Daniɛl 12:3 - Kazambale lé Sebe Sauunu 1979

³ Wedɔɔzannu é dan bi lɛ bélé lagi fuasan zo, yé munu lé woo we tegele paan munu gi, wo dan bi lɛ bélé lagi monénénu zo, bléyi faa ma, ’bɛ glɛ ’ka dɔa lo.

Daniɛl 12:3 ပူးပေါင်းရင်းမြစ်များ

Fwile 34:35

Izraɛl lé nénu éé Moizi yara naginian, yé wa ye léé, a yara éé bié; yé Moizi é sɔ vo é zénle é yara fɔɔ yé é wɔra, wefele Gakelebale lɛ we gi.

Wegɔnévɔlenu 11:30

Mi tegele kɛlɛwe a mibéliyili nya, yé wedɔɔzan éé munu sié we gi.

Wegɔnévɔlenu 3:35

wedɔɔzannu é dan tɔ ye lɛ wozé nya, naa, yaragyɛwe é dan kɛlɛ lɛ ’tugyɛzannu zé nya.

Wegɔnévɔlenu 4:18

Mi tegelenu lé zi a bélé san lé éé bié nyananyana, a zo; a bile gi éé goo gyɛle nya fɔɔ yé yiéyi é pa.

Bale Lé We Gifezan 12:9

vungoi é dan nɔla lɛ vun nya, fɛana lé é ke é vini, ana, yé léli é dan go lɛ é ziin Kazambale lé é a nɔ, a va; we ’konu faa bɔle ’lɛ, i Kɛlɛzan sele ’é dɔ i gi ma.

Ézai 53:11

É dan élé nyanéblele ma tɔnɔ ye lɛ yé ’bɛ é dan a fan lɛ ginanale nya; Alé wedɔɔle nya lé an wuozan tegele é dan mi kiɛre kɛlɛ lɛ tegele, Yé é dan wolé weplenu kɔné si lɛ.

Jérémi 23:22

Dé é kɛlɛ kɔɔn léé, wo nyana anlé wekyɛ zi, ’té wo an dérenu fe anlé munu lɛ, ’té wo wo si wolé tawobɛ naané zuo, ’té wo wo si wo kɛlɛwe lɛrɛlɛrɛnu zuo.

Daniɛl 11:33

Yé wo va wedɔɔmunu é dan we paa lɛ mi kiɛre gi. Gwɔun koo, kyɛnɛnɛ koo, kɛlɛle luu nya koo, fɛ sile wo lee gla nya koo, é dan wo va mi kenu dia lɛ bléyi ke nya.

Daniɛl 11:35

Wedɔɔmunu va mi kenu é dan dia lɛ léé, wo kɛlɛ wéiin, wo kɛlɛ sauun, yé wo gi é bɔ fɔɔ yé bléyi voélazan é bɔ, naa, é ’ka dan bɔ lɛ lo, fɔɔ bléyi lé Bale a dɔ, ’té é bɔ é wo.

Daniɛl 12:10

Mi kiɛre é dan kɛlɛ lɛ sauun, yé wo gi é bɔ, yé wo kɛlɛ wéiin. Weplekɛlɛmunu é dan wenaané kɛlɛ lɛ, yé wenyané kɛlɛmunu va mi do kpen ’ka dan we ’ma lɛ lo. Naa, munu lé wo ’wuo ke wo ta, wo dan we ’ma lɛ.

Matio 13:43

Yé mi tegelenu é dan bi lɛ nyananyana bélé yiri zo ’wo Ti Bale lé tɛrɛ la. Mi lé we ’ma tɔné ke a ’wuo ma, ’bɛzan a ’ma ma.

Matio 19:28

Jézu lé wo lɛ léé: Maa lé ka lɛ webozen nya léé, a bléyi é dan bɔ lɛ yé ’wo fɛnu faa kɛlɛ é dɛrɛ; dé ’bɛ bléyi bɔ, dé maa, blami Be nyana anlé webleblin tɔbɔle ta, ka lé ka da an zuo, ka dan nyana lɛ webleblin vu ta fié ta, yé ka dan Izraɛl bɛn vu ta fié lé we ble lɛ.

Matio 24:45

Mi leezan yarapawelazan gikinizan lé azan a pla élé kɔngimunu nwiin léé, ’é wolé fɛblele nɔ wo lɛ a nɔbléyi nya, de léé?

WENÉNÉ LE JAN A GYE (Évangile selon Jean) 4:36

Woo ’sagyɛzan gooli paan, yé éé féi ma tɔnɔ yé vole é yuɛma lé a glɛ ’ka lo, azé nya, ’savɔzan valé ’sagyɛzan gi nanale ékeva we gi.

WENÉNÉ LE JAN A GYE (Évangile selon Jean) 5:35

Jan ɛ ke kyɛbɔ lé é ke bina ’té éé blé, a nya, yé ka a a va léé, ’wo gi é nana a san va bléyi do nya.

Kelewenu 13:1

Balelayemunu valé Kazambale lé we paa mi gi munu ana Antiɔs lé léglizi gi, Banabas koo, Siméɔn lé wa laan Nijɛɛ, yee koo, Sirɛne mi Lusius koo, Manaɛn lé wo tin gbɔrɔnama Érɔd nya ékeva, yee koo, Sɔl koo, woo lé.

1 Korent munu 3:10

Kazambale lé zin lé é a kɛlɛ an lɛ, a nya lé maa kɔngane vɔ bélé kɔn ninikinizan lé é we dɔɔ, a zo; ’té mi bɛ éé kɔn dɔa a ta. Ka faa do do, ’ka yuɛ pa kabozen va a dɔle a ta lé we ma.

Éfez munu 4:11

Alé blɛnu lé ke ’ko: é mi kenu kɛlɛ nwunvɔmunu nya; é a kenu kɛlɛ Balelayemunu nya; é a kenu kɛlɛ wenéné fezannu nya; é a kenu kɛlɛ léglizigimunu pazannu valé wepaamigizannu nya,

Ébrunu 5:12

Naa, ka lé ka namɔn, ’té é a kɔɔn léé, ka kɛlɛ wepaamigimunu nya, ka mawe a a gi léé, ’wo Kazambale lé we pélisiana vininnu paa ka gi é ziin. Ka kinin munu lé wo mawe ke a gi léé, ’wo nyɔ minian, ’té wo ’ka fɛ plɛplɛ va lo, wo nya.

2 Piɛri 3:15

É a lé ka gi dɔɔ léé, Kaazan lé bli tiéé we ma lé ka dan béli lɛ, bélé fɛan zo lé kaa bwe Pɔl lé é sɔ kaa lɛ, é a gyɛ ka lɛ sɛbɛ gi, wedɔɔle lé Bale a nɔ a lɛ, a yɛrama bɛ, a zo.

Wegɔɔnle 1:20

Monéné sɔrafié lé i wo ye an bɛyi lee, é valé kyan fintran sɔrafié, wolé we a é yɔɔle. A gi lé é ke ’ko: monéné sɔrafié a léglizi sɔrafié lé lanjenu nya, yé fintran sɔrafié a léglizi sɔrafié nya.

Weblezannu 5:31

Oo Gakelebale, ’ko zo lé i nyanézannu faa ’é zamaga wo ma. Munu lé woo i lɔrɔ paan, wa bélé yiri zo, ’Té dé é bi élé plɛplɛ faa nya. Tɛrɛ vo drɔɔ lɛɛ yɔ fié wuo.