Daniɛl 11:40 - Kazambale lé Sebe Sauunu 1979

⁴⁰ A nyaabléyi va, yirinwana bɛyilazia minwiinzan blɛn é dan ’wii lɛ a ta. Yé yirinwana bɛbolazia minwiinzan blɛn é dan ’wii lɛ a ta gulidangoronu koo, wisootasunyanu koo, ’yitagoro kiɛrenu koo, wo nya, bélé fu plɛplɛ éé giéan fɛan zo, a zo. É dan bié lɛ baa tɛrɛnu va tɛrɛ zima ta. É dan sɔɔla lɛ fɛfaana bélé ’yiyoro lé éé bɔraan bwi la, a zo.

Daniɛl 11:40 ပူးပေါင်းရင်းမြစ်များ

Ézai 21:1

Balelawe lé Ézai a fe wɛyi bwi lé we ma, yee lo. Fu plɛplɛ si yirinwana bɛyilazia fɛan zo, a zo lé nyanézan si kanazénmigi bwi la.

Ézai 5:28

Wolé sawɔlɛnu lɛ ma a é bole yé wo faa a sa ganana; wolé wisoonu sɔnéwɔlɛnu a bélé gɔlɛ zo yé wolé goro ganenu a bélé barikoko zo.

Ézai 66:15

Ka yua, Gakelebale a dana kyɛ gi; alé goro a bélé barikoko zo; alé bliflile a bélé kyɛnyɛ zo; alé bon‐ɛnle?-?nu a bélé kyɛnɛnɛ zo.

Jérémi 4:13

Ka ye, fɛsɛrɛzan a biéna bélé lafunu zo; alé gulidangoronu a bélé barikoko zo; alé wisoonu éé vlan sié é mini gola sile ta; we tɔntɔn bɔ ko ma, naa, wo ko sɛrɛ tata.

Ézékiɛl 38:4

Maa dan i biéra lɛ, yé maa dan kɔ vɔ lɛ i puo gi. Maa dan bii valé ilé sunyanu faa bɔra lɛ a gi. Wa wisoonu valé wotazannu lé wo ke é ’lɛrɛle kaii, wo nya; wa mi gu blɛn lé botakuunfɛ kiéné valé a blɛnnu ke wo lee, ’té woo faa éé gwɔun li kɛla, wo nya.

Ézékiɛl 38:9

I dan nwa lɛ wo ma, i dan bié lɛ wo ma bélé fu plɛplɛ zo, i dan kɛlɛ lɛ bélé lati lé é bié tɛrɛ sɔnɔ, a zo, bii valé ilé mi palunu faa koo, é valé mi ’léé kiɛre lé wo ke i va koo, wo nya.

Daniɛl 11:10

A benu é dan sunyanu kiɛre zén lɛ ékeva yé wo go guli dan; wo vazan do é dan kɛlɛ lɛ wo ’lɛzan nya; é dan sɔɔla lɛ fɛfaana bélé ’yiyoro lé éé bɔraan bwi la, a zo, yé é dan da lɛ é pa gi, yé wo dan guli dan lɛ fɔɔ yé wo bɔ yirinwana bɛyilazia minwiinzan blɛn lé guliyɔɔkɔn plɛplɛ ma.

Daniɛl 11:11

Yirinwana bɛyilazia minwiinzan blɛn bli é dan fli lɛ, yé é dan bɔra lɛ guli danle we gi yirinwana bɛbolazia minwiinzan va. É dan sunyanu gu blɛn zén lɛ ékeva yé yirinwana bɛbolazia minwiinzan blɛn lé sunyanu é dan vo lɛ a lee.

Daniɛl 11:13

Naa, yirinwana bɛbolazia minwiinzan blɛn é dan da lɛ yé sunya gu blɛn lé wo di mini a vininzannu ta, é dan wo zén lɛ ékeva. Lɛɛ kenu giéle zuo, dé yi do bɔ, é dan nwa lɛ yé é go guli ma sunya gu blɛn nya é va, ’té gulidanfɛnu kiɛre a a lee.

Daniɛl 11:22

Sunyanu é dan nwɛɛn lɛ yé wo ta é dan saan lɛ yé wo sɛrɛ tata, ’wo valé Bale lé gipawe ’lɛzan do nya.

Daniɛl 11:25

É dan kɛlɛ lɛ sunyanu gu blɛn ’lɛzan nya yé dé élé plɛplɛ valé élé nyana wɔra é ’wuo gi é dan nwa lɛ yirinwana bɛyilazia minwiinzan blɛn ma. Yé yirinwana bɛyilazia minwiinzan blɛn é dan zén lɛ gulidanle va, ’é valé élé sunyanu kiɛre plɛplɛ nya. Wo dan wo bɔn‐in naanénu bɔrɔ lɛ ’bɛ ma, amalé ’bɛ ’ka dan dɔ lɛ a ’lɛ lo.

Daniɛl 11:35

Wedɔɔmunu va mi kenu é dan dia lɛ léé, wo kɛlɛ wéiin, wo kɛlɛ sauun, yé wo gi é bɔ fɔɔ yé bléyi voélazan é bɔ, naa, é ’ka dan bɔ lɛ lo, fɔɔ bléyi lé Bale a dɔ, ’té é bɔ é wo.

Daniɛl 11:39

Bɛnnu lé bale ’ko pli zi lé é dan we kɛlɛ lɛ fɛna plɛplɛnu ma, yé munu lé wa ye wo yuɛ gi mi nya, é dan wo tɔ bɔ lɛ yé é wo pla mi kiɛre nwiin; é dan wo banwo lɛ tɛrɛnu nya.

Daniɛl 11:7

A gɔn do é dan bɔ lɛ a suni ma a pa gi. É dan da lɛ sunyanu va, yé é dan wɔra lɛ yirinwana bɛbolazia minwiinzan blɛn lé guliyɔɔkɔnnu gi, yé wean é sɔ a lɛ é dan a kɛlɛ lɛ ’bɛ lɛ, yé é dan ébo kɛlɛ lɛ plɛplɛ.

Daniɛl 12:4

Bii Daniɛl, ’i dérenu ’ko tadɔ yé ’i sɛbɛ ’ko ’léé béé fɔɔ yé bléyi voélazan é bɔ. Mi kiɛre é dan a ta fe lɛ, yé wedɔɔle gi é dan gyɛ lɛ.

Daniɛl 12:9

É a zi pa léé: Daniɛl, ’i go. Naa, dére ’konu é dan vo lɛ ana é yɔɔle ’kyɛ, ’té wo ’léé a é bééle fɔɔ yé a nyaabléyi é bɔ.

Daniɛl 8:17

É da an va, fɛana lé an ke é é dɔle, ana. Dé é bié, di blɛn kini an gi yé an dia an bli la. Yé é lé an lɛ léé: Blami be, ’i we ’ko ’ma ma; naa, yuɛziwe ’ko a bléyi voéla we nya.

Abaku 3:14

I ko nyanézannu nwiinzannu ’wuo fɔn‐o ilé sawɔlɛnu nya, Wo lé, woo vlanburuwo bélé fu plɛplɛ zo ko fwilale we ma, ’Té woo siaan ginanale nya Bélé fɛan zo lé wa wenaanébɔmazan wi blena tɛkɛ ’wo yɔɔna, a zo, woo lé.

Zakari 9:14

Gakelebale é dan bɔra lɛ wo ta loru Yé alé sawɔlɛ é dan go lɛ bélé lɛɛ yuɛwuovɔle zo; Mizan Gakelebale, é dan béli fɛn lɛ, É dan bié lɛ barikoko plɛplɛ lé éé sié yirinwana bɛyilazia, a gi.

Wegɔɔnle 16:12

A suiɛdozan ’élé kana gi bliflile zén Yufrat yuu blɛn va. Yé yee yuu béli, zi plale minwiinmunu lé wo si yirinwanazia, wo ’lɛ we ma.

Wegɔɔnle 9:16

Maa gulidanmunu va wisootazannu ’léé ’ma; wo ’léé a mi baa é baa yɔ fié wɔlɛ vu.