Daniɛl 11:4 - Kazambale lé Sebe Sauunu 1979

⁴ A kɛlɛle blɛn zuo, alé plale mi nwiin é dan sɛrɛ lɛ, yé a gi é dan bɔi lɛ lagi fu ziɛn vazia. É ’ka dan kɛlɛ lɛ a kulunu zé nya lo, yé alé plɛplɛ ta é dan zana lɛ. Naa, wo dan a kini lɛ ékema, yé é dan kɛlɛ lɛ mi bɛnu zé nya.

Daniɛl 11:4 ပူးပေါင်းရင်းမြစ်များ

Lɛrɛvɔ Sɛbɛ 39:6

Bé ye, i anlé yinu nɔ an lɛ, wa bélé an bɛlaa nya do zo, Yé anlé vole é yuɛma ’ka fɛ do kpen nya i yuɛ gi lo. Iin, mi faa lé wo ke é dɔle loru, wa fu fɛɛle do nya. Ka ye do.

Bale Lé We Gifezan 4:8

Mi do a é do, ’té a lele do kpen ’ka lo; a be ’ka lo, yé a bwe ’ka lo, duowo alé nyanama ’ka nyaan lo, yé fuafɛnu ’ka a kaan lo. De lɛ lé an ke nyanama pana, yé an gi nanale nyané kɛla anboen lɛɛ? ’Bɛ a é ziin boawe valé wenaané nya.

Jérémi 12:15

Naa, dé maa wo si ana faa, ’bɛ zuo an nyanai é dan zén lɛ wo ta é ziin, yé an dan da lɛ wo faa nya wolé tɔnɔyefɛna do do, wolé tɛrɛ la do do.

Jérémi 12:17

Naa, dé wo ’ka ’wo tɔné dɔ lɛ we do lɛ lo, maa dan ’bɛ zoɛ bɛn kulu ga lɛ; maa dan wo kulu ga lɛ, yé maa wo gyɛ za ma. A zo lé Gakelebale a fe.

Jérémi 18:7

Yi ke nya an we fé, dé migɔnɔ do léé, dé bɛn do léé, wolé we ma, léé, ’wo wo si ana, ’wo wo gyɛ, ’wo wo kulu ga.

Jérémi 31:40

Gɔ worona lé ke fɛ galenu valé kyɛyee vulina, ’bɛ faa koo, féinu faa lé woo goo fɔɔ yé wo bɔ Sédrɔn ’yiyoro ma, fɔɔ yé é bɔ flagɔrɔ ’léé lé wa laama wisoonu, a ma, yirinwanazia, ’bɛ faa koo, wo dan fɛkonanu kɛlɛ lɛ Gakelebale zé nya, yé wo ’ka dan wo sɛrɛ lɛ lo; wo ’ka dan wo guru zana lɛ a gi lo.

Jérémi 45:4

Bé fe Baruk lɛ léé: Gakelebale léma: Bé ye, fɛ lé maa a dɔ, maa dan a sɛrɛ lɛ, yé fɛ lé maa a suru, maa dan a soowɔla lɛ, ’bɛ gi léé, tɛrɛ ’ko faa lé.

Jérémi 49:36

Fu ziɛn lé woo sié la glɛ sina ziɛnna, maa dan wo laa lɛ Élam munu ma. Maa dan wo faa kini lɛ ékema fu ’konu nya, yé Élam munu lé wo fwi, bɛn lé wo ’ka dan bɔ lɛ a gi lo, ’bɛ bɛn ’ka lo.

Ézékiɛl 37:9

É lé an lɛ léma: ’I balelawe fe, ’i we fe léli lɛ. Blami be, ’i balelawe fe, yé bé fe léli lɛ léma: Mizan Gakelebale léma: Léli, ’i si fu ziɛn gi, ’i fu fɛɛ mi gale ’konu ta, yé ’wo nwa é yuɛma é ziin.

Daniɛl 7:2

Daniɛl wefele péli sia yé é léé: Yuɛziwenu lé maa wo ye é béli, maa a wo naginina aan wo, yé bé ye, lagi fu ziɛn wɛyi blɛn nwa fiaa.

Daniɛl 7:6

’Bɛ zuo maa a naginina, yé an wi yaazan ye; é a bélé kua zo, yé a bɛa ziɛn a é dɔle a lala bélé miané zé zo. Wi ’ko ’wuo a ziɛn, yé wo plale mi nwiin se kɛlɛ a lɛ.

Daniɛl 7:8

An vo a bélinu naginina, yé a béli kiéné do bɔra é ziin a bélinu méléna, yé wa béli yaa so a béli kiéné ’ko ’lɛ; yé a yuɛ a bélé blami yuɛ zo, yé a ’léé a we blɛnblɛn fe ’léé nya.

Daniɛl 8:22

A béli ziɛn lé wo bɔra a béli blɛn lé é yéli, a pa gi bɛ, wa bɛngɔnɔ ziɛn lé wo dan nwa lɛ bɛntɛrɛ ’ko la, wo nya; naa, wozé plɛplɛ ’ka bélé a vininzan zé zo lo.

Daniɛl 8:8

Boligɔné lé plɛplɛ gi gyɛ é baba, naa, dé alé plɛplɛ lɛ sɔɔ, a béli blɛn yéli. Yé a béli blɛn ziɛn bɔra a pa gi, yé wo yara dɔ fu sina ziɛnna.

Zakari 2:6

Gakelebale léé: ’Ka fwi, ’ka fwi yirinwanazia tɛrɛ la. Naa, maa ka fwila fu sina ziɛn na. A zo lé Gakelebale a fe.

Zakari 6:5

Lanje a zi pa an lɛ léma: Lagi fu ziɛnnu lé woo bɔraan fɛana lé wo ke é dɔle Tɛrɛfaazan ’lɛ ana bɛ, wo lé.

Matio 12:25

Jézu wo gi bɔrɔle dɔɔ yé é lé wo lɛ léma: Tɛrɛ faa lé, alé munu ke é kinile ékema, éé voo é ’bin nya, yé dé é a fla nyaoo, dé é a kɔn nyaoo, dé a gimunu kini ékema, wo ’ka dan vo lɛ ana lo.

WENÉNÉ LÉ LUK A GYE (Évangile selon Luc) 12:20

Naa, Kazambale lé a lɛ léé: ’Tugyɛzan, kyɔ é béli ’ko, maa dan i laa lɛ; yé fɛnu lé i wo tadɔ bɛ, wo dan kɛlɛ lɛ de ɛ zé nyaa?

Wegɔɔnle 7:1

’Bɛ zuo, maa lanje ziɛn ye é dɔle tɛrɛ sun ziɛn ta; wo kun tɛrɛ la fu ziɛn ma, té fu ’é gié tɛrɛ koo, wɛyi koo, yilinu koo, wo ma lo we gi.