Daniɛl 3:28 - Kazambale lé Sebe Sauunu 1979

²⁸ Nébukanɛsaa léé: Sadrak koo, Mésak koo, Abɛd‐Négo koo, wolé Bale drɔɔ ’é vo ma. Yeean é lanje pa zia yé a wuozannu lé wo bli ke a lɛ, ’té woo minwiinzan blɛn lé bélidɔwe lɛganma, yé wo bli si wo kɔlɛ lɛ, yé dé é ’ka wozé Bale do kpen nya lo, wo ’ka a nyi sié léé, wo ’wuo tua bale bɛnu lɛ yé wo ’bɛnu bɔ lo, yee ɛ wo si we gi.

Daniɛl 3:28 ပူးပေါင်းရင်းမြစ်များ

Wepélisiananu 9:26

Yé é lé é ziin léé: ’Wo Gakelebale, Sɛm lé Bale, drɔɔ vo. Yé Kanaan ’é kɛlɛ wolé luu nya ma.

Minwiinzannu lé Wezuofe Sɛbɛ 5:20

Mi bɛnu da bɔ lɛ wo va, yé wo Agarénu valé wo vamunu faa kele. Naa, gulidanbléyi va wo siaa Kazambale lɛ, yé wo ’wobo bɛ pa a lee, amalé Bale a ’ma.

2 Minwiinmunu lé Wezuofe Sɛbɛ 20:20

’Bɛ é tu kini, wo zi sia bladi tutu gole Tékoa bwi la we ma. Wo zi sia bléyian va, tɔɔn Jozafat dɔ wo ’lɛ yé é léé: Judanu valé Jérusalɛm munu, ’ka tɔné dɔ an lɛ. ’Ka pa Gakelebale, kalé Bale ta, yé ka dan dɔ lɛ gligli. ’Ka pa alé balelayezannu ta, yé kalé we va é dan gyɛ lɛ.

2 Minwiinmunu lé Wezuofe Sɛbɛ 32:21

Yé Gakelebale lanje do pa zia, yé nyanazannu koo, minwiinzannu koo, é wo faa kulu ga Asiri nwiinzan blɛn lé sɔkɔn dɔna. Yé yara minwiinzan blɛn gyɛ yé é nɔla ’é pa gi ’élé tɛrɛ la. É wɔra élé yokɔn gi tɔɔn, a yaanénu a gyɛ gwɔun nya ’bɛna.

Ezidras 1:3

Ka va mi kyɛn ɛ ke alé mi nyaa? Alé Bale ’é kɛlɛ a va ma, yé ’é go Jérusalɛm, Juda tɛrɛ la, yé ’é Izraɛlnu lé Bale, Gakelebale lé kɔn dɔ. Bale lé ke Jérusalɛm, yee lé.

Ezidras 6:11

Dé miomian dére ’ko lɛgama, ’wo yili do so alé kɔn va, yé ’wa suru yé ’wa dun a ma, yé ’walé kɔn sɛrɛ yé ’wa kɛlɛ bli vulina nya.

Lɛrɛvɔ Sɛbɛ 103:20

Ka lé ka ke alé lanjenu nya, ’Té ka ke plɛplɛ é baba, ’té ka tawoo alé bélidɔwenu ta, ’Té ka a dére lɛdɔama, ’ka Gakelebale drɔɔ vo.

Lɛrɛvɔ Sɛbɛ 147:11

Munu lé woo kanaan Gakelebale lee, wonu ɛ sɔa a lɛ. Woan woo bli kɛla alé zin lɛ, wonu ɛ sɔa a lɛ.

Lɛrɛvɔ Sɛbɛ 33:18

Bé ye, Gakelebale yuɛ a é dɔle munu lé woo kanaan a lee, wo ta, Munu lé wo bli ke alé zin lɛ, a yuɛ a wo va,

Lɛrɛvɔ Sɛbɛ 33:21

Naa, alé we ma lé ko gi a é nanale, Naa, ko bli a é vole a tɔ sauun lɛ.

Lɛrɛvɔ Sɛbɛ 34:22

We tɔntɔn éé mi nyané gya, Yé woo we lɛdɔa mi tegele nyanézannu gi.

Lɛrɛvɔ Sɛbɛ 62:8

Bale va lé an sile we gi valé an ginanale ke. Bale a an takuun gɔlɛgɔ nya; yee ɛ gi lé maa yɔɔma.

Fwile 20:5

Té i dia i bli la wo ’lɛ lo, té i wo mawe kɛlɛ lo; naa, maa, Gakelebale, ilé Bale, maa a maawo Bale nya, yé maa munu lé weple ma ban dɔa wolé nénu nwiin, fɔɔ an zapamunu kulu yaazan valé wo kulu ziɛnzan nya,

Ézai 12:2

Bé ye, Bale a an siéwegizan nya; An pale a i ta blɛn, yé maa ’ka dan kana lɛ we do lee lo. Naa, Gakelebaleoo Gakelebale, i a anlé plɛplɛ nya, yé bii ɛ tɔ zin lé maa fé; Bii ɛ ke an Siéwegizan nya.

Ézai 37:36

’Bɛ béli duo nya, Gakelebale lé lanje da yé é munu gyɛ Asiri munu lé sɔkɔn dɔna mi baa yɔ ziɛn wɔlɛ vu ta fié, é ta lé mi wuru soru. Munu nwa bladi aan wo, bé ye, migalenu saa lé.

Ézai 50:10

Dé ka va miomian éé kanaan Gakelebale lee, ’É tɔné dɔ a wuozan lɛ ma. Dé miomian é ke tawona gunutinu va, ’té kyɛsan vuru a ma, ’É pa Gakelebale tɔ ta ma, ’É vɔ élé Bale zi ma.

Daniɛl 2:47

Yé minwiinzan blɛn lé Daniɛl lɛ léé: Ilé Bale a balenu lé Bale nya, yé é a minwiinzan blɛn faa zan nya webozen nya. I we ’ko gi bɔra fɛan zo, ’bɛ gi léé, é bɔa we yɔɔlenu gi bɔrale lɛ.

Daniɛl 3:25

Yé é lé é ziin léé: ’Ka gini do. An mi yé ziɛn, ’té wo ’ka é yerele lo, ’té woo tawoo kyɛ méléna, yé we tɔntɔn do kpen ’ka bɔna wo ma lo. Yé a ziɛnzan yara a bélé bale be do yara zo.

Daniɛl 4:34

Bléyi lé wa dɔ, a bɔle zuo, maa Nébukanɛsaa an yara nwa lagizia, yé an ’wuo dɔ an ta é ziin. Yé an Loruzan drɔɔ vo; mi lé é ke é yuɛma lɛɛfaama a glɛ ’ka lo, mi lé a plale mi nwiin glɛ ’ka lo, yé mi kulu é kulu faa éé plaan a wuo, maa a tɔ zin fe yé maa a tɔ nwa.

Daniɛl 6:16

Minwiinzan blɛn léé, ’wo da Daniɛl nya yé ’wa vuli golizranu guru gi. Minwiinzan blɛn lé Daniɛl lɛ léé: Ilé Bale lé bé bɔa yarapalale nya, ’é i si we gi ma.

Daniɛl 6:26

Maa munu béli dɔ anlé tɛrɛ faa la léé, munu ’é kana Daniɛl lé Bale lee, yé di blɛn ’é kini wo gi alé we ma. Naa, yee ɛ ke Bale yuɛmale nya, yé éé voo ana lɛɛfaama, a glɛ ’ka lo. Alé plale mi nwiin ’ka sɛra lo, yé é dan vo lɛ mi nwiin fɔɔ yé é bɔ a ’wuo plana.

Matio 4:10

Jézu lé a lɛ léé: Satan, ’i si an ma. É a é gyɛle Kazambale lé sɛbɛ gi léé: ’I ’wuo tua Mizan izé Bale lɛ, yé ’i yee do kpen ɛ bɔ.

Kelewenu 4:19

Piɛri valé Jan a zi pa wo lɛ léé: É dɔ ka gi kaa? Dé ko ka dére lɛdɔmale mini Kazambale dére ta, ’bɛ a tegele Kazambale yuɛ gii?

Kelewenu 5:19

Naa, Mizambale lé lanje do bokɔn lɛ so é béli, yé é ’bɛnu bɔra yé é lé wo lɛ léé:

Rom munu 12:1

Bɛwemalé, an bwenu, maa we plaan ka lɛ Kazambale lé nyanai zénle nya léé, ’ka kabozennu nɔ saraka yuɛmale lé é ke Bale zé nya, ’té é sɔ Kazambale lɛ bɛ, a nya, yee ɛ ke kalé Bale bɔle tegele nya.

1 Korent munu 13:3

Yé dé maa anlé fɛ faa nɔ fɛblele lɔle nyanégyɛzannu lɛ we gioo, dé maa an kɔlɛ nɔ é kyɛblele we gioo, dé sɔlɛle ’ka an gi lo, ’bɛ tɔnɔ do kpen ’ka kɛla an lɛ lo.

Filip munu 1:20

A zo lé wean an bli ke a lɛ, ’té maa a é pale a ta é baba bɛ, a lɛ é dan sɔɔ lɛ. Yee lé ke lé, té yara an gyɛ we do kpen ma lo. Naa, an dan Krist tɔ bɔ lɛ an kɔlɛ nya bli ta plɛplɛ nya, dé an vo é yuɛmaoo, dé an gaoo, maa dan a tɔ bɔ lɛ an kɔlɛ nya bélé fɛan zo lé maa a kɛla yifaama, a zo.

Ébrunu 1:14

Lanjenu faa ’ka bélé funu zo Kazambale lé nyanama gi loo? Bale ’ka wo pa lɛ zia munu lé wo dan si lɛ we gi, bɔle wo va we gi loo?

Ébrunu 11:37

Wo wo gyɛ gɔlɛ nya, wo wo bɔi siinu nya; wo wo gi dan; wo wo gyɛ gwɔunnu nya; wo vo nɔɔna ’bla?-?kɔlɛnu valé bolikɔlɛnu nya ’wo ta; wo vuru fɛ faa gi; wo nyané ble; wo kle ble;

1 Piɛri 1:21

Yee ɛ ma lé é ziin ka bli vo Kazambale lé, ’bɛ a si gale va yé ’bɛ fua nɔ a lɛ bɛ, ’bɛ lɛ, ka pale Kazambale ta valé ka bli vole Kazambale lɛ we gi.

Wegɔɔnle 12:11

Wa kele ’Blané nyɛ valé wolé wenayedére fele nya, yé wo bli si wobo lɛ léé, ’wo ga.