Daniɛl 11:6 - Kazambale lé Sebe Sauunu 1979

⁶ Lɛɛ kenu giéle zuo, wo dan wo gi pa lɛ do, yé yirinwana bɛyilazia tɛrɛ nwiinzan blɛn lu é dan da lɛ yirinwana bɛbolazia tɛrɛ nwiinzan blɛn va, wo vole drɔɔ ékeva we gi. Naa, ’bɛ ’ka voo plɛplɛ yifaama lo, yé é ’ka dan dɔ lɛ wo ma lo; wo dan yee le pa lɛ munu lee, yee koo, a vamunu koo, a ti koo, mi lé é bɔ a va ’bɛ bléyi va, ’bɛ koo, wo nya.

Daniɛl 11:6 ပူးပေါင်းရင်းမြစ်များ

JOB (Job) 38:15

Maa fɛnafu si mi nyanénu ta, Yé wo bɛ lé wa nwaan an ma, maa yéli. I ’bɛ gi dɔɔ?

Lɛrɛvɔ Sɛbɛ 10:5

Yifaama a kɛlɛwenu nyian é wo, Ilé weblelenu a a ma baa, é ’ka wo gi maan lo, É ’ka é nyanézannu yé we do nya lo.

Ézékiɛl 30:21

Blami be, maa Éjipiti nwiinzan blɛn Faraɔn bɛ yéli, yé wo ’ka lia pa lɛ a ma a bélile we ma lo; wo ’ka sɔbɛ vuru lɛ a ma a dɔle é ke ’léé we ma yé é dɔ plɛplɛ yé é gwɔun duun é ziin a nya lo.

Daniɛl 11:13

Naa, yirinwana bɛbolazia minwiinzan blɛn é dan da lɛ yé sunya gu blɛn lé wo di mini a vininzannu ta, é dan wo zén lɛ ékeva. Lɛɛ kenu giéle zuo, dé yi do bɔ, é dan nwa lɛ yé é go guli ma sunya gu blɛn nya é va, ’té gulidanfɛnu kiɛre a a lee.

Daniɛl 11:15

Yirinwana bɛbolazia minwiinzan blɛn é dan go lɛ é ’lɛ, é dan tɛrɛ zun dɔ lɛ, yé é dan fla plɛplɛnu si lɛ. Yirinwana bɛyilazia sunyanu valé mi nwiinzan blɛn tɔzannu ’ka dan dɔ lɛ wo ’lɛ lo, plɛplɛ é dan nyaa lɛ wo lee, azama.

Daniɛl 11:40

A nyaabléyi va, yirinwana bɛyilazia minwiinzan blɛn é dan ’wii lɛ a ta. Yé yirinwana bɛbolazia minwiinzan blɛn é dan ’wii lɛ a ta gulidangoronu koo, wisootasunyanu koo, ’yitagoro kiɛrenu koo, wo nya, bélé fu plɛplɛ éé giéan fɛan zo, a zo. É dan bié lɛ baa tɛrɛnu va tɛrɛ zima ta. É dan sɔɔla lɛ fɛfaana bélé ’yiyoro lé éé bɔraan bwi la, a zo.

Daniɛl 11:7

A gɔn do é dan bɔ lɛ a suni ma a pa gi. É dan da lɛ sunyanu va, yé é dan wɔra lɛ yirinwana bɛbolazia minwiinzan blɛn lé guliyɔɔkɔnnu gi, yé wean é sɔ a lɛ é dan a kɛlɛ lɛ ’bɛ lɛ, yé é dan ébo kɛlɛ lɛ plɛplɛ.

Zakari 11:16

Naa, maa dan mipazan dɔ bɔra lɛ é ziin tɛrɛ ’ko la, yé ’blanu lé wo ke zamaga wona, é ’ka dan wo gi bɔrɔ pa lɛ lo; é ’ka dan go lɛ ’bla boronénu nagini lɛ lo, yé é ’ka dan a tuozannu tuona paa lɛ lo, yé é ’ka dan a plɛplɛnu mawe kɛlɛ lɛ lo; naa, é dan a nyɔnɔzannu wi ble lɛ, yé é dan wo wi kini lɛ ékema fɔɔ yé é bɔ wo sɔnéwɔlɛ ma.