Daniɛl 2:9 - Kazambale lé Sebe Sauunu 1979

⁹ Dé ka ’ka nyɛ ’ko fé an lɛ lo, wo dan we lɛ do dɔ lɛ ka faa gi. Ka a a va léé ka ka ma’lɛrɛ yé ka viéwenu valé boawenu fe an lɛ. Ka bli a a lɛ léé, an bli é dan nɔla lɛ é voéla. Bɛwemalé ’ka nyɛ ’ko fe an lɛ, yé maa dan a gi dɔɔ lɛ léé, ka bɔa a gi fele lɛ an lɛ.

Daniɛl 2:9 ပူးပေါင်းရင်းမြစ်များ

1 Minwiinzannu 22:22

Gakelebale lé a lɛ léé: Kaa? É a zi pa léé: Maa dan go lɛ yé maa dan kɛlɛ lɛ vié léli nya alé balelayezannu faa ’léé. Gakelebale léé: I dan a saan lɛ weboen nya. ’I go, bé kɛlɛ a zo.

1 Minwiinzannu 22:6

Izraɛl nwiinzan blɛn balelayemunu zén ékeva, wo mi wuru fié bɔa, yé é lé wo lɛ léé: An go guli dan Ramɔt lé ke Galaad tɛrɛ la, a va, taa, é a lé an sɔn vɔ a maa? Yé wa zi pa léé: ’I go, Mizan é dan a pa lɛ minwiinzan blɛn lee.

Esitɛɛ 4:11

minwiinzan blɛn leemunu faa valé alé bɛntɛrɛ la munu faa a gi dɔɔ léé, é a bélidɔwe nya léé, dé le léé, ɛɛ, dé gɔné léé, dé é wɔra minwiinzan blɛn lé kɔn worona a va mi, ’té é ’ka a laa lɛ lo, ’wa gyɛ ’é ga. Dé mian minwiinzan blɛn élé plaminwiin kyanyili soi a lɛ, ’bɛzan do kpen ɛ vo é yuɛma. Yé maa, an yi yɔ do wɔlɛ vu lo, ’té é ’ka tan an laa lɛ lo.

Wegɔnévɔlenu 12:19

Weboen fe lɔlu a é dɔle gligli yifaama, naa, viéwonɛnɛ ’ka dan mɔn lɛ lo.

Ézai 41:23

We lé é dan bɔ lɛ é voéla, ’ka fe, Yé ko a gi dɔɔ léé, ka a balenu nya; ’Ka wezin kiéné do kɛlɛ, dé ’bɛ kaan lo, ’ka wenaané do kɛlɛ Yé ko ’bɛ ye yé ko bɔn‐in bɔrɔ ’bɛ ma.

Ézai 44:25

Maa viébalelayemunu lé tɔmasenu sɛrɛ, Yé maa lé ’monédɔmunu ma léé, wa tavozannu nya; Maa wedɔɔmunu biéan ’wo zuo, Yé maa wolé ’wuoatawe nɔla tavowe nya.

Ézékiɛl 13:17

Yé bii blami be, ’i yuɛ bɔrɔ ilé munu lunu lé ’wobo kɛla balelawefezannu nya, wo ta, yé ’i balelawe fe wo ma ma.

Ézékiɛl 13:19

Ka an tɔ sɛra anlé munu va, sɔnmlén bɛ nya kenu valé buru kuru kenu yele we ma, ’té munu lé é ’ka lé wo ga lo, ’té ka wo gya, yé ’té munu lé é ’ka lé wo vo é yuɛma lo, ’té ka wo voo é yuɛma. ’Bɛ zo wenu kɛlɛle nya lé anlé munu lé woo tɔné dɔa viéwenu lɛ, ka wo saan.

Ézékiɛl 13:6

Wolé yuɛziwenu a é pla, yé wolé wefelenu a vié nya. Wo léé, Gakelebale léma, dɔlé ’té Gakelebale ’ka wo nwunvɔ lɛ pelo. Yé wa kɛlɛna léé, munu bli ’é vo a lɛ léé, wo dére lɛ é dan sɔɔ lɛ.

Daniɛl 2:16

Daniɛl go minwiinzan blɛn va, yé é zanté vɔ a lɛ léé, ’é bléyi nɔ ’é lɛ, yé é dan we ’ko gi fe lɛ minwiinzan blɛn lɛ.

Daniɛl 2:21

Yee ɛ bléyinu valé mi zi wenu nɔlaan, yee ɛ minwiinzan blɛnnu sié ana ’té éé wo dɔa ana. Yee ɛ wedɔɔle no wedɔɔzannu lɛ, yé yee ɛ gikinile no ’wuoatazannu lɛ.

Daniɛl 2:8

Minwiinzan blɛn lé é ziin léé: Maa a ye webozen nya léé, ka a mɔnna kabo yuɛ va; ka ye léé, a we saan an gi, azama.

Daniɛl 3:15

Sin, ’ka ka ma’lɛrɛ, yé béli koo, gobé koo, gitaa koo, séén koo, kpélé koo, kɔnɔ koo, lɛrɛvɔafɛnu gɔnɔ faa koo, dé ka wo dére ’ma bléyian va, ’ka dia ka bli la kyan miyili lé maa a kɛlɛ, a ’lɛ, yé ka a bɔ. Dé ka ’ka a bɔ lɛ lo, wo dan ka vuli lɛ é nya do ’furu lé kyɛ a tana, a gi. Dé bale kyɛn ɛ dan ka si lɛ an lee?

Daniɛl 5:28

Yufaasin, ’bɛ gi léé, wo dan ilé fuatɛrɛ gi bɔi lɛ, yé wa lɛ do nɔ Mɛdenu lɛ, yé wa lɛ do nɔ Pɛɛsnu lɛ.

Daniɛl 5:31

Yé Mɛde mi Darius plale mi nwiin si gla nya; ’té ’bɛ lɛɛ a yɔ yaa wɔlɛ fié.

Daniɛl 7:25

É dan dére naanénu fe lɛ Loruzan ma; é dan kele pa lɛ Loruzan lé munu ta, yé é a a gi léé, é dan bléyinu valé bélidɔwenu nɔla lɛ, yé wo dan Loruzan lé munu pa lɛ a lee lɛɛ yaa é buu.

2 Korɛnt Munu 2:17

Naa, ko ’ka Kazambale dére vɔɔan vié nya lo, bélé fɛan zo lé mi kiɛre a kɛla, a zo lo. Ko a Krist lé munu nya yé ko a fé tegele, Kazambale dére nya, Kazambale yuɛ va.