Daniɛl 11:45 - Kazambale lé Sebe Sauunu 1979

⁴⁵ É dan élé fua sɔkɔnnu dɔ lɛ wɛyinu méléna, gɔ tɔbɔle lé é ke plɛplɛ, a vazia. É dan bɔ lɛ ézé ’wuo plana, ’té a bɔavazan ’ka lo.

Daniɛl 11:45 ပူးပေါင်းရင်းမြစ်များ

Lɛrɛvɔ Sɛbɛ 48:2

Gakelebale a blɛn, yee lé wa tɔ zin fé yifaama, Kolé Bale lé fla, ’té é ke gɔblɛn sauun nwiin bɛ, ana.

Ézai 10:12

Naa, dé Mizan élé we kɛlɛle faa lɛ sɔɔ Siɔn gɔ nwiin koo, Jérusalɛm koo, wona faa, maa dan we lɛdɔ lɛ Asirinu nwiinzan blɛn gi, a kɛlɛwenu lé alé boblɛn a nagɔɔn a lɛ, wo ma, ’bɛ valé alé mi naginile é yuɛ zuo nya.

Ézai 11:9

Wo ’ka dan wenaané kɛlɛ lɛ anlé gɔ sauun faa nwiin lo, Yé wo ’ka dan fɛ sɛrɛ lɛ ana lo; Naa, Gakelebale dɔɔle é dan tɛrɛ ta sɔɔla lɛ, Bélé ’yi éé wɛyi wɔlɛ ma sɔɔlaan fɛan zo, a zo.

Ézai 14:13

I lé i bli gi léé: Maa dan go lɛ lai, maa dan anlé fuablin dɔra lɛ Bale lé monénénu ta loru; maa dan nyana lɛ munu zén ékeva gɔ nwiin yirinwana bɛbolazia glɛ la.

Ézai 2:2

Dé bléyi voéla bɔ, Gɔ lé Gakelebale lé kɔn ke a nwiin, Alé we é dan mini lɛ gɔblɛnnu ta, Yé a tɔ é dan mini lɛ gɔpanénu lɛ, Yé bɛnnu faa é dan yoro lɛ a vazia.

Ézai 27:13

A yi la, wo dan béli blɛn fɛn lɛ, yé munu lé wo vo lu la Asiri tɛrɛ la, ’bɛ valé munu lé wo yɔɔ Éjipiti tɛrɛ la, wo dan da lɛ yé wo dan dia lɛ ’wo bli la Gakelebale ’lɛ, gɔ sauun nwiin, Jérusalɛm.

Ézai 65:25

Glau valé ’blané é dan lu ble lɛ ékeva. Golizra é dan lu ble lɛ bélé diri zo, yé méné é dan vun ble lɛ. Wo ’ka dan fɛ tuo lɛ lo, yé wo ’ka dan fɛ sɛrɛ lɛ lo anlé gɔ sauun faa nwiin. Gakelebale ɛ fe.

Ézai 66:20

Wo dan ka bwenu faa si lɛ bɛnnu faa va, yé wo dan da lɛ wo nya Gakelebale lé blɛfɛ nya; wo dan da lɛ wisoonu ta, wo dan da lɛ goronu valé sélinu gi; wo dan da lɛ wi lé wa laama mulɛ, a ta, ’bɛ valé nyɔgɔménu ta, yé wo da anlé gɔ sauun va Jérusalɛm. Izraɛl lé munu woo dan balebanfɛnu nya fɛan zo, kana gibɔle gi Gakelebale lé kɔn gi, a zo lé wo dan da lɛ. Gakelebale ɛ fe.

Ézékiɛl 39:2

Maa dan i gana lɛ yé maa go i nya; maa dan i biéra lɛ yirinwana bɛbolazia tɛrɛ glɛ mun la, yé maa dan go lɛ i nya Izraɛlnu lé gɔ blɛnnu ta.

Daniɛl 11:16

Mian é nwaa a ma guli nya, dé wean sɔ a lɛ, éé a kɛla ’bɛzan lɛ. Yé mi do kpen ’ka dan dɔ lɛ a ’lɛ lo. É dan dɔ lɛ tɛrɛnu va tɛrɛ zima ta, yé munu lé wo vɔ a lee, é dan wo gyɛ lɛ.

Daniɛl 11:41

É dan wɔra lɛ tɛrɛnu va tɛrɛ zima ta, yé é dan mi kiɛre gyɛ lɛ; naa Édom munu koo, Moab munu koo, Amɔn munu tɔzannu koo, wo dan so lɛ a lee.

Daniɛl 11:44

Wenu lé wo bɔ yirinwanazia valé yirinwana bɛbolazia dé é wo zuo ’ma, di é dan kini lɛ a gi, yé é dan go lɛ bliflile blɛn nya mi kiɛre sɛrɛle valé wo kulu gale we ma.

Daniɛl 2:35

Kele tɔɔn, foliɛwɔlɛ koo, bɔtɛrɛ koo, zéné koo, gɔɔlifu koo, kyan koo, wo faa wii ékeva, yé wo kɛlɛ bélé ’sapun lé éé sié ’sa sunwona yiri bi bléyi va, ’té fu éé goo a nya, a zo. Yé wo ’ka wo pagi do kpen ye lɛ é dɛrɛ lo. Naa, gɔlɛ lé é duun miyili lɛ, é kɛlɛ gɔ blɛɛn lé é tɛrɛ faa fan, a nya.

Daniɛl 7:26

’Bɛ zuo we ble bléyi é dan bɔ lɛ, yé wo dan alé plale mi nwiin si lɛ a lee, yé wa sɛrɛ tata, yé wa yi ga lɛɛfaama.

Daniɛl 8:25

A bɛ ma kɛlɛle néné valé alé dabli kɛlɛle nyian wole lé we ma, a bli é dan fan lɛ bo blɛn wenu nya, yé munu lé wo ke é nyanale drɔɔ, é dan wo kiɛre gyɛ lɛ za ma, yé é dan nwa lɛ minwiinzannu nwiinzan ma; naa, é dan ’wii lɛ, dɔlé ’té mi do ’ka we do kɛlɛ lɛ a lɛ lo.

Daniɛl 9:16

Mizan, ilé bliflile valé i wɛwɛ dɔle ’é si ilé fla Jérusalɛm valé ilé gɔ plɛplɛ ma ma, i nyanai zénle blɛn yɛrama. Naa, kolé wenyanénu valé ko tranu lé weplenu kɛlɛle ma lé Jérusalɛm valé ilé munu kɛlɛ serelebomazannu nya munu faa lé ke wo zi, wo yuɛ gi.

Daniɛl 9:20

An vo wefena ’té an bazoroan, yé anlé wenyanénu valé anlé munu Izraɛl munu lé wenyanénu fe, yé maa anlé zanté vɔ Gakelebale anlé Bale lɛ, anlé Bale lé gɔ plɛplɛ lé we ma.

Joɛl 2:20

Ka nyanézan lé éé sié yirinwana bɛbolazia, maa dan a bin lɛ ka ma baa, Maa dan a bin lɛ yé é go tɛrɛ lé a nyɔnɔ ’ka lo, ’té mi do kpen ’ka ana lo, ana. Maa dan alé gulizilɛzannu bin lɛ fɔɔ yé wo bɔ yirinwanazia wɛyi va; Maa dan zi zuo sunyanu bin lɛ é ziin fɔɔ, yé wo bɔ yirivɔnazia wɛyi ta; Wo gin é dan nwɛɛn lɛ, Yé wo goi é dan sɔɔla lɛ fɛfaana; Wo we blɛnblɛnnu kɛlɛ, azama.

Misé 4:2

Bɛn gunu é dan go lɛ ana, yé wo dan a fe lɛ léé: ’Ka da, kaa go Gakelebale lé gɔ nwiin; Kaa go Jakɔb lé Bale lé kɔn gi, Yé é élé zi ta tawole paa kaa gi, Yé kaa tawo alé zinu ta. Naa, bélidɔwe é dan si lɛ Siɔn Yé Gakelebale dére é dan si lɛ Jérusalɛm.

Zakari 14:8

’Bɛ yi la, ’yi zin é dan si lɛ Jérusalɛm, yé a lɛ do é dan yoro lɛ yirinwana wɛyi vazia, yé a lɛ do é dan yoro lɛ yirivɔna wɛyi vazia. É dan kɛlɛ lɛ a zo lɛɛdabléyi valé yiribibléyi va.

Mi Nɔnɔle 34:5

a péli sia Asimɔn yé éé nɔlaan fɔɔ yé é bɔ Éjipiti lé ’yiyoro plɛplɛ ma, yé é bɔ wɛyi ma.

2 Tɛsalɔnik munu 2:4

É a mi nyanézan nya. É léé, fɛ faa lé wa laama Bale, é valé fɛ faa lé munu a bɔa, ’é a wo nwiin, fɔɔ yé é nyana Balebangikɔn gi, ’té é ébozen laama Bale.

2 Tɛsalɔnik munu 2:8

’Bɛ zuo, yee Bale lé zi ma wenyané fezan é dan bɔra lɛ, mian Mizan Jézu é dan a sɛrɛ lɛ é ’léé fu nya, yé é dan a kulu ga lɛ é dale lé san nya bɛ, yee lé.

Wegɔɔnle 13:10

Dé mian a go yara lé luu gi, ’bɛzan é dan go lɛ luu gi; dé mian a ga gwɔun ’léé yara lé, é a lé ’wo ’bɛzan gyɛ gwɔun nya. Fɛkona lé Kazambale lé munu ’wolé yara pale we la valé ’wolé blipale nagɔɔn‐an.

Wegɔɔnle 20:2

É dragɔn kun, méné kwa lé é ke yonufaatagɔné valé Satan nya, é a kun, yé é a yere lɛɛ wuru soru zé nya.

Wegɔɔnle 20:9

Yé wo gié tɛrɛ faa ta, yé Kazambale lé munu nyanana valé fla lé é sɔ Bale lɛ, wa zi lɛ sɔɔ, naa, kyɛ si la gi yé é wo ble.