Daniɛl 2:4 - Kazambale lé Sebe Sauunu 1979

⁴ Kaldémunu a zi pa minwiinzan blɛn lɛ Aramé dére gi léé: Minwiinzan blɛn, ’i vo é yuɛma lɛɛ faa ma, té ’bɛ glɛ ’é dɔ lo ma. ’I nyɛ ’ko fe i wuozannu lɛ yé ko dan a gi fe lɛ i lɛ.

Daniɛl 2:4 ပူးပေါင်းရင်းမြစ်များ

Wepélisiananu 31:47

Laban a tɔ pa Jégaa‐Saaduta yé Jakɔb a tɔ pa Galɛd.

Wepélisiananu 41:8

’Bɛ é tu kini, Faraɔn gi kyɛ dɔ, yé yokɛlɛmunu faa valé wedɔɔmunu faa lé ke Éjipiti tɛrɛ la, é munu nwunvɔ wo laana. Wo da aan wo, é ’élé nyɛ zuo fe wo lɛ. Naa, wo va mi do kpen ’ka bɔ lɛ wo gi fele lɛ Faraɔn lɛ lo.

1 Minwiinzannu 1:25

Naa, é go kyɔ yé dirigɔnénu koo, diriné bualenu koo, ’blanu koo, é wo gyɛ kiɛre; minwiinzan benu koo, sunyanu nwiinzannu koo, Balebanzan Abiataa koo, é wo laa. Yé bé ye, wa fɛblena ’té woo fɛ minian a ’lɛ yé wo léé: Minwiinzan Adonija ’é vo é yuɛma ma!

1 Minwiinzannu 1:31

Bat‐Sééba é yara tua tɛrɛ va yé é yia é bli la minwiinzan ’lɛ. Yé é léé: Anzan minwiinzan David, ’é vo é yuɛma lɛɛfaama ma.

2 Minwiinzannu 18:26

Ilkija bi Éliakim koo, Sɛbina valé Joak koo, wo lé Rabasaké lɛ léé: ’I we fe ko, i wuozannu lɛ Aramé dére gi, naa, ko ’bɛ gi maan; té i we fe ko lɛ Juda dére gi lo, munu lé wo ke é dɔle flagɔrɔ ta, dé wo da ’ma.

Ezidras 4:7

Aatazɛɛsɛ bléyi va, Bisilam koo, Mitrɛdat koo, Tabéɛl koo, wo bɔluzannu koo, wo sɛbɛ gyɛ Pɛɛs nwiinzan blɛn Aatazɛɛsɛ lɛ. Wo sɛbɛ ’ko gyɛ Aramémunu lé sɛbɛgyɛbɛ yɛrama, Aramé dére gi.

Néémi 2:3

yé maa a zi pa minwiinzan blɛn lɛ léé: Minwiinzan blɛn ’é vo é yuɛma ma, té ’bɛ glɛ ’é dɔ lo ma. Fla lé an tranu vun ke a ta, wa sɛrɛ, yé kyɛ alé duolinu ble ’naan, ’té mɛmalé an yara kyɛ ’ka vɔa gian loo?

Ézai 36:11

Éliakim koo, Sɛbina valé Joak koo, wo lé Rabasaké lɛ léé: ’I we fe ko, i wuozannu lɛ aramé dére gi, naa, ko ’bɛ gi maan; té i we fe ko lɛ Juda dére gi lo, munu lé wo ke é dɔle flagɔrɔ ta, dé wo da ’ma.

Ézai 44:25

Maa viébalelayemunu lé tɔmasenu sɛrɛ, Yé maa lé ’monédɔmunu ma léé, wa tavozannu nya; Maa wedɔɔmunu biéan ’wo zuo, Yé maa wolé ’wuoatawe nɔla tavowe nya.

Daniɛl 1:4

pɛniɛnu lé gyɛ pɔlɛ do kpen ’ka wo ma lo, ’té wo yara ke é nɔnɔmi, ’té wo ke wedɔɔzannu koo, gikinizannu koo, ’wuoatazannu koo, wo nya, ’té woo bɔaléé, wo minwiinzan blɛn lé kɔn gi nyanama pa, yé wo Kaldé dére valé alé sɛbɛwɔlɛnu paa wo gi.

Daniɛl 2:7

Wo lé a lɛ a gɔnɔ fiézan nya léé: Minwiinzan blɛn ’é nyɛ ’ko fe é wuozannu lɛ ma, yé ko dan a gi fe lɛ.

Daniɛl 3:9

Wo we fe minwiinzan blɛn Nébukanɛsaa lɛ yé wo léé: Minwiinzan blɛn, ’i vo é yuɛma lɛɛfaama, té ’bɛ glɛ é dɔ lo.

Daniɛl 4:19

Yé Daniɛl lé wa laama Bɛlsatasaa, kwakwa vɔ a ta bléyi sɛ nya yé gi bɔrɔ pa a ma. Yé minwiinzan blɛn we fe é ziin yé é léé: Bɛlsatasaa, té nyɛ ’ko valé é gifele é gi bɔrɔ pa i ma lo. Yé Bɛlsatasaa a zi pa a lɛ léé: Anzan, nyɛ ’ko ’é kɛlɛ i nyanézannu zé nya, yé a gi fele ’é kɛlɛ i mazannu zé nya ma.

Daniɛl 4:7

Yé yokɛlɛzannu koo, monénénu va ’monédɔzannu koo, Kaldé munu koo, ’monédɔzannu koo, wo da. Maa nyɛo fe wo lɛ, yé wo ’ka a gi fe lɛ an lɛ lo.

Daniɛl 4:9

Bɛlsatasaa, gyɛzorowekɛlɛzannu nwiinzan, maa a gi dɔɔ léé, i gi lé bale sauunnu léli ke; biian we yɔɔle do kpen gi fele ’ka i lee tɔntɔn lo, yuɛziwenu lé maa a ye nyɛ fla, ’bé gi fe an lɛ ma.

Daniɛl 5:10

Minwiinzan blɛn valé élé mi blɛnnu dérenu lé we ma mi nwiin le wɔra fɛtikɛlɛkɔn gi yé é léma: Minwiinzan blɛn, ’i vo é yuɛma lɛɛfaama, té a glɛ é dɔ lo ma. Té i ’wuogibɔrɔlenu ’ko é gibɔrɔ pa i ma lo, yé té i yara dɔbɛ é nɔla lo ma.

Daniɛl 5:8

Minwiinzan blɛn lé wedɔɔzannu faa wɔra, naa, wo ’ka bɔa sɛbɛ ’ko tafele lɛ yé wa gi fe minwiinzan blɛn lɛ lo.

Daniɛl 6:21

Yé Daniɛl lé minwiinzan blɛn lɛ léé: Minwiinzan blɛn, ’i vo é yuɛma lɛɛfaama, té a glɛ é dɔ lo.

Daniɛl 6:6

Yé minwiinzannu ’ko valé minisinu ’ko go minwiinzan blɛn va é kele yé wo lé a lɛ léma: Minwiinzan blɛn Darius, ’i vo é yuɛma lɛɛfaama, té a glɛ é dɔ lo.

Daniɛl 6:7

Minwiinzannu faa koo, minwiinzan blɛn bɛgizannu koo, minisinu koo, weplamilɛzannu koo, gbɔrɔnamanu koo, wo faa dére kɛlɛ do léé, ’wo minwiinzan blɛn lé bélidɔwe zana dɔɔ léé, yi yɔ do wɔlɛ vu wuo, dé miomian é bazoro, dé bale bɛ léé, dé mi bɛ léé, ’té dé é ’ka bii minwiinzan blɛn do kpen nya lo, a lɛ, ’wo ’bɛzan vuli golizranu guru gi ma. ’É kɛlɛ glawe nya ma.

Matio 21:9

Mi gunu lé wo ke tawona Jézu ’lɛ, é valé munu lé wo ke tawona a zuo, wo siaa léé: David Be, ozana! Mi lé é da Mizambale tɔ gi, a drɔɔ ’é vo ma. Lai loru munu, ’ka siaa mi, ozana!

1 Samuɛl 10:24

Samuɛl lé munu faa lɛ léé: Mi lé Gakelebale a si a va, ka yee? A bɔmazan ’ka munu faa méléna lo. Yé munu faa siaa léé: Ko nwiinzan blɛn ’é vo é yuɛma ma!