Daniɛl 2:44 - Kazambale lé Sebe Sauunu 1979

⁴⁴ Minwiinzan blɛn ’konu bléyi va, lanu lé Bale é dan plale mi nwiin lé é ’ka dan sɛrɛ lɛ monomono lo, a dɔ lɛ, ’té mi bɛ ’ka dan pla lɛ ’bɛ nwiin monomono lo. Yee ɛ dan plale mi nwiin ’konu faa ’wii lɛ yé é wo sɛrɛ tata, yé yeebozen é dan vo lɛ ana lɛɛfaama, ’bɛ glɛ ’ka lo.

Daniɛl 2:44 ပူးပေါင်းရင်းမြစ်များ

Wepélisiananu 49:10

Plaminwiin soowolivwii ’ka dan si lɛ Juda lee pelo, Plaminwiin yili ’ka da si lɛ a gane worona lo Fɔɔ yé Siilo é da, ’bɛ gi léé, mi drɔɔ, Yé munu a lɛdɔma.

2 Samuɛl 7:13

Yee ɛ dan kɔn dɔ lɛ an tɔ nya yé maa dan alé plale mi nwiin lé webleblin dɔ lɛ gligli.

2 Samuɛl 7:16

Ilé kɔn valé ilé plale mi nwiin é dan kɛlɛ lɛ sɔbɛlawe nya lɛɛfaama; ilé webleblin é dan dɔ lɛ gligli lɛɛfaama.

Lɛrɛvɔ Sɛbɛ 145:13

Ilé plale mi nwiin a lɛɛfaama we nya, a glɛ ’ka lo, Yé i lɛdɔmale ana yifaama.

Ézai 60:12

Dé bɛn‐o bɛn‐an é a fe léé, ’é ’ka plaan i wuo lo, é dan zamaga wo lɛ, ’Bɛ bɛn ’konu kulu é dan ga lɛ.

Ézékiɛl 37:25

Tɛrɛ lé maa a nɔ an leezan Jakɔb lɛ, yé wo tranu nyana a ta bɛ, wo dan nyana lɛ a ta; wo koo, wolé nénu koo, wo nénénu koo, wo dan nyana lɛ a ta lɛɛfaama. Yé an leezan David é dan kɛlɛ lɛ wo nwiinzan nya yifaama.

Daniɛl 2:28

Naa, minwiinzan blɛn Nébukanɛsaa, Bale do ana lanu gi; yee ɛ we yɔɔlenu bɔraan, yé wean é dan bɔ lɛ bléyi voélanu gi, é a nagɔɔn minwiinzan blɛn lɛ. Nyɛ lé bé gyɛ, é valé yuɛzi wenu lé bé ye, ’té i a é yiale, yee lé ke ’ko.

Daniɛl 2:34

I a ana ginina tɔɔn yé gɔlɛ do fee so é ma, ’té mi do bɛ ’ka é kunle a ma lo, yé miyili ganelaanu lé wo ke foliɛwɔlɛ valé bɔtɛrɛ nya é vɔɔle, gɔlɛ ’ko duun wo lɛ yé é wo wii.

Daniɛl 2:35

Kele tɔɔn, foliɛwɔlɛ koo, bɔtɛrɛ koo, zéné koo, gɔɔlifu koo, kyan koo, wo faa wii ékeva, yé wo kɛlɛ bélé ’sapun lé éé sié ’sa sunwona yiri bi bléyi va, ’té fu éé goo a nya, a zo. Yé wo ’ka wo pagi do kpen ye lɛ é dɛrɛ lo. Naa, gɔlɛ lé é duun miyili lɛ, é kɛlɛ gɔ blɛɛn lé é tɛrɛ faa fan, a nya.

Daniɛl 2:37

Minwiinzan blɛn, bii ɛ ke minwiinzannu nwiinzan blɛn nya. Plale mi nwiin koo, plɛplɛ koo, gla koo, kɛlɛle blɛn koo, lanu lé Bale wo nɔ i lɛ;

Daniɛl 2:43

Bé ye léé, foliɛwɔlɛ a é vɔɔle bɔtɛrɛ nya, ’bɛ gi léé, wo dan gipawe kɛlɛ lɛ bɛn nya ékeva, yé ’bɛ é kɛlɛ we vɔɔle nya. Naa, wo ’ka dan kɛlɛ lɛ do lo, fɛan zo lé bɔtɛrɛ valé foliɛwɔlɛ ’ka kɛlɛ lɛ do lo, a zo.

Daniɛl 4:3

Alé tɔmase ’konu a blɛɛn! Yé alé we blɛɛnnu ’ko a plɛplɛ! Munu éé plaan a wuo lɛɛfaama, a glɛ ’ka dɔa lo, yé alé plale mi nwiin éé voo ana mi kulu é kulu zé nya.

Daniɛl 4:34

Bléyi lé wa dɔ, a bɔle zuo, maa Nébukanɛsaa an yara nwa lagizia, yé an ’wuo dɔ an ta é ziin. Yé an Loruzan drɔɔ vo; mi lé é ke é yuɛma lɛɛfaama a glɛ ’ka lo, mi lé a plale mi nwiin glɛ ’ka lo, yé mi kulu é kulu faa éé plaan a wuo, maa a tɔ zin fe yé maa a tɔ nwa.

Daniɛl 6:26

Maa munu béli dɔ anlé tɛrɛ faa la léé, munu ’é kana Daniɛl lé Bale lee, yé di blɛn ’é kini wo gi alé we ma. Naa, yee ɛ ke Bale yuɛmale nya, yé éé voo ana lɛɛfaama, a glɛ ’ka lo. Alé plale mi nwiin ’ka sɛra lo, yé é dan vo lɛ mi nwiin fɔɔ yé é bɔ a ’wuo plana.

Daniɛl 6:27

Yee ɛ mi soo we lee, yé éé mi sié we gi. Yee ɛ tɔmasenu valé we blɛnnu kɛla la gi valé tɛrɛ la. Yee ɛ Daniɛl so golizranu lé plɛplɛ lee.

Daniɛl 7:27

Plale mi nwiin koo, munu plale a wuo koo, tɛrɛ la bɛngɔnɔnu faa lé fua koo, wo dan wo nɔ lɛ Loruzan lé munu lɛ. ’Bɛnu lé plale mi nwiin a plale mi nwiin lé é vo ana lɛɛfaama, a glɛ ’ka lo, a nya, yé minwiinzannu faa é dan a bɔ lɛ yé wo dan a lɛdɔ lɛ a ma.

Daniɛl 8:25

A bɛ ma kɛlɛle néné valé alé dabli kɛlɛle nyian wole lé we ma, a bli é dan fan lɛ bo blɛn wenu nya, yé munu lé wo ke é nyanale drɔɔ, é dan wo kiɛre gyɛ lɛ za ma, yé é dan nwa lɛ minwiinzannu nwiinzan ma; naa, é dan ’wii lɛ, dɔlé ’té mi do ’ka we do kɛlɛ lɛ a lɛ lo.

Misé 4:7

Mi sɛ lé wo vo gane tɔntɔn munu nya, maa dan wo kɛlɛ lɛ mi kulu nya; munu lé wo wo bin, maa dan wo kɛlɛ lɛ bɛn plɛplɛ nya, yé Gakelebale é dan pla lɛ wo nwiin, Siɔn gɔ nwiin, é sia ’bɛ bléyi ma fɔɔ yifaama a glɛ ’ka lo.

Agajé 2:22

Maa dan bɛnnu lé webleblinnu zana lɛ a gi; maa dan bɛnnu faa lé plɛplɛ sɛrɛ lɛ; maa dan goronu valé wo gizannu zana lɛ a gi; wisoonu valé wotazannu, wo dan ’wo ke gyɛ lɛ wolé gwɔun nya.

Agajé 2:7

maa dan bɛnnu faa ma nyɔɔn lɛ; bɛnnu faa lé fɛwezannu é dan da lɛ yé maa dan kɔn ’ko fan lɛ fuafɛnu nya. A zo lé lai sunyanu lé Gakelebale a fe.

Matio 28:18

Jézu bié aan wo yé é lé wo lɛ léé: Wo plɛplɛ faa nɔ an lɛ tɛrɛ la valé la gi.

WENÉNÉ LE JAN A GYE (Évangile selon Jean) 12:34

Yé mi gu lé a lɛ léé: Ko a ’ma bélidɔwe sɛbɛ gi léé, Krist é dan vo lɛ é yuɛma lɛɛfaama. Yé mɛmalé bii léé, é a lé wo blami Be duun? De ɛ ke ’bɛ blami Be ’ko nyaa?

Ébrunu 12:28

Naa fuatɛrɛ lé ke kaazé nya, ’bɛ ma ’ka dan nyɔɔn lɛ lo, amalé kaa Bale bɔ vɔ yé kaa bɔ a bɔbɛ lé é sɔ a lɛ, a nya, a lɛdɔmale valé kanale a lee nya.

Wegɔɔnle 11:15

Lanje sɔrafiézan béli fɛn. Yé dére plɛplɛnu we la gi, yé wo léé: Tɛrɛ la bɛnlubɛn faa kinin Kozan valé élé Krist zé nya; yé é dan pla lɛ wo nwiin lɛɛfaama, a glɛ ’ka lo.

Wegɔɔnle 2:27

É dan pla lɛ wo nwiin foliɛwɔlɛ nya é lee, yé é dan wo ’wii lɛ bélé fɛan zo lé woo bɔ ’wiié, a zo, fɛan zo lé an Ti a se kɛlɛ an lɛ, a zo.