Daniɛl 2:35 - Kazambale lé Sebe Sauunu 1979

³⁵ Kele tɔɔn, foliɛwɔlɛ koo, bɔtɛrɛ koo, zéné koo, gɔɔlifu koo, kyan koo, wo faa wii ékeva, yé wo kɛlɛ bélé ’sapun lé éé sié ’sa sunwona yiri bi bléyi va, ’té fu éé goo a nya, a zo. Yé wo ’ka wo pagi do kpen ye lɛ é dɛrɛ lo. Naa, gɔlɛ lé é duun miyili lɛ, é kɛlɛ gɔ blɛɛn lé é tɛrɛ faa fan, a nya.

Daniɛl 2:35 ပူးပေါင်းရင်းမြစ်များ

JOB (Job) 6:17

Dé kyɛyee bléyi bɔ, woo bélié; Dé yiri kyɛ dɔ, wo guru gi éé gaan.

Lɛrɛvɔ Sɛbɛ 103:16

Dé fu gié a ma tɔɔn, ’té é ’ka ana é dɛrɛ lo, Yé fɛ lé é ke ana é kyɛn, ’bɛna ’ka a yé é dɛrɛ lo.

Lɛrɛvɔ Sɛbɛ 22:27

Wenaanébɔmazannu wo dan fɛ ble lɛ yé wo dan kan lɛ, Munu lé woo Gakelebale naginian, wo dan a tɔ nwa lɛ. Ka bli ’é vo é yuɛma yifaama ma.

Lɛrɛvɔ Sɛbɛ 37:10

É vo sɛ, ’té mi nyané ’ka é dɛrɛ lo; Fɛana lé é ke é kyɛn, dé bé nagini, ’té é ’ka ana lo.

Lɛrɛvɔ Sɛbɛ 37:36

É gié, yé bé ye, é ’ka ana é dɛrɛ lo. Maa a gini, yé maa ’ka a ye lɛ é dɛrɛ lo.

Lɛrɛvɔ Sɛbɛ 46:9

’Ka da, ’ka bɔn‐in bɔrɔ Gakelebale lé nyanamanu ma, Fɛ sɛrɛlenu lé é a kɛlɛ tɛrɛ la, ’ka bɔn‐in bɔrɔ wo ma do.

Lɛrɛvɔ Sɛbɛ 66:4

Tɛrɛlamunu faa éé diaan ’wo bli la i ’lɛ, yé woo i tɔ bɔa lɛrɛvɔle nya, Yé woo i tɔ sian lɛrɛ nya.

Lɛrɛvɔ Sɛbɛ 86:9

Mizan, bɛnnu faa lé bé kɛlɛ, wo dan da lɛ Dia lɛ ’wo bli la i ’lɛ, Yé wo dan i tɔ bɔ lɛ.

Ézai 11:9

Wo ’ka dan wenaané kɛlɛ lɛ anlé gɔ sauun faa nwiin lo, Yé wo ’ka dan fɛ sɛrɛ lɛ ana lo; Naa, Gakelebale dɔɔle é dan tɛrɛ ta sɔɔla lɛ, Bélé ’yi éé wɛyi wɔlɛ ma sɔɔlaan fɛan zo, a zo.

Ézai 8:9

Munu, ’ka siaa gulidandére plɛplɛ nya, yé wo dan ka ’wii lɛ. Ka lé ka ke é nyanale baa, ’ka an ban ka tɔné nya. ’Ka ma’lɛrɛ gulidanle we ma, yé wo dan ka ’wii lɛ. ’Ka ma’lɛrɛ gulidanle we ma, yé wo dan ka ’wii lɛ.

Daniɛl 2:44

Minwiinzan blɛn ’konu bléyi va, lanu lé Bale é dan plale mi nwiin lé é ’ka dan sɛrɛ lɛ monomono lo, a dɔ lɛ, ’té mi bɛ ’ka dan pla lɛ ’bɛ nwiin monomono lo. Yee ɛ dan plale mi nwiin ’konu faa ’wii lɛ yé é wo sɛrɛ tata, yé yeebozen é dan vo lɛ ana lɛɛfaama, ’bɛ glɛ ’ka lo.

OZÉ (Osée) 13:3

Wo dan kɛlɛ lɛ bélé bladi lati zo, bélé fli lé éé bélié, a zo, bélé ’sapun lé fu a sié ’sa sunwona, a zo, bélé kyɛgoi lé éé bɔraan fɛnɛti ta, a zo.

Misé 4:13

Siɔn munu, ’ka nwa yé ’ka wo sunwo. Maa dan foliɛwɔlɛ béli nɔ lɛ ka lɛ yé maa dan zéné sɔnéwɔlɛnu nɔ lɛ ka lɛ, yé ka dan bɛn kiɛre ’wii lɛ yé ka dan wolé fɛ zinnu pa lɛ é yɛrama Gakelebale zé nya, yé ka dan wolé fuafɛnu pa lɛ é yɛrama Tɛrɛfaazan zé nya.

Zakari 12:3

’Bɛ yi la maa dan Jérusalɛm kɛlɛ lɛ migɔnɔnu faa lɛ bélé gɔlɛ bɛnzan zo; munu faa lé wo dan a wuo vɔ lɛ, é dan wo gyɛ lɛ, yé tɛrɛ la bɛnnu faa é dan zén lɛ ékeva yé wo péli vɔ a ma.

1 Korent munu 15:25

Naa, é a lé é pla mi faa nwiin fɔɔ yé é nyanézannu faa pla é wuo.

Wegɔɔnle 11:15

Lanje sɔrafiézan béli fɛn. Yé dére plɛplɛnu we la gi, yé wo léé: Tɛrɛ la bɛnlubɛn faa kinin Kozan valé élé Krist zé nya; yé é dan pla lɛ wo nwiin lɛɛfaama, a glɛ ’ka lo.

Wegɔɔnle 12:8

Yé dragɔn valé ézé lanjenu guli dan Misɛlnu va yé wo ’ka mini lɛ Misɛlnu lɛ lo, yé wo nyanana ’ka kɛlɛ lɛ é dɛrɛ la gi lo.

Wegɔɔnle 20:11

A zuo maa webleblin fu blɛn valé étazan ye. Tɛrɛ valé la fwi a lee baa, yé wo dɔna ’ka é dɛrɛ lo.