Daniɛl 4:17 - Kazambale lé Sebe Sauunu 1979

¹⁷ Fɛyuɛmalenu lé woo fɛnu tabin‐é, wo we ’ko ’wuo dɔ; mi sauunnu munu béli dɔ we ’ko nya, léé, munu faa a gi dɔɔ léé, plale mi nwiin faa a é plale Loruzan wuo; dé miomian sɔ a lɛ, éé ’bɛzan plaan munu nwiin, yé éé munu faa va mi kiéné kɛla minwiinzan nya.

Daniɛl 4:17 ပူးပေါင်းရင်းမြစ်များ

1 Minwiinzannu 21:25

We lé ke é naané Gakelebale yuɛ gi, mi lé ébo nɔ ’bɛ kɛlɛle lɛ bélé Akab zo, ’bɛzan ’ka lo, ’té a na Jézabɛl a nyunuan.

2 Minwiinmunu lé Wezuofe Sɛbɛ 28:22

Bléyian va lé é a kle blena, yee, minwiinzan blɛn Akaz vo wenyané kɛlɛna Gakelebale ma.

Lɛrɛvɔ Sɛbɛ 103:19

Gakelebale élé webleblin dɔra gligli la gi, Yé é a é plale fɛnu faa nwiin.

Lɛrɛvɔ Sɛbɛ 12:8

Bii Gakelebale, i dan ko tabin lɛ, I dan ko takuun lɛ bɛn ’ko lee yifaama.

Lɛrɛvɔ Sɛbɛ 9:16

Migyɛguru lé bɛnnu a bo, wobozen éé diaan a gi, Séli lé wa vɔ é yɔɔle, woboen a sian a gi ’wo gane nya.

Fwile 9:16

Naa, é i vo ana, ilé ’élé plɛplɛ yele we gi yé wo ’é tɔ sɔɔla tɛrɛ faa la.

Ézai 6:3

Woo siaan wo ke lɛ, ’té wa fé léé: Lai sunyanuzan Gakelebale a Sauun, sauun, sauun! Tɛrɛ faa la a é fanle alé fuasan nya!

Ézai 6:8

Maa Mizan dére ’ma, ’té éé a fé léé: Maa dan mi kyɛn ɛ nwunvɔ lɛɛ? Yé de ɛ dan tawo lɛ kolé we gii? Yé maa a zi pa léé: Maa lo, ’i an nwunvɔ.

Ézékiɛl 25:17

Maa dan we lɛgi pa lɛ wo ma blɛɛn an wɛwɛ dɔle nya wo ma; dé an wɛwɛ dɔ wo ma bléyian va, yé wo dan a gi dɔɔ lɛ léé, maa ɛ ke Gakelebale nya.

Ézékiɛl 7:24

Munu lé wo bli nyané mini tɛrɛlamunu faa zé ta, maa dan da lɛ wo nya, léé, ’wo wolé kɔnnu si gla nya; maa dan mi plɛplɛnu lé boblɛn glɛ dɔ lɛ, yé wolé fɛna tinlenu sɔnné é dan sɛrɛ lɛ.

Daniɛl 11:21

Mi lé é ’ka munu yuɛ gi bɔa lo, ’bɛ é dan a pagi si lɛ, naa, minwiinzan dɔbɛ ’ka ’bɛ nyɛɛ lɛ lo. ’Bɛ é dan bɔra lɛ vole drɔɔ bléyi va, yé ’bɛ é dan plale mi nwiin si lɛ dabli kɛlɛle nya.

Daniɛl 2:21

Yee ɛ bléyinu valé mi zi wenu nɔlaan, yee ɛ minwiinzan blɛnnu sié ana ’té éé wo dɔa ana. Yee ɛ wedɔɔle no wedɔɔzannu lɛ, yé yee ɛ gikinile no ’wuoatazannu lɛ.

Daniɛl 4:2

Tɔmasenu valé we blɛnnu lé balenu faa Nwiinzan a kɛlɛ an lɛ, é sɔ an lɛ léé, maa wo zuo fe mi bɛnu lɛ.

Daniɛl 4:25

Wo dan i bin lɛ munu méléna, yé i dan nyana lɛ bwigiwinu va. Wo dan lunu nɔ lɛ i lɛ bélé diri zo, yé bé ble. Lolu é dan i kɛlɛ lɛ drɔɔdrɔɔ, yé lɛɛ sɔrafié é dan gié lɛ i ta fɔɔ yé bé gi dɔɔ léé, plale mi nwiin faa a é plale Loruzan wuo, yé dé miomian sɔ a lɛ, éé ’bɛzan plaan munu nwiin.

Daniɛl 7:25

É dan dére naanénu fe lɛ Loruzan ma; é dan kele pa lɛ Loruzan lé munu ta, yé é a a gi léé, é dan bléyinu valé bélidɔwenu nɔla lɛ, yé wo dan Loruzan lé munu pa lɛ a lee lɛɛ yaa é buu.

Rom munu 13:1

Mi faa ’é pla minwiinzannu wuo ma; naa, plale mi nwiin lé é ’ka sié Kazambale va lo, é ’ka lo, yé minwiinmunu lé wo ke ana, Kazambale ɛ wo dɔ.

1 Korent munu 1:28

Fɛnu lé wo ke tadanmafɛnu nya tɛrɛlamunu yuɛ gi, ’té woo selele boo wo ma bɛ, ’té wo ’ka wo yé fɛ nya boenwo lo, Kazambale wo si a va, fɛnu lé wo ke ana, wo sile ana tata we gi,

1 Timoté 5:21

Kazambale koo, Jézu Krist koo, lanjenu lé Bale wo si a va koo, ko a wo faa ’lɛ; maa lé i lɛ léé, ’i tawo dére ’ko ta; té i we do kpen ble é voro va lo; té i we do kpen kɛlɛ lele valé béé ma lo.

Wegɔɔnle 4:8

Fɛ yuɛmale ziɛn faa do do bɛa a suiɛdo suiɛdo, yé wo zi valé wo gi a é sɔɔlale yuɛnu nya. Yé bladi nyanadi wa fé léé: Mizambale, Plɛplɛfaazan, ’té é ke ana é kyɛn, ’té é ke, ’té é dan bɛ, é a sauun, sauun, sauun, ’té wo ’ka daan a fele ma lo.

1 Samuɛl 2:8

Éé nyanégyɛzan sié vun va, Éé lee korozan sié bli la, Wo nyanale mi blɛnnu va we gi, Éé nyanana zima no wo lɛ wozé nya. Naa, tɛrɛ lé wɛyili a Gakelebale lee, Yé wo ta lé é tɛrɛ dɔra.