Daniɛl 3:7 - Kazambale lé Sebe Sauunu 1979

⁷ Bɛwemalé, béli koo, gobé koo, gitaa koo, séén koo, kpélé koo, kɔnɔ koo, lɛrɛvɔafɛnu gɔnɔ faa koo, dé munu wo dére ’ma bléyian va, é a lé bɛngɔnɔ faa koo, bɛnnu koo, dére faa vɔ munu koo, é a lé wo faa dia ’wo bli la kyan miyili lé minwiinzan blɛn Nébukanɛsaa a dɔ, a ’lɛ, yé wa bɔ.

Daniɛl 3:7 ပူးပေါင်းရင်းမြစ်များ

Jérémi 51:7

Babilɔn a Gakelebale lee bélé ’yiminigi kyankana zo; éé tɛrɛlamunu faa gya bélé nwɛ lé mi gyɛle zo. Bɛnnu alé dɔrɔ mini, bɛwemalé wo kɛlɛ bélé gwegyɛzannu zo.

Daniɛl 2:46

Yé minwiinzan blɛn Nébukanɛsaa dia ’é bli la Daniɛl ’lɛ, yé é léé, ’wo saraka bo Daniɛl lɛ, yé wa ban lasikɔrɔ nya.

Daniɛl 3:10

I munu béli dɔ léé, béli koo, gobé koo, gitaa koo, séén koo, kpélé koo, kɔnɔ koo, lɛrɛvɔafɛnu gɔnɔ faa koo, dé wo wo dére ’ma bléyian va, é a lé wo dia ’wo bli la yé wo kyan miyili bɔ.

Daniɛl 3:4

We zanadɔɔzan sia dére plɛplɛ nya léé: ’Kaa bɛngɔnɔnu koo, bɛnnu koo, dére faa vɔ munu koo, we lé wo ka béli dɔ a nya, yee lé ke ’ko:

Daniɛl 3:5

Béli koo, gobé koo, gitaa koo, séén koo, kpélé koo, kɔnɔ koo, lɛrɛvɔafɛnu gɔnɔ faa koo, dé ka wo dére ’ma bléyian va, ’ka dia ka bli la, yé kyan miyili lé minwiinzan blɛn Nébukanɛsaa a dɔ, ’ka a bɔ.

Daniɛl 3:6

Dé é a miomian nya, dé é ’ka dia lɛ é bli la yé é a bɔ lo, wo dan a vuli lɛ a bléyi duo nya ’furu lé kyɛ a tana, a gi.

Daniɛl 3:8

Bléyi ’ko duo gi, Kaldé mi kenu bié yé wo we dɔ Juifinu nwiin.

Kelewenu 14:16

É li é vinin, Bale ’ko zi nɔ bɛn faa lɛ léé, ’wo ’wobo lé zi sia,

1 Jan 5:19

Kaa a gi dɔɔ léé, kaa a Kazambale zé nya, yé tɛrɛlamunu faa a Satan lé plɛplɛ wuo.

Wegɔɔnle 12:9

Dragɔn blɛn, méné kwakwa lé wa laama yonufaatagɔné valé Satan, ’té éé tɛrɛlamunu faa saan bɛ, wa vuli tɛrɛ va, yee valé élé lanjenu nya.

Wegɔɔnle 13:14

Yé é tɛrɛlamunu saan, we blɛnblɛnnu lé wa se kɛlɛ a lɛ léé, ’é wo kɛlɛ wi yuɛ va, wo nya, yé é lé tɛrɛlamunu lɛ léé, ’wo miyili nyaa, wi lé wa tuo gwɔun nya yé é vo é yuɛma, a dɔbɛ zo.

Wegɔɔnle 13:3

Maa a ’wuo do ye, é tuo yé é a bélé é ga, naa, a tuona nyaa. Yé tɛrɛlamunu faa zén wi zuo a ze vɔle nya.

Wegɔɔnle 13:8

Tɛrɛlamunu faa é dan dia lɛ ’wo bli la a ’lɛ; ’Blané lé wa gyɛ, tɛrɛlamunu faa lé wo tɔ ’ka é gyɛle alé mibélilenu tɔgyɛlasɛbɛ gi tɛrɛ pélisia bléyi va lo, wo dan dia lɛ yee wi ’ko ’lɛ.

Wegɔɔnle 17:8

Wi lé bé ye, é ana é kyɛn yé é ’ka ana é dɛrɛ lo. É a lé, ’é si guru lé a wɔlɛ ma nyaana ’ka lo, a gi, yé ’é go mi sanlenu gona. Yé tɛrɛlamunu lé wo ’ka wo tɔ gyɛ lɛ mi bélilenu tɔgyɛlasɛbɛ gi tɛrɛ pélisia bléyi va lo, wo gi é dan vuru lɛ wi ’ko yele ma; naa, é a é kyɛn, yé é ’ka ana é dɛrɛ lo, yé é dan bɔra lɛ é ziin, ’bɛzama.

Wegɔɔnle 19:20

Wo wi kun, ’é valé viébalelayezan lé é we blɛnblɛnnu kɛlɛ wi yuɛ va, yé munu lé wo wi lé tɔmase si yé wo dia ’wo bli la a yili ’lɛ, ’té éé wo saan élé we blɛnblɛn kɛlɛle nya bɛ, wo ’bɛ kun, yé kyɛ lé ke blɛn bélé gyankyɛ zo, ’té wo povun zén a va, wo wo fiénu vuli a va, ’té wa é yuɛma.