Daniɛl 3:26 - Kazambale lé Sebe Sauunu 1979

²⁶ ’Bɛ zuo, Nébukanɛsaa bié ’furu lé kyɛ a tana, a sɔnɔ, yé é léé: Sadrak koo, Mésak koo, Abɛd‐Négo koo, balenu faa Nwiinzan wuomunu, ’ka bɔra a gi, ’ka da. Yé Sadrak koo, Mésak koo, Abɛd‐Négo koo, wo bɔra kyɛ méléna.

Daniɛl 3:26 ပူးပေါင်းရင်းမြစ်များ

Wepélisiananu 14:18

Salɛm mununwiinzan lé wa laama Mɛlkizédɛk, é da buru valé nwɛ nya. É a Lagibale banzan nya.

1 Minwiinzannu 8:51

naa, wa ilé munu valé ilé tɔnɔ nya, yé i wo si foliɛwɔlɛ gɔrɔ gi Éjipiti tɛrɛ la.

Ezidras 5:11

Wa zi pa ko lɛ léé: Bale lé ke tɛrɛ valé la kɛlɛzan nya, ko a a wuozannu nya, yé kɔn lé wa dɔ a lɛɛ kiɛre lo, ko a yee ɛ bɛ dɔna é ziin. Kɔn lé Izraɛl minwiinzan blɛn do a dɔ, yee kɔn lé.

Lɛrɛvɔ Sɛbɛ 66:12

Bé kɛlɛ léé, munu é pla ko nwiin; Ko gié kyɛ valé ’yi va, Naa, i ko si we ’konu gi fɛ kiɛre nɔle ko lɛ we ma.

Ézai 28:16

Bɛwemalé, Mizan Gakelebale léé: Ka ye, maa Siɔn gane vɔ gɔlɛ do nya. Wo gɔlɛ ’ko nagini, yé wa ye kɔnsungɔlɛ zin nya yé é a é vɔle gligli. Mi lé é gɔlɛ ’ko si ’é dɔlafɛ nya, é ’ka dan fwi lɛ lo.

Ézai 52:12

Té ka nwa wiao lo, Té ka go bélé vɔfliizannu zo lo, Naa, Gakelebale é dan go lɛ ka ’lɛ, Yé Izraɛl lé Bale é dan da lɛ ka zuo.

Jérémi 11:4

Maa gipadére ’ko fe ka tranu lɛ, yian nya lé maa wo si Éjipiti tɛrɛ la foliɛwɔlɛ gɔrɔ gi, a yi nya, yé maa léé: ’Ka tɔné dɔ an dére lɛ yé we faa lé maa dan ka béli dɔ lɛ a nya, ’ka kɛlɛ. ’Bɛna lé ka dan kɛlɛ lɛ anlé munu nya yé maa dan kɛlɛ lɛ kalé Bale nya.

Daniɛl 2:47

Yé minwiinzan blɛn lé Daniɛl lɛ léé: Ilé Bale a balenu lé Bale nya, yé é a minwiinzan blɛn faa zan nya webozen nya. I we ’ko gi bɔra fɛan zo, ’bɛ gi léé, é bɔa we yɔɔlenu gi bɔrale lɛ.

Daniɛl 3:17

Minwiinzan blɛn, bé ye, kozé Bale lé ko bɔa, é bɔa ko sile lɛ ’furu lé kyɛ a tana, a gi. Yé é dan ko si lɛ i lee.

Daniɛl 4:2

Tɔmasenu valé we blɛnnu lé balenu faa Nwiinzan a kɛlɛ an lɛ, é sɔ an lɛ léé, maa wo zuo fe mi bɛnu lɛ.

Daniɛl 6:20

É bɔ aan wo guru sɔnɔ, é Daniɛl laa dunuvɔmadére nya. Minwiinzan blɛn lé Daniɛl lɛ léé: Daniɛl, Bale yuɛmale wuozan! Ilé Bale lé bé bɔa yarapalale nya bɛ, é bɔ i sile lɛ golizranu lee?

Daniɛl 6:21

Yé Daniɛl lé minwiinzan blɛn lɛ léé: Minwiinzan blɛn, ’i vo é yuɛma lɛɛfaama, té a glɛ é dɔ lo.

Daniɛl 7:25

É dan dére naanénu fe lɛ Loruzan ma; é dan kele pa lɛ Loruzan lé munu ta, yé é a a gi léé, é dan bléyinu valé bélidɔwenu nɔla lɛ, yé wo dan Loruzan lé munu pa lɛ a lee lɛɛ yaa é buu.

Kelewenu 16:17

É gole sia ko valé Pɔl zuo, ’té éé siaan léé: Munu ’ko a Loruzan Bale wuomunu nya, yé wa misiéwegi zi gɔɔna ka lɛ.

Kelewenu 16:37

Naa, Pɔl lé sunyanu lɛ léé: Wo ’ka kolé we ble lɛ lo; ko lé ko ke Rom munu nya, wo ko bla plén nya mi faa yuɛ va, ’bɛ zuo wo ko vɔ bokɔn gi, yé sin ’naan, wo léé, wo ko bɔra kyeen gii? ’Bɛ nyi ’ka sié lo. Woboen ’é da ko bɔra.

Kelewenu 27:23

Bale lé, maa ke azé nya, ’té maa a bɔa bɛ, alé lanje do bɔra an va kyɔ é béli,

Galasi munu 1:10

Yé lao, maa a a va léé, munu ɛ an ye mi zin nya laa, taa, Bale ɛ an ye mi zin nyaa? Taa, maa a kwa kulina léé, anlé we é sɔ munu lɛɛ? Dé maa a tan kwa kulina léé, anlé we é sɔ munu lɛ, ’té maa ’ka kɛla kɔɔn Krist wuozan nya lo.

Bélidɔwesɛbɛ Fiézan 4:20

Naa, ’kaa, Gakelebale ka si a va yé é ka si foliɛwɔlɛ gɔrɔ gi Éjipiti tɛrɛ la, ka kɛlɛle abozen lé munu nya we gi, fɛan zo lé ka ke kyɔ, a zo.

Jozué 3:17

Balebanzannu lé woo goo Gakelebale lé gipawe pagikɛsu nya, wo dɔ kli tɛrɛ gale ta Juudɛn méléna, ’té Izraɛl faa éé giéan tɛrɛ gale ta, fɔɔ yé wo giéle nyaa a zo.

Jozué 4:10

Balebanzannu lé woo goo kɛsu nya, wo dɔ Juudɛn méléna fɔɔ, yé we lé Gakelebale a fe Jozué lɛ léé, ’é a fe munu lɛ, a faa kɛlɛle lɛ sɔɔ, we faa lé Moizi a fe Jozué lɛ, a yɛrama. Yé munu gié tawole nya kelekele.

Wegɔɔnle 19:5

Yé dére do si webleblin va yé é léé: ’Ka kozé Bale tɔ zin fe; ’kaa a wuozannu faa, ka lé ka kanaan a lee, mi kiénénu valé mi blɛnnu, ’ka kolé Bale tɔ zin fe.