Daniɛl 2:21 - Kazambale lé Sebe Sauunu 1979

²¹ Yee ɛ bléyinu valé mi zi wenu nɔlaan, yee ɛ minwiinzan blɛnnu sié ana ’té éé wo dɔa ana. Yee ɛ wedɔɔle no wedɔɔzannu lɛ, yé yee ɛ gikinile no ’wuoatazannu lɛ.

Daniɛl 2:21 ပူးပေါင်းရင်းမြစ်များ

1 Minwiinzannu 10:24

Munu faa a kwa kulina léé, ’wo Salomɔn ye, wedɔɔle lé Bale a pa a bli gi, a ’male we gi.

1 Minwiinzannu 3:28

Minwiinzan we ’ko yuɛ gi bo fɛan zo, Izraɛlnu faa a ’ma. Yé wa ye léé, Bale lé wedɔɔle a a gi, yé é zi gɔɔn a lɛ alé weblele gi, amalé woo kanaan minwiinzan blɛn lee.

1 Minwiinzannu 4:29

Wedɔɔle koo, ’wuo zin baba koo, we gɔ do do dɔɔle kiɛre bélé wɛyi gɔɔn ma nyéné zo koo, Bale wo nɔ a lɛ.

Minwiinzannu lé Wezuofe Sɛbɛ 22:12

Gakelebale ’é wedɔɔle valé gikinile nɔ i lɛ ma, yé ’é i pla Izraɛl munu nwiin, yé i tawo Gakelebale ilé Bale lé bélidɔwe yɛrama ma.

Minwiinzannu lé Wezuofe Sɛbɛ 29:30

wenu faa lé wo bɔ a plale mi nwiin bléyi va, alé we blɛnblɛn kɛlɛlenu, ’bɛ valé we faa lé wo bɔ azé bléyi va, dé wa Izraɛl tɛrɛ laoo, dé wa tɛrɛ bɛnu taoo, wa é gyɛle yee sɛbɛnu gi.

Esitɛɛ 1:13

Tɔɔn, minwiinzan blɛn we fe wedɔɔmunu lé wo bléyinu lé we dɔɔ bɛ, wo lɛ. Naa, a zo lé woo minwiinzan blɛn lé we yuɛ gi boo munu lé wo bélidɔwenu dɔɔ, wo yuɛ va.

JOB (Job) 12:18

Éé minwiinzannu lé kyɛsidi kinié, ’Té éé bawɔrɔ vɔa wo tɛrɛ la.

Fwile 31:3

Maa a fan Kazambale Léli koo, gi kinile koo, ’wuoatawe koo, wedɔɔle koo, wo nya, nyanama gɔnɔ faa pale we ma.

Fwile 31:6

Yé maa Dan bɛngizan Aisamak be Ooliab nɔ a lɛ a bɔlu do nya. Maa blabozannu faa fan ’wuoatawe nya, fɛnu faa lé maa i bélidɔ, wolé a kɛlɛle we ma,

Daniɛl 1:17

Kazambale pɛniɛ ziɛn ’ko kɛlɛ ’wuoatazannu nya, yé é wo gi kini sɛbɛ lé we nya, yé é wedɔɔle nɔ wo lɛ, ’té Daniɛl éé yuɛzi we faa valé nyɛgyɛle faa gi fé.

Daniɛl 10:1

Pɛɛs munu nwiinzan blɛn Sirus plale mi nwiin lɛɛ yaazan nya, wo we do gɔɔn Daniɛl lé wa laama Bɛlsatasaa bɛ, a lɛ. We ’ko a webozen nya. Yé we tɔntɔn blɛn lé é dan bɔ lɛ, é a nagɔɔn. Daniɛl we ’ko gi kuli, yé a gi kini yuɛziwe ’ko gi ’male we ma.

Daniɛl 11:6

Lɛɛ kenu giéle zuo, wo dan wo gi pa lɛ do, yé yirinwana bɛyilazia tɛrɛ nwiinzan blɛn lu é dan da lɛ yirinwana bɛbolazia tɛrɛ nwiinzan blɛn va, wo vole drɔɔ ékeva we gi. Naa, ’bɛ ’ka voo plɛplɛ yifaama lo, yé é ’ka dan dɔ lɛ wo ma lo; wo dan yee le pa lɛ munu lee, yee koo, a vamunu koo, a ti koo, mi lé é bɔ a va ’bɛ bléyi va, ’bɛ koo, wo nya.

Daniɛl 2:20

Daniɛl léma: ’Wo Bale tɔ drɔɔ vo ma, lɛɛfaama, té a glɛ ’é dɔ lo. Wedɔɔle valé plɛplɛ a yee ɛ zé nya.

Daniɛl 2:23

An tranu lé Bale, maa i tɔ zin fe yé maa i bɔ vɔa léé, i wedɔɔle valé plɛplɛ nɔ an lɛ, yé we lé ko a laa i lee, bé nagɔɔn an lɛ, yé i minwiinzan blɛn lé we yɔɔle gi bɔra ko lɛ.

Daniɛl 2:9

Dé ka ’ka nyɛ ’ko fé an lɛ lo, wo dan we lɛ do dɔ lɛ ka faa gi. Ka a a va léé ka ka ma’lɛrɛ yé ka viéwenu valé boawenu fe an lɛ. Ka bli a a lɛ léé, an bli é dan nɔla lɛ é voéla. Bɛwemalé ’ka nyɛ ’ko fe an lɛ, yé maa dan a gi dɔɔ lɛ léé, ka bɔa a gi fele lɛ an lɛ.

Daniɛl 4:14

É sia plɛplɛ, yé é léé: ’Ka yili ’ko dia yé ’ka a bɛnu bɔi; ’ka a kwɛɛnu nyɔɔn, yé ’ka a poronu nwɛɛn; winu ’é fwi a wuo ma, yé a bɛnu ta mianénu ’é fwi.

Daniɛl 4:17

Fɛyuɛmalenu lé woo fɛnu tabin‐é, wo we ’ko ’wuo dɔ; mi sauunnu munu béli dɔ we ’ko nya, léé, munu faa a gi dɔɔ léé, plale mi nwiin faa a é plale Loruzan wuo; dé miomian sɔ a lɛ, éé ’bɛzan plaan munu nwiin, yé éé munu faa va mi kiéné kɛla minwiinzan nya.

Daniɛl 4:22

minwiinzan blɛn, bii lé. Bii ɛ kɛlɛ blɛn yé bii ɛ kɛlɛ plɛplɛ. I kɛlɛle blɛn gi gyɛ yé é nwa fɔɔ yé é bɔ la ma, yé i plale mi nwiin bɔ fɔɔ tɛrɛ glɛ sina.

Daniɛl 4:32

Wo dan i bin lɛ munu méléna, yé i dan nyana lɛ bwigiwinu va. Wo dan lunu nɔ lɛ i lɛ bélé diri zo yé bé ble, yé lɛɛ sɔrafié é dan gié lɛ i ta fɔɔ yé bé gi dɔɔ léé, plale mi nwiin faa a é plale Loruzan wuo, yé dé miomian sɔ a lɛ, éé ’bɛzan plaan munu nwiin.

Daniɛl 7:25

É dan dére naanénu fe lɛ Loruzan ma; é dan kele pa lɛ Loruzan lé munu ta, yé é a a gi léé, é dan bléyinu valé bélidɔwenu nɔla lɛ, yé wo dan Loruzan lé munu pa lɛ a lee lɛɛ yaa é buu.

WENÉNÉ LÉ LUK A GYE (Évangile selon Luc) 21:15

naa, dére valé wedɔɔle lé ka nyanézannu ’ka bɔa dɔle lɛ a ma plɛplɛ lo, yé wo ’ka bɔa a nɔlale lɛ lo, maa dan wo nɔ lɛ ka lɛ.

Rom munu 13:1

Mi faa ’é pla minwiinzannu wuo ma; naa, plale mi nwiin lé é ’ka sié Kazambale va lo, é ’ka lo, yé minwiinmunu lé wo ke ana, Kazambale ɛ wo dɔ.

1 Korent munu 1:30

Naa, Kazambale lé we ma lé ka a Jézu Krist gi, yé Kazambale lé blibɔmawe yɛrama lé Krist kinin kolé wedɔɔle valé kolé we tegele koo, ko kɛlɛle sauun koo, ko tabozan koo, wo nya.

SEBE LÉ JAK A GYE (Épitre de Jacques) 1:17

Blan zima faa valé blɛ tegele faa éé sié loru, lagi san bilenu Kɛlɛzan va. A dɔbɛ ’ka nɔlaan lo, yé alé we do kpen ta ’ka vɔɔan lo.

SEBE LÉ JAK A GYE (Épitre de Jacques) 1:5

Dé ka va mi do ’ka we dɔɔa lo, é a lé ’é a laa Kazambale lee yé é dan a nɔ lɛ a lɛ. Kazambale éé fɛ no mi faa lɛ é pla é bli drɔɔ nya.

Wegɔɔnle 19:16

Wo tɔ do gyɛ alé sɔ valé a boro ta léé: Minwiinzannu Nwiinzan, Mizannuzan.