Daniɛl 3:27 - Kazambale lé Sebe Sauunu 1979

²⁷ Yé minisinu koo, minwiinzan blɛn bɛgizannu koo, gbɔrɔnamanu koo, we pla minwiinzan lɛzannu koo, wo zén ékeva yé wa ye léé, kyɛ ’ka we do kpen kɛlɛ lɛ munu ’ko kɔlɛ ma lo, yé kyɛ ’ka wo nwiin nwin gɔ do kpen ble lɛ lo, yé wo ma sɔnu kyɛ ’ka ble lɛ lo, yé kyɛ gin boen ’ka wo ma lo.

Daniɛl 3:27 ပူးပေါင်းရင်းမြစ်များ

1 Minwiinzannu 13:28

É bɔ a gale ma é soile zia, ’té sokofale valé golizra a é dɔle a gale bɛ do la. ’Té golizra ’ka a gale ble lɛ lo yé é ’ka sokofale gyɛ lɛ lo.

2 Minwiinzannu 19:19

Sin, Gakelebale, kolé Bale! ’I ko si Sansérib lee ma, yé tɛrɛ la bɛnnu faa a gi dɔɔ léé, bii do kpen ɛ ke Bale nya, oo Gakelebale!

Lɛrɛvɔ Sɛbɛ 83:18

Yara ’é wo gyɛ yé di ’é kini wo gi yifaama ma, ’I wo gyɛ yara nya yé ’wo zamaga wo ma.

Ézai 26:11

Gakelebale, i bɛ a plɛplɛ; Wo ’ka a gi dɔɔa lo. I fuu a i ta fɛan zo ilé munu mawe kɛlɛna, wo dan a ye lɛ yé ’bɛ é dan wo gyɛ lɛ yara nya; Kyɛ é dan i nyanézannu ble lɛ.

Ézai 43:2

Dé i a ’yi kinina, maa dan kɛlɛ lɛ i va; Dé i a yuunu kinina, wo ’ka dan i mini lɛ lo; Dé i tawo kyɛ va, i kyɛ ’ka dan ble lɛ lo, Kyɛnɛnɛ ’ka dan vɔ lɛ i ma lo.

Daniɛl 3:21

Munu ’ko, wo wo yere, ’té wo mɔnɔnu koo, varɔ blɛnnu koo, sɔ bɛnu koo, wa wo ta; yé wo wo vuli ’furu lé kyɛ a tana, a gi.

Daniɛl 6:23

Yé minwiinzan blɛn gi nana é baba, yé é léé, ’wo Daniɛl bɔra guru gi. Wo Daniɛl bɔra guru gi, yé wo ’ka tuona do kpen ye lɛ a kɔlɛ ma lo; a pale a élé Bale ta, azama.

Daniɛl 6:7

Minwiinzannu faa koo, minwiinzan blɛn bɛgizannu koo, minisinu koo, weplamilɛzannu koo, gbɔrɔnamanu koo, wo faa dére kɛlɛ do léé, ’wo minwiinzan blɛn lé bélidɔwe zana dɔɔ léé, yi yɔ do wɔlɛ vu wuo, dé miomian é bazoro, dé bale bɛ léé, dé mi bɛ léé, ’té dé é ’ka bii minwiinzan blɛn do kpen nya lo, a lɛ, ’wo ’bɛzan vuli golizranu guru gi ma. ’É kɛlɛ glawe nya ma.

Matio 10:30

Yé é ziin, ka nwin gɔ faa a é nɔnɔle.

Kelewenu 26:26

Bii minwiinzan we ’konu dɔɔ yé maa wo fe i lɛ kpaklaa. We ’konu ’ka kɛlɛ lɛ kyeen gi lo, bɛwemalé maa gi dɔɔ léé, we ’konu va we do kpen ’ka é yɔɔle i ma lo.

Kelewenu 27:34

Amalé, maa lé ka lɛ léé, ’ka fɛ ble, é a lé ka ’bɛ kɛlɛ ka sile we gi we ma, naa, ka nwin gɔ do kpen ’ka dan san lɛ ka lee lo.

Ébrunu 11:34

wo kyɛ plɛplɛ diri; wo so gwɔun lɛzan lee; wo ’wo ma gyɛnu kele; wo kɛlɛ nyanazannu nya guli danna; wo bɛn bɛnu lé sunyanu bin.