Daniɛl 3:17 - Kazambale lé Sebe Sauunu 1979

¹⁷ Minwiinzan blɛn, bé ye, kozé Bale lé ko bɔa, é bɔa ko sile lɛ ’furu lé kyɛ a tana, a gi. Yé é dan ko si lɛ i lee.

Daniɛl 3:17 ပူးပေါင်းရင်းမြစ်များ

Wepélisiananu 17:1

Abram lɛɛ kɛlɛ yɔ ziɛn wɔlɛ vu ta sɔraziɛn aan wo, Gakelebale bɔra Abram va yé é lé a lɛ léé: Maa a Plɛplɛfaazan Bale nya. ’I tawo an yuɛ va yé ’i kɛlɛ mi tegele nya.

Wepélisiananu 18:14

Gakelebale kelewe aa? Bléyi lé maa a dɔ, maa dan da lɛ ’bɛ bléyi nya i va, bléyi ’ko bɛ nya, lɛɛ bɛ gi, yé Sara é dan né yaa lɛ gɔné nya.

JOB (Job) 34:29

Dé é flinle nɔ mi lɛ, de ɛ dan gi bɔrɔ pa lɛ ’bɛzan maa? Dé é yara yɔɔ, de ɛ bɔa a yele lɛɛ? Dé é a bɛn do nyaoo, dé é a mi do nyaoo, éé wo faa lé we kɛla tegele

JOB (Job) 5:19

É dan i si lɛ nyanéblele blɛn gi gɔnɔ suiɛdo, Gɔnɔ sɔrafié gi wenaané ’ka bɔa i ma lo.

Lɛrɛvɔ Sɛbɛ 115:3

Kolé Bale a la gi, Weowean é sɔ a lɛ, yee lé éé a kɛla.

Lɛrɛvɔ Sɛbɛ 37:39

Mi tegelenu sile we gi éé sié Gakelebale va; É a wo takuunzan nya wolé kleblebléyi va.

Lɛrɛvɔ Sɛbɛ 37:40

Gakelebale éé bɔa wo va, yé éé wo soo we lee; Éé wo soo mi nyanénu lee yé éé wo sié we gi, Wo wo yɔɔna nagini a va, azama.

Lɛrɛvɔ Sɛbɛ 73:20

Mizan, dé i nwa, wo sele éé saan i gi, Bélé nyɛgyɛle zo.

Ézai 12:2

Bé ye, Bale a an siéwegizan nya; An pale a i ta blɛn, yé maa ’ka dan kana lɛ we do lee lo. Naa, Gakelebaleoo Gakelebale, i a anlé plɛplɛ nya, yé bii ɛ tɔ zin lé maa fé; Bii ɛ ke an Siéwegizan nya.

Ézai 54:14

We tegele é dan i dɔ lɛ gligli; I kanamawe ’ka lo, amalé gibɔrɔ ’ka i ma lo. Kana blɛn ’ka dan bié lɛ i lɛ é pu lo.

Jérémi 1:8

Té i kana wo lee pelo, naa, maa a i va, i ta béli dɔle we ma. Maa Gakelebale ɛ fe.

Jérémi 15:20

Maa dan i kɛlɛ lɛ munu ’ko va bélé kɔnguru plɛplɛ lé wa dɔ zéné nya, a zo; wo dan guli dan lɛ i va, naa, wo ’ka dan i kele lɛ lo; naa, an dan kɛlɛ lɛ i va, i bélile valé i sile we gi we ma. Maa dan i si lɛ mi nyanénu lee, maa dan i si lɛ glawe kɛlɛzannu lee. Maa, Gakelebale ɛ ke a fena.

Daniɛl 3:26

’Bɛ zuo, Nébukanɛsaa bié ’furu lé kyɛ a tana, a sɔnɔ, yé é léé: Sadrak koo, Mésak koo, Abɛd‐Négo koo, balenu faa Nwiinzan wuomunu, ’ka bɔra a gi, ’ka da. Yé Sadrak koo, Mésak koo, Abɛd‐Négo koo, wo bɔra kyɛ méléna.

Daniɛl 4:35

Tɛrɛlamunu faa ’ka a yuɛ gi bɔa lo. We lé é sɔ a lɛ léé, éé a kɛla lai sunyanu valé tɛrɛlamunu lɛ, yé mian ’bɛ éé dɔa a lee plɛplɛ yé ’bɛ lé a lɛ léé: Mɛ fɛ lé bé kɛla bɛɛ? ’bɛzan do ’ka ana lo.

Daniɛl 6:16

Minwiinzan blɛn léé, ’wo da Daniɛl nya yé ’wa vuli golizranu guru gi. Minwiinzan blɛn lé Daniɛl lɛ léé: Ilé Bale lé bé bɔa yarapalale nya, ’é i si we gi ma.

Daniɛl 6:23

Yé minwiinzan blɛn gi nana é baba, yé é léé, ’wo Daniɛl bɔra guru gi. Wo Daniɛl bɔra guru gi, yé wo ’ka tuona do kpen ye lɛ a kɔlɛ ma lo; a pale a élé Bale ta, azama.

Daniɛl 6:27

Yee ɛ mi soo we lee, yé éé mi sié we gi. Yee ɛ tɔmasenu valé we blɛnnu kɛla la gi valé tɛrɛ la. Yee ɛ Daniɛl so golizranu lé plɛplɛ lee.

Misé 7:7

Dé é a anzé nya, an dan an yuɛ vo lɛ Gakelebale lɛ, yé maa dan pa lɛ an siéwegizan Bale ta. Anlé Bale é dan an dére ’ma lɛ.

WENÉNÉ LÉ LUK A GYE (Évangile selon Luc) 1:37

Naa, we do kɛlɛle ’ka Kazambale keleé lo.

Kelewenu 20:24

Naa, an ’ka we do kpen kɛla anlé tɛrɛla we ma, bélé fɛan zo lé a we a an lee, a zo lo. We fié lé ke an bli gi, yee lé é ke ’ko: zi lé Mizan a gɔɔn an lɛ, maa lé a ta tawole lɛsɔɔle gi nanale nya a do; nyanama lé Mizan Jézu a nɔ an lɛ, Bale lé zin lé Wenéné fele nya, ’bɛ lɛsɔɔle a do, woo lé ke bɛ; an ma we bɛ ’ka lo.

Kelewenu 21:13

Yé é a zi pa léé: Mɛ zoɛ we lé ka ke a kɛlɛna an lɛ ’koo? ’té ka wuvɔa ’té ka an bli gi kyɛ dɔaa? Dé wo an yereoo, dé an ga Jérusalɛm Mizan Jézu tɔ lé we maoo, an ma a é ’lɛrɛle é kyɛn.

Rom munu 8:31

Kaa fé we ’konu ma nɔɔ? Dé Kazambale a kaa va, de ɛ kɛla kaa maa?

2 Korɛnt Munu 1:10

Kazambale ko si ga ’ko lee, yé ko bli a a lɛ léé, é dan ko si lɛ a lee é ziin; iin, é dan ko si lɛ a lee yifaama,

Ébrunu 7:25

Bɛwemalé, munu lé woo biéan Kazambale sɔnɔ Jézu tɔ gi, Jézu éé bɔa wo sile lɛ we gi tegele. É a é yuɛma lɛɛfaama ’té éé dɔa wolé we gi lɛɛfaama Kazambale ’lɛ, azama.

1 Samuɛl 17:37

David lé é ziin léé: Gakelebale lé é an si golizra sɔnéwɔlɛ valé urisi bɛlaa lee, é dan an si lɛ Filisiti mi ’ko lee é ziin. Yé Saul lé David lɛ léé: ’I go, yé Gakelebale ’é kɛlɛ i va ma.

1 Samuɛl 17:46

Kyɔ Gakelebale é dan i pa lɛ an lee, an dan i gyɛ lɛ yé an dan i ’wuo kini lɛ; kyɔ an dan Filisitinu galenu nɔ lɛ lagi mianénu valé tɛrɛlawinu lɛ. Yé tɛrɛ faa é dan a gi dɔɔ lɛ léé, Izraɛl lé Bale ana.