Daniɛl 2:29 - Kazambale lé Sebe Sauunu 1979

²⁹ Minwiinzan blɛn, bii a é yiale bléyian va, yé ’wuogibɔrɔlenu lé wo da i ’wuo gi, wa wenu lé wo dan bɔ lɛ bléyi voélanu gi, wo nya. Yé mi lé éé we yɔɔlenu gi bɔraan, we lé é dan bɔ lɛ é voéla, é a nagɔɔn i lɛ.

Daniɛl 2:29 ပူးပေါင်းရင်းမြစ်များ

Wepélisiananu 41:25

Jozɛfu lé Faraɔn lɛ léé: Nyɛ fiénu ’ko gi a do; we lé Kazambale é dan a kɛlɛ lɛ, é a gɔɔn Faraɔn lɛ.

Ézékiɛl 38:10

Mizan Gakelebale léma: ’Bɛ yi la, ’wuogibɔrɔlenu é dan dɔ lɛ i ’wuo gi, yé i dan i bɔn gi nyané bɔrɔ lɛ.

Daniɛl 2:22

We wɔlɛma lé é ke é yɔɔle, yee ɛ a bɔraan. Yee ɛ gunutinu va wenu dɔɔ, yé yee ɛ va lé san ke.

Daniɛl 2:23

An tranu lé Bale, maa i tɔ zin fe yé maa i bɔ vɔa léé, i wedɔɔle valé plɛplɛ nɔ an lɛ, yé we lé ko a laa i lee, bé nagɔɔn an lɛ, yé i minwiinzan blɛn lé we yɔɔle gi bɔra ko lɛ.

Daniɛl 2:28

Naa, minwiinzan blɛn Nébukanɛsaa, Bale do ana lanu gi; yee ɛ we yɔɔlenu bɔraan, yé wean é dan bɔ lɛ bléyi voélanu gi, é a nagɔɔn minwiinzan blɛn lɛ. Nyɛ lé bé gyɛ, é valé yuɛzi wenu lé bé ye, ’té i a é yiale, yee lé ke ’ko.

Daniɛl 2:45

Gɔlɛ lé bé ye sona gɔ ma bɛ, ’té mi bɛ ’ka a ma lo, yé foliɛwɔlɛ koo, zéné koo, bɔtɛrɛ koo, gɔɔlifu koo, kyan koo, yé é wo wii bɛ, ’bɛ gi lé ke bɛ. We lé é dan bɔ lɛ ’bɛ zuo, Bale blɛn a gɔɔn minwiinzan blɛn lɛ. A nyɛ a webozen nya, yé a gifedére a tegele.

Daniɛl 2:47

Yé minwiinzan blɛn lé Daniɛl lɛ léé: Ilé Bale a balenu lé Bale nya, yé é a minwiinzan blɛn faa zan nya webozen nya. I we ’ko gi bɔra fɛan zo, ’bɛ gi léé, é bɔa we yɔɔlenu gi bɔrale lɛ.

Amɔs 4:13

Naa, mi lé é gɔ blɛnnu kɛlɛ yé é fu kɛlɛ, Yé éé bɔn‐in bɔrɔmawe gɔɔn‐an blami lɛ, Yee lé éé tu kinile nɔlaan gunu nya, ’Té éé tawoo tɛrɛ la fɛna nwalenu na, yee lé ke bɛ; A tɔ lé Gakelebale, lai sunyanu lé Bale.