Daniɛl 3:19 - Kazambale lé Sebe Sauunu 1979

¹⁹ ’Bɛna tɔɔn, Nébukanɛsaa fan bliflile nya, yé a yara kɛlɛ é nyané Sadrak koo, Mésak koo, Abɛd‐Négo koo, wo ma. Yé é léé, ’wo kyɛ taa zén ’furu gi fɔɔ gɔnɔ sɔrafié.

Daniɛl 3:19 ပူးပေါင်းရင်းမြစ်များ

Wepélisiananu 31:2

Yé Jakɔb a ye léé, Laban yara ’ka é vazia bélé é vinin zé zo lo.

Esitɛɛ 3:5

Yé Aman a ye léé, Maadosé ’ka é powuo zun lɛ yé é ’wuo tua ’é lɛ lo, amalé a bli fli kaii.

Esitɛɛ 7:7

Yé minwiinzan blɛn bliflile zi, é nwa fɛti zi yé é go élé kɔn ’léé gɔrɔ gi yilinu wuo. Naa, dé Aman a ye léé, ézé nyaa minwiinzan blɛn bli gi, é vo zanté vɔna minwiin le Esitɛɛ lɛ léé, ’bɛ é vo é yuɛma.

Lɛrɛvɔ Sɛbɛ 76:10

Bléyian va lé Bale nwa we tegele kɛlɛle we ma, Wenaanébɔmazannu faa sile we gi we ma tɛrɛ la, a bléyi va. Ka ye do.

Wegɔnévɔlenu 16:14

Minwiinzan lé bliflile éé gawe bɔa mi ma, yé wedɔɔzan ɛ a bli dɔralaan.

Wegɔnévɔlenu 21:24

Boblɛnzan valé mi gini é yuɛzuozan, wa laama mi ma we nanazan; éé we kɛla élé boblɛn lé é siale ana nya.

Ézai 51:23

Maa dan a nɔ lɛ munu lé woo yaan ka ta, wo lɛ. Wa fé ka lɛ turu léé: ’Ka bua, ko gié ka ta, Yé ka lala kɛlɛ bélé tɛrɛ zo wo lɛ, Bélé giémunu lé zi zo wo lɛ, maa dan yee kana nɔ lɛ wo ɛ lɛ.

Daniɛl 2:12

Tɔɔn, minwiinzan blɛn bli fli yé a yuɛ tana gla nya. É léé: ’Ka Babilɔn wedɔɔmunu faa gyɛ!

Daniɛl 3:13

Tɔɔn, Nébukanɛsaa wɛwɛ dɔ yé a bli fli é baba. Yé é léé, ’wo da Sadrak koo, Mésak koo, Abɛd‐Négo koo, wo nya. Yé wo da munu ’konu nya minwiinzan blɛn ’lɛ.

Daniɛl 3:20

Alé sunyanu lé wo ke nyanazannu nya, é wo va mi kenu béli dɔ léé, Sadrak koo, Mésak koo, Abɛd‐Négo koo, wo wo yere yé wo wo vuli ’furu lé kyɛ a tana, a gi.

Daniɛl 5:6

Minwiinzan blɛn kɔlɛ fuola yé é gibɔrɔ pa a ma. A sowɔlɛ so é ke ’léé, yé a powuonu vo tɔɔtɔɔ.

Daniɛl 6:24

Minwiinzan blɛn léé, munu lé wo we dɔ Daniɛl nwiin, ’wo da wo nya yé ’wo wo vuli golizra guru gi; wo koo, wolé nénu koo, wo nanu koo, woo lé. Dé wo ’ka tan dia lɛ guru wɔlɛ ma lo, golizranu wo kun, yé ’bɛnu wo wɔlɛnu faa ’wii.

Lévinu 26:18

Dé maa ’bɛ kɛlɛ yé ka ’ka ka tɔné dɔ lɛ an lɛ duowo lo, maa dan we lɛdɔ lɛ ka gi taawo gɔnɔ sɔrafié kalé wenyané ma.

Lévinu 26:21

Dé ka dɔ an ma yé ka ’ka ka tɔné dɔle an lɛ nyi si lɛ lo, maa dan ka bla lɛ gɔnɔ sɔrafié taawo kalé wenyanénu ma.

Lévinu 26:24

maa dan dɔ lɛ ka ma plɛplɛ é ziin yé maa dan ka bla lɛ gɔnɔ sɔrafié taawo kalé wenyanénu ma.

Lévinu 26:28

maa dan dɔ lɛ ka ma é ziin bliflile blɛn nya yé maa dan we lɛdɔ lɛ ka gi taawo gɔnɔ sɔrafié kalé wenyanénu ma.

Kelewenu 5:33

Webolikinimunu bli fli dére ’konu ma é baba, yé é sɔ wo lɛ léé, ’wo wo gya.

Kelewenu 7:54

Wo dére ’konu ’ma aan wo, wo bli fli é baba yé wo vo wo suiɛ dɔrana é ke la a za nya.