Daniɛl 4:1 - Kazambale lé Sebe Sauunu 1979

¹ Minwiinzan blɛn Nébukanɛsaa lé bɛngɔnɔ faa koo, bɛnnu koo, dére faa do do vɔzannu lé woo nyanaan tɛrɛ faa la koo, wo lɛ léé: Ka drɔɔ ’é vo kiɛre ma.

Daniɛl 4:1 ပူးပေါင်းရင်းမြစ်များ

Minwiinzannu lé Wezuofe Sɛbɛ 12:18

Amasai lé ke sunyanu nwiinzan blɛn do nya, Léli a kun yé é léé: David, ko a izé nya, Izai be, ko a i va. ’I vo drɔɔoo, ’i vo drɔɔ, yé munu lé wo bɔ i va, ’wo vo drɔɔ, naa, ilé Bale bɔ i va. Yé David wo si yé é wo pa sunyanu nwiinzannu va.

Ezidras 4:17

A zi lé minwiinzan blɛn a pa gbɔrɔnama Réum koo, sɛbɛgyɛzan Simisai koo, wo bɔlunu lé woo nyanaan Samari valé fɛna bɛnu lé ke yuu zi koo, wo lɛ, yee lé ke ’ko: An we ka va . . . yé é go a fele nya.

Ezidras 5:7

Wo we zuo fe a lɛ léé: Minwiinzan blɛn Darius, ko we i va.

Esitɛɛ 3:12

Minwiinzan blɛn ’élé sɛbɛgyɛmunu laa moné vininzan yi vu ta yaazan nya, yé wo sɛbɛnu gyɛ Aman dérenu yɛrama. Wa gyɛ minwiinzan blɛn lé minisinu koo, bɛntɛrɛnu lé é ke é plale wo nwiin, wo faa do do nwiinzannu koo, alé munu va mi blɛnnu koo, wo lɛ. É a gyɛ bɛntɛrɛ ’konu dére gi wolé sɛbɛ gyɛbɛ yɛrama do do. Wo sɛbɛ ’konu gyɛ minwiinzan blɛn Asuérus tɔ gi, yé wo wo ’léé béé, yé wo alé tɔmase dɔra wo ta a bɛmazéné nya.

Esitɛɛ 8:9

’Bɛ bléyi va, moné yaazan lé wa laama Sivan moné, a yi yɔ do wɔlɛ yaazan nya, wo minwiinzan blɛn lé sɛbɛgyɛmunu laa. We faa lé Maadosé wo fe bɛ, wo wo gyɛ sɛbɛnu ta. Wo wo gyɛ Juifinu koo, minisinu koo, gbɔrɔnamanu koo, bɛntɛrɛ yɔ suiɛdo wɔlɛ sɔrafié lé wo sia Ende tɛrɛ ma fɔɔ yé wo bɔ Étiopi tɛrɛ ma bɛ, wo nwiinzannu koo, wo lɛ. Wa gyɛ ’bɛ tɛrɛ ’konu faa dére gi wolé sɛbɛ gyɛbɛ yɛrama do do, yé wa gyɛ Juifinu dére gi wozé sɛbɛ gyɛbɛ yɛrama.

Daniɛl 3:29

Bélidɔwe lé maa a nɔ sin, yee lé ke ’ko: Munu faa lé, dé é a bɛn‐o bɛn‐an gi, dé é a migɔnɔoo gɔnɔan nya, dé é a déreoo dérean vɔzan nya, dé é wenaané fe Sadrak koo, Mésak koo, Abɛd‐Négo koo, wolé Bale ma, wo dan ’bɛzan wi kini lɛ ékema, yé wo dan alé kɔn ’wii lɛ yé wa kɛlɛ é ’bin nya. Naa, bale bɛ ’ka ana yé ’bɛ é mi sié we gi bélé wozé Bale zo lo.

Daniɛl 3:4

We zanadɔɔzan sia dére plɛplɛ nya léé: ’Kaa bɛngɔnɔnu koo, bɛnnu koo, dére faa vɔ munu koo, we lé wo ka béli dɔ a nya, yee lé ke ’ko:

Daniɛl 6:25

’Bɛ zuo, minwiinzan blɛn Darius sɛbɛ gyɛ bɛngɔnɔ faa koo, bɛnnu faa koo, dére faa do do vɔmunu koo, ’té woo nyanaan tɛrɛ faa la, wo lɛ léé: Ka vole drɔɔ gi ’é gyɛ é baba ma.

Daniɛl 6:27

Yee ɛ mi soo we lee, yé éé mi sié we gi. Yee ɛ tɔmasenu valé we blɛnnu kɛla la gi valé tɛrɛ la. Yee ɛ Daniɛl so golizranu lé plɛplɛ lee.

Daniɛl 7:14

Kɛlɛle minwiinzan nya koo, fuablele koo, plale mi nwiin koo, wa se kɛlɛ a lɛ, yé migɔnɔ faa koo, bɛnnu koo, dére faa do do vɔmunu koo, wa bɔ. Alé plale mi nwiin a plale mi nwiin lé a glɛ ’ka lo, ’té é ’ka giéan lo, a nya, yé a plale mi nwiin ’ka nyaan monomono lo.

Zakari 8:23

Lai sunyanu lé Gakelebale léma: ’Bɛ yinu nya, tɛrɛ faa la dére do do vɔ bɛnnu va mi vu é dan kun lɛ Juifi mi do lé sɔ lɔlu ma yé wo dan a fe lɛ a lɛ léé: Ko dan go lɛ i zuo, naa, ko ’ma léé, Bale a ka va.

Kelewenu 2:6

We ’ko gun gyɛle nwɛɛn fla fɛfaana, yé mi kiɛre zén ékeva yé wo faa ’wobo dére vɔle ’ma wo ta, amalé di kini wo gi.

Rom munu 1:7

’Kaa Rom munu faa lé ka we ke Kazambale lee, ’té é ka laa ka kɛlɛle élé munu nya we gi bɛ, an we ka va. Kaa Ti Bale valé Mizan Jézu Krist, ’wo zin kɛlɛ ka lɛ yé ’wo ka vo drɔɔ ma.

Éfez munu 1:2

Kaa Ti Bale valé Mizan Jézu Krist, ’wo zin kɛlɛ ka lɛ, yé ’wo ka vo drɔɔ ma.

1 Piɛri 1:2

Tibale ka si a va élé tɛlɛ tɛlama wedɔɔle yɛrama, yé Léli Sauun ka pa é yɛrama Bale zé nya, kalé Jézu Krist lɛdɔmale valé ka kɛlɛle a nyɛ nwɛɛn ta munu nya we gi. Bale lé zin kɛlɛle ka lɛ valé Bale lé ka vole drɔɔ gi ’é gyɛ ma.