Daniɛl 3:25 - Kazambale lé Sebe Sauunu 1979

²⁵ Yé é lé é ziin léé: ’Ka gini do. An mi yé ziɛn, ’té wo ’ka é yerele lo, ’té woo tawoo kyɛ méléna, yé we tɔntɔn do kpen ’ka bɔna wo ma lo. Yé a ziɛnzan yara a bélé bale be do yara zo.

Daniɛl 3:25 ပူးပေါင်းရင်းမြစ်များ

JOB (Job) 1:6

Yi do nya Kazambale benu da wolé we zuo fe lɛ Gakelebale lɛ, yé Satan da wo va.

JOB (Job) 38:7

Yé bladi monénénu faa ’wii lɛrɛvɔle ta ginanale nya, ’Té Kazambale benu faa éé siaan ginanale nyaa?

JOB (Job) 5:19

É dan i si lɛ nyanéblele blɛn gi gɔnɔ suiɛdo, Gɔnɔ sɔrafié gi wenaané ’ka bɔa i ma lo.

Lɛrɛvɔ Sɛbɛ 34:7

Dé wenaanébɔmazan siaa, Gakelebale a dére maan, Yé éé a sié alé kleblelenu faa gi.

Wegɔnévɔlenu 30:4

De ɛ go la gi yé de ɛ zuun? De ɛ fu kun é lee? De ɛ ’yinu yere élé sɔ gii? De ɛ tɛrɛ glɛ ta bɔraa? A tɔ lé nɔɔ? yé wa be tɔ laama nɔɔ? Bé fe an lɛ do, ’té dé bé dɔɔ.

Ézai 43:2

Dé i a ’yi kinina, maa dan kɛlɛ lɛ i va; Dé i a yuunu kinina, wo ’ka dan i mini lɛ lo; Dé i tawo kyɛ va, i kyɛ ’ka dan ble lɛ lo, Kyɛnɛnɛ ’ka dan vɔ lɛ i ma lo.

Jérémi 1:19

Wo dan guli dan lɛ i va, yé wo ’ka dan i kele lɛ lo. Naa, maa a i va, i ta béli dɔle we ma. Maa Gakelebale ɛ ke a fena.

Jérémi 1:8

Té i kana wo lee pelo, naa, maa a i va, i ta béli dɔle we ma. Maa Gakelebale ɛ fe.

Daniɛl 3:18

Naa, dé ’bɛ kaan lo, é a lé bé gi dɔɔ léé, ko ’ka dan ilé balenu bɔ lɛ lo, yé kyan miyili lé bé dɔ, ko ’ka dan a bɔ lɛ duowo lo.

Daniɛl 3:24

’Bɛna tɔɔn, kana blɛn zén minwiinzan blɛn Nébukanɛsaa gi. Yé é nwa vlan nya, yé é we fe we pla ’élɛzannu lɛ yé é léé: Mi yerelenu lé kaa wo vuli kyɛ méléna, mi yaa kaan loo? Yé wa zi pa a lɛ léé: Minwiinzan blɛn, yee lé.

Daniɛl 3:28

Nébukanɛsaa léé: Sadrak koo, Mésak koo, Abɛd‐Négo koo, wolé Bale drɔɔ ’é vo ma. Yeean é lanje pa zia yé a wuozannu lé wo bli ke a lɛ, ’té woo minwiinzan blɛn lé bélidɔwe lɛganma, yé wo bli si wo kɔlɛ lɛ, yé dé é ’ka wozé Bale do kpen nya lo, wo ’ka a nyi sié léé, wo ’wuo tua bale bɛnu lɛ yé wo ’bɛnu bɔ lo, yee ɛ wo si we gi.

Daniɛl 6:23

Yé minwiinzan blɛn gi nana é baba, yé é léé, ’wo Daniɛl bɔra guru gi. Wo Daniɛl bɔra guru gi, yé wo ’ka tuona do kpen ye lɛ a kɔlɛ ma lo; a pale a élé Bale ta, azama.

Maak 16:18

wo dan ménénu sia lɛ ’wo bɛ nya, yé dé wo migyɛlale mini, é ’ka dan we do kɛlɛ lɛ wo lɛ lo; wo dan ’wo bɛ pla lɛ gyɛgyɛmunu ta yé ’bɛnu é dan béli lɛ.

WENÉNÉ LÉ LUK A GYE (Évangile selon Luc) 1:35

Lanje lé a lɛ léé: Léli Sauun é dan zén lɛ i ta, yé Loruzan lé plɛplɛ é dan zén lɛ i ta bélé furɔ zo. Amalé né sauun lé i dan a yaa lɛ bɛ, wo dan a laa lɛ Kazambale Be.

Kelewenu 28:5

Pɔl é bɛ puo, yé méné ’ko dia kyɛ va, yé Pɔl ’ka nyané do kpen ble lɛ lo.

Rom munu 1:4

naa, dé é a a léli sauun nya, é a Kazambale Be nya; plɛplɛ lé é nwa a nya gamunu va, ’bɛ a nagɔɔn.

1 Piɛri 3:13

Dé ka a wezin kɛlɛna ka sɔbɛla nya, de ɛ dan kle pa lɛ ka taa?