɛn zé nya.

Daniɛl 5:12

Daniɛl lé, minwiinzan blɛn a tɔ pa Bɛlsatasaa, wa ye léé, wedɔɔle valé gikinile koo, nyɛ gi fele lé wedɔɔle koo, tɔraléé gyɛle koo, we tɔntɔnnu gi bɔile koo, wo léli bozen a a gi. É a lé wo Daniɛl laa, yé é dan a gi fe lɛ.

Daniɛl 5:18

Minwiinzan blɛn, balenu faa nwiin Bale, plale mi nwiin koo, kɛlɛle blɛn koo, tɔbɔle koo, fua zevɔle koo, é wo nɔ i ti Nébukanɛsaa lɛ. Kɛlɛle blɛn lé é a nɔ a lɛ bɛ,

Daniɛl 5:19

alé we ma lé bɛngɔnɔnu faa koo, bɛnnu koo, dére faa vɔmunu koo, woo kanaan a lee, ’té wo ma éé nyɔɔn‐an a ’lɛ. Dé é sɔ minwiinzan blɛn lɛ léé, é munuan wo gyɛ, éé wo gya; dé é sɔ a lɛ léé, é munuan vo é yuɛma, éé wo voo. Dé é sɔ a lɛ léé, é munuan wo tɔ nwa, éé a nwaan; dé é sɔ a lɛ léé, é munuan wo zun, éé wo zunwo.

Daniɛl 7:15

Gibɔrɔ pa maa Daniɛl ma, yé yuɛziwenu lé maa wo ye, wo di kini an gi.

Daniɛl 7:28

Dérenu ’wuo dɔ ’ko. Maa Daniɛl, an ’wuogibɔrɔlenu gibɔrɔ blɛn pa an ma. An kɔlɛ fuola yé an dére ’konu tadɔ an bli gi.

Daniɛl 8:27

We ’konu zuo, maa Daniɛl, maa yi kiɛre gié, ’té an yuɛgi zun, ’té gyɛ a an ma. ’Bɛ zuo yé an nwa yé an kun minwiinzan blɛn lé wenu kɛlɛle ma. Yuɛziwe lé maa a ye, é an gi vuru, yé mi do kpen ’ka a gi dɔɔ lɛ lo.

Abaku 3:10

Gɔnu a ye tɔɔn, yé wo ma nyɔɔn; ’Yiyoro plɛplɛnu éé goo vlan; Guru blɛn lé a wɔlɛ ma nyaana ’ka lo, a gi éé wé, Éé bɛnu nwaan loru.

1 Samuɛl 1:15

Ane a zi pa léé: Anzan, gba, maa a le lé é ke nyané blena é bli gi, a nya, yé maa ’ka nwɛ valé dɔrɔ mini lɛ lo; naa, maa a an bli gi we faa bɔrɔna Gakelebale lɛ.

1 Samuɛl 24:8

Dére ’konu nya lé David élé munu dɔ yé é wo baale Saul ta yi ga. ’Bɛ zuo Saul nwa yé é bɔra gɔmaguru gi, yé élé zi sia é ziin.

1 Samuɛl 26:15

Yé David lé Abinɛɛ lɛ léé: Gɔné ’ka i nya loo? I zoɛzan ana Izraɛlnu vaa? Mɛmalé i ’ka izan minwiinzan tabin lɛ loo? Naa, mi do da izan gyɛle we gi.

1 Samuɛl 3:17

Yé Éli léé: Mɛ we lé Gakelebale a fe i lɛɛ? té i we do kpen yɔɔ an ma lo. We faa lé é a fe i lɛ, dé bé ke yɔɔ an ma, Gakelebale ’é we kɛlɛ i lɛ élé plɛplɛ faa nya ma.