Daniɛl 2:47 - Kazambale lé Sebe Sauunu 1979

⁴⁷ Yé minwiinzan blɛn lé Daniɛl lɛ léé: Ilé Bale a balenu lé Bale nya, yé é a minwiinzan blɛn faa zan nya webozen nya. I we ’ko gi bɔra fɛan zo, ’bɛ gi léé, é bɔa we yɔɔlenu gi bɔrale lɛ.

Daniɛl 2:47 ပူးပေါင်းရင်းမြစ်များ

Wepélisiananu 41:39

Yé Faraɔn lé Jozɛfu lɛ léé: Kazambale fɛ ’konu faa gɔɔn i lɛ, amalé mi do lé ’bɛ gi ke é kinile yé ’bɛ we dɔɔ bélé bii zo, ’bɛzan ’ka lo.

2 Minwiinzannu 5:15

Naaman valé é vamunu faa nɔla Bale lé mi va é ziin. É bɔ aan wo é go a va yé é léé: Bé ye, maa gi dɔɔ léé, Bale ’ka tɛrɛ bɛ la lo, ’té dé é ’ka Izraɛl tɛrɛ nya lo. Yé sin, ilé zanté, blɛ lé i wuozan é dan a kɛlɛ lɛ i lɛ, bé si.

JOB (Job) 12:19

Éé goo Balebanmunu nya luu gi, Yé éé mi plɛplɛnu diaan.

Lɛrɛvɔ Sɛbɛ 136:2

’Ka balenu lé Bale tɔ zin fe, Naa, a nyanai éé zén‐é yifaama.

Lɛrɛvɔ Sɛbɛ 136:3

’Ka mizannu Zan tɔ zin fe, Naa, a nyanai éé zén‐é yifaama.

Lɛrɛvɔ Sɛbɛ 72:11

Minwiinzan blɛnnu faa wo dan dia lɛ a ’lɛ, Bɛnnu faa é dan a bɔ lɛ.

Lɛrɛvɔ Sɛbɛ 82:1

Lɛrɛ lé Azafa a vɔ. Bale éé dɔa loru élé zén‐ékevamunu méléna; Éé we blé balenu méléna.

Lɛrɛvɔ Sɛbɛ 96:4

Naa, Gakelebale a blɛn, a tɔ zin fe yara lé é baba, É a kanamazan nya é mini balenu faa ta;

Ézékiɛl 26:7

Naa, Mizan Gakelebale léma: Babilɔn nwiinzan, minwiinzannu ’é nwiinzan blɛn Nébukanɛsaa, maa dan a si lɛ Babilɔn yirinwana bɛbolazia, yé maa dan da lɛ a nya Tii ma, ’té wisoonu koo, gulidangoronu koo, wisootazannu koo, mi gu blɛn koo, ’té wa a va.

Daniɛl 11:36

Wean é sɔ minwiinzan blɛn ’ko lɛ, yee lé é dan a kɛlɛ lɛ. É dan nwa lɛ, é dan ébo tɔ pla lɛ balenu faa tɔ nwiin, yé é dan sɔnɔ dére fe lɛ balenu lé Bale ma; a bɛ ma é dan kɛlɛ lɛ néné fɔɔ yé bliflile lɛ é sɔɔ. Naa, wean wa kɛlɛle béli dɔ, a lɛ é dan sɔɔ lɛ.

Daniɛl 2:19

Bale yee we yɔɔleo nagɔɔn Daniɛl lɛ yuɛzi gi é béli. Yé Daniɛl lanu lé Bale drɔɔ vo.

Daniɛl 2:22

We wɔlɛma lé é ke é yɔɔle, yee ɛ a bɔraan. Yee ɛ gunutinu va wenu dɔɔ, yé yee ɛ va lé san ke.

Daniɛl 2:28

Naa, minwiinzan blɛn Nébukanɛsaa, Bale do ana lanu gi; yee ɛ we yɔɔlenu bɔraan, yé wean é dan bɔ lɛ bléyi voélanu gi, é a nagɔɔn minwiinzan blɛn lɛ. Nyɛ lé bé gyɛ, é valé yuɛzi wenu lé bé ye, ’té i a é yiale, yee lé ke ’ko.

Daniɛl 2:29

Minwiinzan blɛn, bii a é yiale bléyian va, yé ’wuogibɔrɔlenu lé wo da i ’wuo gi, wa wenu lé wo dan bɔ lɛ bléyi voélanu gi, wo nya. Yé mi lé éé we yɔɔlenu gi bɔraan, we lé é dan bɔ lɛ é voéla, é a nagɔɔn i lɛ.

Daniɛl 2:30

Dé wo we yɔɔle gi bɔra an lɛ, ’té é ’ka kɛlɛ lɛ léé, wedɔɔle lé é mini mi yuɛmalenu faa zé wedɔɔle ta, é a an gi lo, naa, wa gi bɔra an lɛ léé, maa we ’ko gi fe minwiinzan blɛn lɛ, yé ’wuogibɔrɔlenu lé wo ke i bli gi, yé i wo dɔɔ.

Daniɛl 2:37

Minwiinzan blɛn, bii ɛ ke minwiinzannu nwiinzan blɛn nya. Plale mi nwiin koo, plɛplɛ koo, gla koo, kɛlɛle blɛn koo, lanu lé Bale wo nɔ i lɛ;

Daniɛl 3:15

Sin, ’ka ka ma’lɛrɛ, yé béli koo, gobé koo, gitaa koo, séén koo, kpélé koo, kɔnɔ koo, lɛrɛvɔafɛnu gɔnɔ faa koo, dé ka wo dére ’ma bléyian va, ’ka dia ka bli la kyan miyili lé maa a kɛlɛ, a ’lɛ, yé ka a bɔ. Dé ka ’ka a bɔ lɛ lo, wo dan ka vuli lɛ é nya do ’furu lé kyɛ a tana, a gi. Dé bale kyɛn ɛ dan ka si lɛ an lee?

Daniɛl 3:28

Nébukanɛsaa léé: Sadrak koo, Mésak koo, Abɛd‐Négo koo, wolé Bale drɔɔ ’é vo ma. Yeean é lanje pa zia yé a wuozannu lé wo bli ke a lɛ, ’té woo minwiinzan blɛn lé bélidɔwe lɛganma, yé wo bli si wo kɔlɛ lɛ, yé dé é ’ka wozé Bale do kpen nya lo, wo ’ka a nyi sié léé, wo ’wuo tua bale bɛnu lɛ yé wo ’bɛnu bɔ lo, yee ɛ wo si we gi.

Daniɛl 3:29

Bélidɔwe lé maa a nɔ sin, yee lé ke ’ko: Munu faa lé, dé é a bɛn‐o bɛn‐an gi, dé é a migɔnɔoo gɔnɔan nya, dé é a déreoo dérean vɔzan nya, dé é wenaané fe Sadrak koo, Mésak koo, Abɛd‐Négo koo, wolé Bale ma, wo dan ’bɛzan wi kini lɛ ékema, yé wo dan alé kɔn ’wii lɛ yé wa kɛlɛ é ’bin nya. Naa, bale bɛ ’ka ana yé ’bɛ é mi sié we gi bélé wozé Bale zo lo.

Daniɛl 4:17

Fɛyuɛmalenu lé woo fɛnu tabin‐é, wo we ’ko ’wuo dɔ; mi sauunnu munu béli dɔ we ’ko nya, léé, munu faa a gi dɔɔ léé, plale mi nwiin faa a é plale Loruzan wuo; dé miomian sɔ a lɛ, éé ’bɛzan plaan munu nwiin, yé éé munu faa va mi kiéné kɛla minwiinzan nya.

Daniɛl 4:25

Wo dan i bin lɛ munu méléna, yé i dan nyana lɛ bwigiwinu va. Wo dan lunu nɔ lɛ i lɛ bélé diri zo, yé bé ble. Lolu é dan i kɛlɛ lɛ drɔɔdrɔɔ, yé lɛɛ sɔrafié é dan gié lɛ i ta fɔɔ yé bé gi dɔɔ léé, plale mi nwiin faa a é plale Loruzan wuo, yé dé miomian sɔ a lɛ, éé ’bɛzan plaan munu nwiin.

Daniɛl 4:32

Wo dan i bin lɛ munu méléna, yé i dan nyana lɛ bwigiwinu va. Wo dan lunu nɔ lɛ i lɛ bélé diri zo yé bé ble, yé lɛɛ sɔrafié é dan gié lɛ i ta fɔɔ yé bé gi dɔɔ léé, plale mi nwiin faa a é plale Loruzan wuo, yé dé miomian sɔ a lɛ, éé ’bɛzan plaan munu nwiin.

Daniɛl 5:11

Mi do ana ilé tɛrɛ la ’ko, ’té bale sauunnu léli a a gi. I ti bléyi va, wa ye léé, a va a é kinile, yé a gi kini, yé wedɔɔle lé ke bélé balenu lé wedɔɔle zo, é a a gi. Yé i ti minwiinzan blɛn Nébukanɛsaa, i ti boen, é a dɔ yokɛlɛzannu koo, monénénu va ’monédɔzannu koo, Kaldé munu koo, ’monédɔzannu koo, wo nwiinzan nya.

Amɔs 3:7

Naa, Mizan Gakelebale ’ka we kɛla é pla lo, ’té dé é ’ka tan é giwe yɔɔle ga vɔ lɛ é leezannu balelayezannu la lo.

1 Korent munu 14:25

yé wo bɔngiwe é dan bɔra lɛ. Yé wo dan dia lɛ ’wo bli la yé wo dan Kazambale bɔ lɛ a fele nya léé: Kazambale a ka méléna webozen nya.

Bélidɔwesɛbɛ Fiézan 10:17

Naa, Gakelebale, kalé Bale a balenu lé Bale nya, é a mizannu Zan nya, é a Bale blɛn nya, é a Bale plɛplɛ valé mitadanmawe kɛlɛ Bale nya, yé é ’ka glɛ dɔa mi gi lo, yé é ’ka dɔa mi zuo mi leefɛ ma lo;

1 Timoté 6:15

Dé a bléyi bɔ, Kazambale é dan Jézu gɔɔn lɛ munu yuɛ va. Kazambale lé é ke minwiinzan blɛn do kpen nya, ’té a gi éé nanaan, ’té é ke minwiinzannu é nwiinzan nya, mizannu ézan nya,

Jozué 22:22

Bale, Bale, Gakelebale, Bale, Bale, Gakelebale a gi dɔɔ, yé Izraɛl é dan a gi dɔɔ lɛ. Dé ko kɛlɛ nwale nya Gakelebale ma we gi, dé ko kɛlɛ tɔnégiplɛplɛ we nya Gakelebale ma, té é da bɔ ko va yi ’ko nya lo.

Wegɔɔnle 17:14

Wo dan guli dan lɛ ’Blané va, yé ’Blané é dan wo kele lɛ; é a Mizannuzan nya yé é a minwiinzannu Nwiinzan nya, azama. Yé a vamunu lé é wo laa, ’té é wo si a va, ’té woo yara paan we la bɛ, ’bɛnu é dan wo kele lɛ é ziin.

Wegɔɔnle 19:16

Wo tɔ do gyɛ alé sɔ valé a boro ta léé: Minwiinzannu Nwiinzan, Mizannuzan.