Daniɛl 11:9 - Kazambale lé Sebe Sauunu 1979

⁹ Yé mi ’ko é dan nwa lɛ yirinwana bɛyilazia minwiinzan blɛn ma, yé ’bɛ zuo yé é dan da lɛ élé tɛrɛ la é pa gi.

Daniɛl 11:9 ပူးပေါင်းရင်းမြစ်များ

Daniɛl 11:10

A benu é dan sunyanu kiɛre zén lɛ ékeva yé wo go guli dan; wo vazan do é dan kɛlɛ lɛ wo ’lɛzan nya; é dan sɔɔla lɛ fɛfaana bélé ’yiyoro lé éé bɔraan bwi la, a zo, yé é dan da lɛ é pa gi, yé wo dan guli dan lɛ fɔɔ yé wo bɔ yirinwana bɛyilazia minwiinzan blɛn lé guliyɔɔkɔn plɛplɛ ma.

Daniɛl 11:11

Yirinwana bɛyilazia minwiinzan blɛn bli é dan fli lɛ, yé é dan bɔra lɛ guli danle we gi yirinwana bɛbolazia minwiinzan va. É dan sunyanu gu blɛn zén lɛ ékeva yé yirinwana bɛbolazia minwiinzan blɛn lé sunyanu é dan vo lɛ a lee.

Daniɛl 11:5

Yirinwana bɛyilazia tɛrɛ nwiinzan blɛn é dan plɛplɛ ye lɛ. Naa, a bɛgizan do zé plɛplɛ é dan gié lɛ azé ta. ’Bɛ é dan pla lɛ munu nwiin. ’Bɛ lé plale mi nwiin é dan kɛlɛ lɛ plɛplɛ.

Daniɛl 11:8

Yé minwiinzan blɛn lé balenu koo, alé miyili selelenu koo, alé fɛwezannu lé ke gɔɔlifu valé kyan nya koo, é dan wo si lɛ yé é go wo nya Éjipiti tɛrɛ la. Yé é dan vo lɛ ana mi lɛɛ kenu nya, ’té é a é sile yirinwana bɛbolazia minwiinzan blɛn ma baa.

Zakari 6:6

Wisoo tinu lé wo polu ke é dɔle goro do ma bɛ, wo yara dɔ yirinwana bɛbolazia tɛrɛ vazia, ’té a funu éé goo wo zuo; a zorozowisoonu ’wo yara dɔ yirinwana bɛyilazia tɛrɛ vazia.

Wegɔɔnle 17:14

Wo dan guli dan lɛ ’Blané va, yé ’Blané é dan wo kele lɛ; é a Mizannuzan nya yé é a minwiinzannu Nwiinzan nya, azama. Yé a vamunu lé é wo laa, ’té é wo si a va, ’té woo yara paan we la bɛ, ’bɛnu é dan wo kele lɛ é ziin.