Daniɛl 2:37 - Kazambale lé Sebe Sauunu 1979

³⁷ Minwiinzan blɛn, bii ɛ ke minwiinzannu nwiinzan blɛn nya. Plale mi nwiin koo, plɛplɛ koo, gla koo, kɛlɛle blɛn koo, lanu lé Bale wo nɔ i lɛ;

Daniɛl 2:37 ပူးပေါင်းရင်းမြစ်များ

1 Minwiinzannu 4:24

Tɛrɛ lé ke yuu zi, é sia Tifasak fɔɔ yé é bɔ Gaza, é a é plale a faa nwiin, yé é a é plale yuu zi minwiinzannu faa nwiin. Yé a zi munu faa vo a va drɔɔ.

2 Minwiinzannu 25:28

É we néné fe a lɛ, yé é alé fuablin dɔra é va Babilɔn yé é mini a bɔlunu lé fuablinnu ta.

2 Minwiinmunu lé Wezuofe Sɛbɛ 36:23

Pɛɛs munu nwiinzan blɛn Sirus léma: Gakelebale, lanu lé Bale bɛn tɛrɛnu faa nɔ an lɛ, yé é an béli dɔ léé, ’an kɔn dɔ ’é lɛ Jérusalɛm, Juda tɛrɛ la. Ka va mi kyɛn ɛ ke alé mi nyaa? Alé Bale ’é kɛlɛ a va ma, yé ’é go ana ma.

Ezidras 1:2

Pɛɛs munu nwiinzan blɛn Sirus léma: Gakelebale, lanu lé Bale tɛrɛ la fuatɛrɛ faa nɔ an lɛ yé é an bélidɔ léé, ’an kɔn dɔ Jérusalɛm, Juda tɛrɛ la.

Ezidras 7:12

Minwiinzan blɛnnu nwiinzan Aatazɛɛsɛ, é sɛbɛ ’ko gyɛ Ezidras, Balebanzan valé sɛbɛgifezan lé ke wedɔɔzan nya lanu lé Bale lé bélidɔwe gi, a lɛ.

Lɛrɛvɔ Sɛbɛ 62:11

Té ka pa glawe ta lo, Yé té ka bli pa kyeenwole gi lo, a tɔnɔ ’ka lo. Dé fuanu gi gyɛ, Té ka bli é vo ’bɛ lɛ lo.

Wegɔnévɔlenu 8:15

An nya lé minwiinzannu éé plaan munu nwiin, Yé minwiinzannu benu éé munu béli dɔa we tegele nya;

Ézai 10:8

Naa, wo léé: Ko nwiinzan kiénénu, wo ’ka bélé minwiinzan blɛnnu zo loo? Kalno munu zé ’ka kɛlɛ lɛ bélé Kaakémis munu zé zo loo?

Ézai 47:5

Kaldé le, ’I nyana, ’i tadɔ, ’i go gunutinu va. Wo ’ka dan i laa lɛ bɛnnu nwiin le é dɛrɛ lo.

Jérémi 28:14

Naa, lai sunyanu lé Gakelebale, Izraɛl lé Bale léma: Maa foliɛwɔlɛ vɔ bɛn ’konu faa bɔrɔ ma, wo plale Babilɔn nwiinzan blɛn Nébukanɛsaa wuo we gi; yé wo dan pla lɛ a wuo webozen nya; yé an bwigiwinu nɔ a lɛ é ziin.

Jérémi 34:1

Bléyian va lé Babilɔn nwiinzan blɛn Nébukanɛsaa valé alé sunyanu faa koo, bɛntɛrɛnu lé wo ke é plale a wuo koo, munu faa koo, ’té woo guli daan Jérusalɛm valé é zi flanu va bɛ, ’bɛ bléyi va Gakelebale we fe Jérémi lɛ yé é léma:

Ézékiɛl 26:7

Naa, Mizan Gakelebale léma: Babilɔn nwiinzan, minwiinzannu ’é nwiinzan blɛn Nébukanɛsaa, maa dan a si lɛ Babilɔn yirinwana bɛbolazia, yé maa dan da lɛ a nya Tii ma, ’té wisoonu koo, gulidangoronu koo, wisootazannu koo, mi gu blɛn koo, ’té wa a va.

Daniɛl 1:2

Mizambale Juda nwiinzan blɛn Jojakim pa a lee, ’é valé Balebangikɔn gi nyanamapafɛ kenu nya. Nébukanɛsaa nyanamapafɛ ’konu si yé é go wo nya Sinéaa tɛrɛ la, yé é wo pa ’élé bale lé kɔn gi fɛwezannu pana.

Daniɛl 2:31

Minwiinzan blɛn, i a fɛna ginina, yé i miyili blɛn do ye; miyili ’ko a blɛɛn, ’té a bile nyananyana gié é glɛ la. É a é dɔle loru i ’lɛ; a yele éé kana zén‐é mi gi.

Daniɛl 2:44

Minwiinzan blɛn ’konu bléyi va, lanu lé Bale é dan plale mi nwiin lé é ’ka dan sɛrɛ lɛ monomono lo, a dɔ lɛ, ’té mi bɛ ’ka dan pla lɛ ’bɛ nwiin monomono lo. Yee ɛ dan plale mi nwiin ’konu faa ’wii lɛ yé é wo sɛrɛ tata, yé yeebozen é dan vo lɛ ana lɛɛfaama, ’bɛ glɛ ’ka lo.

Daniɛl 4:19

Yé Daniɛl lé wa laama Bɛlsatasaa, kwakwa vɔ a ta bléyi sɛ nya yé gi bɔrɔ pa a ma. Yé minwiinzan blɛn we fe é ziin yé é léé: Bɛlsatasaa, té nyɛ ’ko valé é gifele é gi bɔrɔ pa i ma lo. Yé Bɛlsatasaa a zi pa a lɛ léé: Anzan, nyɛ ’ko ’é kɛlɛ i nyanézannu zé nya, yé a gi fele ’é kɛlɛ i mazannu zé nya ma.

Daniɛl 4:22

minwiinzan blɛn, bii lé. Bii ɛ kɛlɛ blɛn yé bii ɛ kɛlɛ plɛplɛ. I kɛlɛle blɛn gi gyɛ yé é nwa fɔɔ yé é bɔ la ma, yé i plale mi nwiin bɔ fɔɔ tɛrɛ glɛ sina.

Daniɛl 4:25

Wo dan i bin lɛ munu méléna, yé i dan nyana lɛ bwigiwinu va. Wo dan lunu nɔ lɛ i lɛ bélé diri zo, yé bé ble. Lolu é dan i kɛlɛ lɛ drɔɔdrɔɔ, yé lɛɛ sɔrafié é dan gié lɛ i ta fɔɔ yé bé gi dɔɔ léé, plale mi nwiin faa a é plale Loruzan wuo, yé dé miomian sɔ a lɛ, éé ’bɛzan plaan munu nwiin.

Daniɛl 4:3

Alé tɔmase ’konu a blɛɛn! Yé alé we blɛɛnnu ’ko a plɛplɛ! Munu éé plaan a wuo lɛɛfaama, a glɛ ’ka dɔa lo, yé alé plale mi nwiin éé voo ana mi kulu é kulu zé nya.

Daniɛl 4:32

Wo dan i bin lɛ munu méléna, yé i dan nyana lɛ bwigiwinu va. Wo dan lunu nɔ lɛ i lɛ bélé diri zo yé bé ble, yé lɛɛ sɔrafié é dan gié lɛ i ta fɔɔ yé bé gi dɔɔ léé, plale mi nwiin faa a é plale Loruzan wuo, yé dé miomian sɔ a lɛ, éé ’bɛzan plaan munu nwiin.

Daniɛl 4:34

Bléyi lé wa dɔ, a bɔle zuo, maa Nébukanɛsaa an yara nwa lagizia, yé an ’wuo dɔ an ta é ziin. Yé an Loruzan drɔɔ vo; mi lé é ke é yuɛma lɛɛfaama a glɛ ’ka lo, mi lé a plale mi nwiin glɛ ’ka lo, yé mi kulu é kulu faa éé plaan a wuo, maa a tɔ zin fe yé maa a tɔ nwa.

Daniɛl 5:18

Minwiinzan blɛn, balenu faa nwiin Bale, plale mi nwiin koo, kɛlɛle blɛn koo, tɔbɔle koo, fua zevɔle koo, é wo nɔ i ti Nébukanɛsaa lɛ. Kɛlɛle blɛn lé é a nɔ a lɛ bɛ,

Daniɛl 7:14

Kɛlɛle minwiinzan nya koo, fuablele koo, plale mi nwiin koo, wa se kɛlɛ a lɛ, yé migɔnɔ faa koo, bɛnnu koo, dére faa do do vɔmunu koo, wa bɔ. Alé plale mi nwiin a plale mi nwiin lé a glɛ ’ka lo, ’té é ’ka giéan lo, a nya, yé a plale mi nwiin ’ka nyaan monomono lo.

OZÉ (Osée) 8:10

Dé wo blɛ boen kɛlɛ bɛnnu lɛoo, maa dan wo zén lɛ ékema laoɛ, yé é vo sɛ yé wo dan nyané ble lɛ mi blɛnblɛnnu nwiinzan lé kɔné wuo.

Matio 6:13

Té i go ko nya ko gi danna lo; ’i ko si Satan lé plɛplɛ wuo. Plale mi nwiin koo, plɛplɛ koo, fuablele koo, wa izé nya lɛɛfaama. Amɛɛn.

WENÉNÉ LE JAN A GYE (Évangile selon Jean) 19:11

Jézu lé a lɛ léé: Dé wo ’ka a se kɛlɛ lɛ i lɛ lagi loru lo, i ’ka bɔa we do kpen kɛlɛle lɛ an lɛ lo. Bɛwemalé, mi lé é an nɔ i lɛ, alé wenyané blɛn mini izé ta.

Wegɔɔnle 17:14

Wo dan guli dan lɛ ’Blané va, yé ’Blané é dan wo kele lɛ; é a Mizannuzan nya yé é a minwiinzannu Nwiinzan nya, azama. Yé a vamunu lé é wo laa, ’té é wo si a va, ’té woo yara paan we la bɛ, ’bɛnu é dan wo kele lɛ é ziin.

Wegɔɔnle 19:16

Wo tɔ do gyɛ alé sɔ valé a boro ta léé: Minwiinzannu Nwiinzan, Mizannuzan.

Wegɔɔnle 4:11

Kozan, kozé Bale, i fɛnu faa kɛlɛ; ilé blibɔmale nya lé wo ke, yé wa é kɛlɛle, amalé kɛlɛle blɛn koo, tɔbɔle koo, plɛplɛ koo, ilé wo ye yara lé.

Wegɔɔnle 5:12

Wa fé dére plɛplɛ nya léé: ’Blané lé wa bɔrɔ bo, plɛplɛ koo, fua koo, wedɔɔle koo, gla koo, tɔbɔle koo, kɛlɛle blɛn koo, tɔzinfele koo, alé wo ye yara lé.