Daniɛl 2:48 - Kazambale lé Sebe Sauunu 1979

⁴⁸ ’Bɛ zuo minwiinzan blɛn Daniɛl kɛlɛ blɛn, yé é blɛ wezan kiɛre kɛlɛ a lɛ. É a dɔ Babilɔn tɛrɛ faa nwiinzan nya, yé é a kɛlɛ Babilɔn wedɔɔzannu faa nwiinzan nya.

Daniɛl 2:48 ပူးပေါင်းရင်းမြစ်များ

2 Samuɛl 19:32

Baazilai a segele é baba, a lɛɛ a yɔ ziɛn. É a fuablezan baba nya yé bléyian va lé minwiinzan a Maanaim, é a si élé bɛn nya.

2 Minwiinzannu 5:1

Siri minwiinzan lé sunyanu nwiinzan, Naaman, a mi zin nya ézan yuɛ gi, ’té éé a mawe kɛla é zima; a nya lé Gakelebale Sirimunu si we gi, azama. Naa, mi ’ko lé ke mi plɛplɛ valé nyanazan nya, é a pantɛngyɛzan nya.

JOB (Job) 1:3

Alé ’bla a ’bla baa yaa wuru soru; alé nyɔgɔmé a baa do wuru soru; alé diri a wuru soru; alé sokofaleda a wuru fié yɔ soru. Yé a leemunu a kiɛre. Yé mi ’ko a mi blɛn nya é mini yirinwanazia munu faa ta.

Jérémi 5:5

Maa dan go lɛ mi segelenu va, yé ’bɛnu lɛ lé maa dan we fe lɛ; Naa, ’bɛnu ɛ Gakelebale lé zi dɔɔ, Yé ’bɛnu ’wolé Bale lé bélidɔwe dɔɔ. Naa, wo é ziin, wo ’wo bɔrɔ ma luubale kini Yé wo si an wuo;

Daniɛl 2:6

Naa, dé ka nyɛ ’ko valé ’é gi fe an lɛ, maa dan fɛ nɔ lɛ ka lɛ yé an dan blɛ kɛlɛ lɛ ka lɛ, yé maa dan ka tɔ kɛlɛ lɛ blɛn. Amalé, ’ka nyɛ ’ko valé ’é gi fe an lɛ.

Daniɛl 3:1

Minwiinzan blɛn Nébukanɛsaa miyili kɛlɛ kyan nya. A nwale loru a mɛtrɛ yɔ do wɔlɛ vu yé a laala a mɛtrɛ yaa. É a dɔ gɔworona lé wa laama Dura, ana, Babilɔn tɛrɛ la.

Daniɛl 3:12

Juifinu lé i Babilɔn tɛrɛ la we bɛ pa wo lee, Sadrak koo, Mésak koo, Abɛd‐Négo koo, woo lé, munu ’ko, wo ’ka i yé mi nya lo, wo ’ka ilé balenu bɔa lo, yé kyan miyili lé bé dɔ, wo ’ka a bɔa lo.

Daniɛl 3:30

’Bɛ zuo minwiinzan blɛn Sadrak koo, Mésak koo, Abɛd‐Négo koo, é wo tɔ kɛlɛ blɛn Babilɔn tɛrɛ la.

Daniɛl 4:6

Maa léé, é a lé wo Babilɔn wedɔɔmunu faa laa, ’wo da an ’lɛ ’ko, yé nyɛ lé maa a gyɛ, ’wa gi fe an lɛ.

Daniɛl 4:9

Bɛlsatasaa, gyɛzorowekɛlɛzannu nwiinzan, maa a gi dɔɔ léé, i gi lé bale sauunnu léli ke; biian we yɔɔle do kpen gi fele ’ka i lee tɔntɔn lo, yuɛziwenu lé maa a ye nyɛ fla, ’bé gi fe an lɛ ma.

Daniɛl 5:11

Mi do ana ilé tɛrɛ la ’ko, ’té bale sauunnu léli a a gi. I ti bléyi va, wa ye léé, a va a é kinile, yé a gi kini, yé wedɔɔle lé ke bélé balenu lé wedɔɔle zo, é a a gi. Yé i ti minwiinzan blɛn Nébukanɛsaa, i ti boen, é a dɔ yokɛlɛzannu koo, monénénu va ’monédɔzannu koo, Kaldé munu koo, ’monédɔzannu koo, wo nwiinzan nya.

Daniɛl 5:16

Maa a ’ma léé, i bɔalɛ léé, i wenu gi fe, yé i we tɔntɔnnu gi bɔié. Sin, dé i bɔa sɛbɛ ’ko tafele lɛ yé bé gi fe an lɛ, wo dan galunaa tɔvarɔ zén lɛ i ta; wo dan kyan vɔ lɛ i bɔrɔ ma; yé wo dan nyanana yaazan nɔ lɛ i lɛ plale mi nwiin gi.

Daniɛl 5:29

Kele tɔɔn, Bɛlsasaa léé, ’wo galunaa tɔvarɔ zén Daniɛl ta, yé ’wo kyan vɔ a bɔrɔ ma, yé wa zana dɔɔ léé, wo nyanana yaazan nɔ a lɛ plale mi nwiin gi.

Daniɛl 5:7

Minwiinzan blɛn sia plɛplɛ léé, monénénu va ’monédɔzannu koo, Kaldé munu koo, ’monédɔzannu koo, ’wo wo laa ’wo da. Minwiinzan blɛn we fe Babilɔn wedɔɔmunu lɛ yé é léé: Dé miomian sɛbɛ ’ko ta fe yé é a gi fe an lɛ, wo dan galunaa tɔvarɔ zén lɛ a ta yé wo kyan vɔ a bɔrɔ ma, yé wo dan nyanana yaazan nɔ lɛ a lɛ plale mi nwiin gi.

Daniɛl 8:27

We ’konu zuo, maa Daniɛl, maa yi kiɛre gié, ’té an yuɛgi zun, ’té gyɛ a an ma. ’Bɛ zuo yé an nwa yé an kun minwiinzan blɛn lé wenu kɛlɛle ma. Yuɛziwe lé maa a ye, é an gi vuru, yé mi do kpen ’ka a gi dɔɔ lɛ lo.

Mi Nɔnɔle 24:11

’I si an va sin; ’i go ka va. Maa a fe léé, maa dan i tɔ kɛlɛ lɛ blɛn, naa, Gakelebale ilé tɔ yele yi ga.

1 Samuɛl 17:25

Wo faa do do a fena léé: Ka mi ’ko yee? É da gɔnéwe kɛlɛ lɛ Izraɛl lɛ. Dé mi do a gyɛ, minwiinzan é dan fuafɛ kiɛre kiɛre nɔ lɛ azan lɛ, yé é dan é lu nɔ lɛ a lɛ yé é dan a ti gɔnɔlamunu vo lɛ woboma Izraɛl.

1 Samuɛl 2:8

Éé nyanégyɛzan sié vun va, Éé lee korozan sié bli la, Wo nyanale mi blɛnnu va we gi, Éé nyanana zima no wo lɛ wozé nya. Naa, tɛrɛ lé wɛyili a Gakelebale lee, Yé wo ta lé é tɛrɛ dɔra.

1 Samuɛl 25:2

Mi do ana Maɔn fuablezan baba nya, yé alé fuafɛnu a Kaamɛl; ’bla baa do wuru soru valé boli wuru soru a a lee, yé é a Kaamɛl élé ’blanu kyɛɛ bɔile we gi.