Daniɛl 12:1 - Kazambale lé Sebe Sauunu 1979

¹ ’Bɛ bléyi va Mikaɛl lé é ke mi blɛn nya, ilé munu ta gulidanzan nya, é dan nwa lɛ. Bléyi ’ko é dan kɛlɛ lɛ nyané ble bléyi nya. É sia bɛnnu pélisia bléyi va fɔɔ yé é bɔ bléyi ’ko va, wo ’ka tan ’bɛ zoɛ nyané vinin ble lɛ lo. ’Bɛ bléyi va, ilé munu lé wo tɔ ke é gyɛle sɛbɛ gi, wo dan si lɛ we gi.

Daniɛl 12:1 ပူးပေါင်းရင်းမြစ်များ

Lɛrɛvɔ Sɛbɛ 56:8

Wo bli a a lɛ léé, wolé weple kɛlɛle nya lé wo dan so lɛ we lee; Baleoo, Bale, ’i migɔnɔnu zun i bliflile nya ma.

Lɛrɛvɔ Sɛbɛ 69:28

’I wolé weple kɛlɛle taa pa weplenu nya, Ilé nyanai zénle mi ta ’é kele wo ma ma.

Ézai 4:3

Siɔn mi pɔnénu valé Jérusalɛm mi pɔnénu lé wo vo, ’té wo wo tɔ gyɛ mi yuɛmalenu va Jérusalɛm bɛ, wo dan wo laa lɛ Bale lé munu.

Ézai 9:7

Mizan we do pa Jakɔb lɛ zia yé a bɛ dia Izraɛl ta.

Jérémi 30:10

Yé Gakelebale léé: Yé bii an wuozan Jakɔb, té i kana lo; Yé bii Izraɛl, té i gi nyɛ é kini lo, Naa, maa dan i si lɛ tɛrɛ baa la munu lee, Maa dan i kulunu si lɛ luu gi tɛrɛ lé wo kɛlɛ ana luu nya, ana munu lee; Jakɔb é dan da lɛ é pa gi, yé a gi é dan nana lɛ flinle valé vole drɔɔ we ma, Yé mi do kpen ’ka dan gibɔrɔpa?-?amawe kɛlɛ lɛ lo.

Jérémi 30:7

We tɔntɔn lé. Naa, yi blɛn lé; ’Bɛ zoɛ yi vinin ’ka tan bɔ lɛ lo. É a Jakɔb lé klebleyi nya, Naa, é dan si lɛ a gi.

Ézékiɛl 13:9

Balelayemunu lé wolé yuɛziwenu ke é pla, ’té wolé wefele a vié nya, maa dan an bɛ kɛlɛ lɛ wo ma; wo ’ka dan kɛlɛ lɛ anlé zén‐ékevamunu vazannu nya pelo. Wo ’ka dan wo tɔ gyɛ lɛ é dɛrɛ Izraɛlnu tɔgyɛlasɛbɛ gi lo, yé wo ’ka dan go lɛ Izraɛl tɛrɛ la é dɛrɛ lo, yé ka dan a gi dɔɔ lɛ léé, maa ɛ ke Mizan Gakelebale nya.

Ézékiɛl 34:24

Maa Gakelebale ɛ dan kɛlɛ lɛ wolé Bale nya, yé an leezan David é dan kɛlɛ lɛ wo nwiinzan nya wo méléna.

Ézékiɛl 5:9

Kalé bozowenu faa lé we ma lé, we lé maa ’ka tan a vinin kɛlɛ lɛ lo, ’té maa ’ka dan a bɛ kɛlɛ lɛ monomono lo, maa dan a kɛlɛ lɛ ka lɛ.

Daniɛl 10:13

Pɛɛs munu nwiinzan dɔ an ma plɛplɛ yi yɔ do wɔlɛ do wuo. Naa, bé ye, minwiinzannu va mi blɛn do lé wa laama Mikaɛl, é da bɔ lɛ an va yé an vo é nyanale ana Pɛɛs munu nwiinzannu va.

Daniɛl 10:21

Naa, wean é ke é gyɛle webozen lé sɛbɛ gi, é sɔ an lɛ léé, maa a gɔɔn i lɛ. Mian éé bɔa an va gulidanna munu ’ko va, dé é ’ka ’kaa Izraɛlnu nwiinzan Mikaɛl nya lo, ’bɛzan ’ka lo.

Daniɛl 11:45

É dan élé fua sɔkɔnnu dɔ lɛ wɛyinu méléna, gɔ tɔbɔle lé é ke plɛplɛ, a vazia. É dan bɔ lɛ ézé ’wuo plana, ’té a bɔavazan ’ka lo.

Daniɛl 7:10

Kyɛ éé bɔraan a ’lɛ, ’té éé yoroan bélé yuu zo. Mi wuru é wuru a bɔa, yé mi baa é wuru é wuru a é dɔle a ’lɛ. Weblezannu nyana, yé wo sɛbɛnu fuo.

Daniɛl 9:12

Dérenu lé é a fe ko valé ko nwiinzannu lé woo zi gɔɔn‐an ko lɛ, kolé we nya, é wo lɛ sɔɔ. É we tɔntɔn blɛn bɔ ko ma. We lé é bɔ Jérusalɛm ma, ’bɛ zo we ’ka bɔ lɛ tɛrɛ la fɛ bɛ do kpen na lo.

Joɛl 2:2

Yi ’ko la, béli éé taan yé gunu éé dɔraan; Yi ’ko la, lati éé tuaan, yé lolu éé vɔa; É dan bélé tukinile zo yé é zén gɔnu ta, Migɔnɔ lé wo ke kiɛre, ’té wa plɛplɛ, woo lé; Wo ’ka tan wo zoɛ munu ye lɛ é vinin lo, Yé wo ’ka dan wo zoɛ munu ye lɛ wo zuo monomono lo.

Malasi 3:16

Yé munu lé woo kanaan Gakelebale lee, wo we fe ’wo ke lɛ, yé Gakelebale é tɔné dɔ yé é a ’ma; yé wo sɛbɛ do gyɛ Gakelebale yuɛ va, munu lé woo kanaan a lee, ’té wa tɔ bɔa, wo sele dɔle a gi we ma.

Matio 24:21

Naa, nyanéblele é dan kɛlɛ lɛ tɔntɔn fɔɔ é sia tɛrɛ pélisia bléyi va fɔɔ yé é bɔ bléyi ’ko va, nyanéblele ’ko zoɛ ’ka tan bɔ lɛ lo, yé wo ’ka dan a zoɛ ye lɛ monomono lo.

Maak 13:19

Yi ’konu lé nyanéblele é dan kɛlɛ lɛ blɛn fɔɔ é sia Kazambale lé tɛrɛkɛlɛ?-?bléyi va fɔɔ é bɔ kyɔ ma, nyanéblele ’ko zoɛ ’ka tan bɔ lɛ lo, yé wo ’ka dan a zoɛ ye lɛ monomono lo.

WENÉNÉ LÉ LUK A GYE (Évangile selon Luc) 10:20

Naa, té ka gi é nana léé, yonu a é plale ka wuo lo; naa, ka gi ’é nana léé, ka tɔ a é gyɛle la gi.

Rom munu 11:15

Dé Bale sɔn vɔ Juifinu ma yé bɛwemalé é tɛrɛlamunu nana ’é va ’naan, dé wo wɔra é ziin alé zin gi nii? ’Bɛ ’ka dan kɛlɛ lɛ nwale gale va nya loo?

Rom munu 11:26

’Ko zo lé Izraɛl faa é dan si lɛ we gi, é a é gyɛle sɛbɛ gi fɛan zo, a yɛrama; wo léé: Misiéwegizan é dan si lɛ Siɔn Yé é dan Kazambale lé zi ma wenyané fele si lɛ Jakɔb ’léé;

Éfez munu 1:21

wemaplɛplɛzannu faa koo, fɛ faa lé wa lɛdɔama koo, plɛplɛ faa koo, mi faa lé a se ke wo lɛ koo, tɔ faa lé mi éé bɔa a laale lɛ, dé é a bléyi ’ko va nyaoo, dé é a bléyi lé é dan bɔ lɛ bɛ, a va nyaoo, ’bɛ tɔ faa koo, Krist nyanana a wo faa nwiin loru baa.

Filip munu 4:3

Yé bii é ziin, an bɔluzan yarapawelazan, iin, ilé zanté, naa, lomu lé wo pa an va Wenéné fele lé guli danna bɛ, wo valé Kléman koo, an va nyanama pa béé bɛnu lé wo tɔ ke é gyɛle mi bélilenu tɔ gyɛlasɛbɛ gi koo, ’i bɔ wo va.

SEBE LÉ JUD A GYE (Épitre de Jude) 1:9

Yé lanjenu faa ’lɛzan Misɛl boen ke aan wo za kɛlɛna yonufaatagɔné va Moizi kɔlɛ ta, é ’ka dɔ lɛ a gi léé, é sɔnɔdére fe a ma lo, naa, é we dɔ é wo a nwiin léé: Mizambale ’é ilé we ble ma.

Wegɔɔnle 12:7

Gulidanle kɛlɛ la gi. Misɛl valé élé lanjenu guli dan dragɔn va.

Wegɔɔnle 13:8

Tɛrɛlamunu faa é dan dia lɛ ’wo bli la a ’lɛ; ’Blané lé wa gyɛ, tɛrɛlamunu faa lé wo tɔ ’ka é gyɛle alé mibélilenu tɔgyɛlasɛbɛ gi tɛrɛ pélisia bléyi va lo, wo dan dia lɛ yee wi ’ko ’lɛ.

Wegɔɔnle 17:14

Wo dan guli dan lɛ ’Blané va, yé ’Blané é dan wo kele lɛ; é a Mizannuzan nya yé é a minwiinzannu Nwiinzan nya, azama. Yé a vamunu lé é wo laa, ’té é wo si a va, ’té woo yara paan we la bɛ, ’bɛnu é dan wo kele lɛ é ziin.

Wegɔɔnle 20:12

Yé maa migalenu ye, mi blɛnnu valé mi planu, ’té wa é dɔle webleblin ’lɛ. Wo sɛbɛnu fuo. Yé wo sɛbɛ do fuo é ziin, ’bɛ ɛ ke mibélilenu tɔgyɛlasɛbɛ nya. Yé wo migalenu lé we ble ’wo kɛlɛwe yɛrama, wenuan wo ke é gyɛle sɛbɛ ’konu gi, a yɛrama.

Wegɔɔnle 20:15

Munuan wo tɔ ’ka é gyɛle mibélilenu tɔgyɛlasɛbɛ gi lo, wo wo vuli yee kyɛ blɛn ’ko ɛ va.

Wegɔɔnle 3:5

Mian we ’ko ’wuo vo a lɛ, wo dan sɔ fu zén lɛ a ta; yé maa ’ka dan a tɔ fwi lɛ mi bélilenu tɔgyɛla sɛbɛ gi lo, yé maa dan a tɔ bɔra lɛ an Ti valé élé lanjenu yara.

Wegɔɔnle 7:14

Maa lé a lɛ léé: Anzan, bii ɛ ’bɛ gi dɔɔ. É lé an lɛ léé: Wa munu lé wo si nyané blɛn gi, wo nya; wo ’wolé sɔnu zuru ’Blané nyɛ nya yé wo kɛlɛ fu tata.