Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Daniɛl 11:36 - Kazambale lé Sebe Sauunu 1979

36 Wean é sɔ minwiinzan blɛn ’ko lɛ, yee lé é dan a kɛlɛ lɛ. É dan nwa lɛ, é dan ébo tɔ pla lɛ balenu faa tɔ nwiin, yé é dan sɔnɔ dére fe lɛ balenu lé Bale ma; a bɛ ma é dan kɛlɛ lɛ néné fɔɔ yé bliflile lɛ é sɔɔ. Naa, wean wa kɛlɛle béli dɔ, a lɛ é dan sɔɔ lɛ.

အခန်းကိုကြည့်ပါ။ ကော်ပီ




Daniɛl 11:36
47 ပူးပေါင်းရင်းမြစ်များ  

’Ka balenu lé Bale tɔ zin fe, Naa, a nyanai éé zén‐é yifaama.


We faa lé bɛnnu woo gi daan a ma, Gakelebale a gi sɛra, Éé migɔnɔnu bɔngiwenu gi sɛra tata;


Mi ’wuogibɔrɔwenu a di, naa, Gakelebale zé ’wuogibɔrɔwe ɛ a lɛ sɔɔan.


Yé guruzanaagiwe lé é a fe léé, é dan a kɛlɛ lɛ kpɔ, Mizan, lai sunyanu lé Gakelebale, é dan a lɛ sɔɔ lɛ ana tɛrɛ faa la.


Naa, a bléyi vo sɛ yé we lɛdɔle ka gi é dan nyaa lɛ, ’bɛ zuo an bli é dan fli lɛ Asirimi ma, a kulu gale we ma.


Asiri munu, anlé blifli vlewɔlɛ, wenaané ’é kɛlɛ ka lɛ ma. Vlewɔlɛ lé ke a lee, é a anlé bliflile nagɔɔnfɛ nya.


I lé i bli gi léé: Maa dan go lɛ lai, maa dan anlé fuablin dɔra lɛ Bale lé monénénu ta loru; maa dan nyana lɛ munu zén ékeva gɔ nwiin yirinwana bɛbolazia glɛ la.


Maa dan nwa lɛ latinu ta loru, maa dan kɛlɛ lɛ bélé Loruzan zo.


Anlé munu, ’ka go kalé kɔn gi, ’ka kɔn lɛ tan ka zuo; ’ka yɔɔ bléyi sɛ nya, fɔɔ yé bliflile é gié.


Maa miyilibanna ma’lɛrɛ ana mɔn Tofɛt; a ma a é ’lɛrɛle Asirinu nwiinzan lé we ma. A guru a, yé a laala a blɛn yé maa kyɛ zén yee miyilibanna ta di; maa, Gakelebale, maa dan kyɛ vɔ lɛ a ’léé an flin fu nya bélé povun kyɛ blɛn zo.


We lé é dan bɔ lɛ, maa a lɛ kini tɛrɛ pélisia bléyi ’lɛ, Yé we lé a lɛ ’ka tan sɔɔ lɛ lo, maa a fe faa ’lɛ. Wenu lé maa fe léé, an gi dan a ma, é dan vo lɛ ana, Yé maa dan anlé blibɔmawe faa lɛ sɔɔ lɛ.


Ka goo nyɔnɔ nya minwiinzan blɛn va; kalé zianbla ginzannu bo bɔ. Ka munu nwunvɔa baa, ka goo kalé wenyané kɛlɛna fɔɔ yé kabo zun gamunu nyanana.


Blami be, bé fe Tii nwiinzan lɛ léma: Mizan Gakelebale léma: Ibo kɛlɛ blɛn yé i léé: Maa lé ke Bale nya; maa a é nyanale Bale nyanala blin ta, wɛyi méléna. Naa bii, i a blami nya; i ’ka Bale nya lo, yé ibo lé blibɔmawe yé Bale lé blibɔmawe nya.


Kalé wefedérenu nya lé ka nwa an ma; ka dérenu fe an ma kiɛre, maa a ’ma.


Mian é nwaa a ma guli nya, dé wean sɔ a lɛ, éé a kɛla ’bɛzan lɛ. Yé mi do kpen ’ka dan dɔ lɛ a ’lɛ lo. É dan dɔ lɛ tɛrɛnu va tɛrɛ zima ta, yé munu lé wo vɔ a lee, é dan wo gyɛ lɛ.


Yé minwiinzan blɛn nyanazan do é dan pla lɛ mi nwiin élé plɛplɛ blɛn nya, yé wɛan é sɔ ’bɛ lɛ, ’bɛ é dan a kɛlɛ lɛ.


A tranu lé balenu ’ka dan a yuɛ gi bɔ lɛ lo, yé bale lé é sɔ lomu lɛ, ’bɛ ’ka dan a yuɛ gi bɔ lɛ é ziin lo. Dé é a baleoo balean nya, ’bɛ ’ka dan a yuɛ gi bɔ lɛ lo, naa, é dan ébo tɔ pla lɛ tɔ faa nwiin.


Yé mi lé, lɛnsɔ ke a ta, ’té é ke é dɔle ’yi ta loru, maa a dére ’ma; yé é bɛyi valé é bɛbo nwa lagi zia, ’té Bale lé éé voo é yuɛma lɛɛfaama, a glɛ ’ka lo, éé a ’nyɔɔn‐an a tɔ nya yé é léé: É dan kɛlɛ lɛ lɛɛ yaa é buu giéle zuo ma. Yé dé Bale lé munu lé plɛplɛ faa nyaa tata bléyian va, yé we ’konu faa é nyaa.


Yé minwiinzan blɛn lé Daniɛl lɛ léé: Ilé Bale a balenu lé Bale nya, yé é a minwiinzan blɛn faa zan nya webozen nya. I we ’ko gi bɔra fɛan zo, ’bɛ gi léé, é bɔa we yɔɔlenu gi bɔrale lɛ.


Tɛrɛlamunu faa ’ka a yuɛ gi bɔa lo. We lé é sɔ a lɛ léé, éé a kɛla lai sunyanu valé tɛrɛlamunu lɛ, yé mian ’bɛ éé dɔa a lee plɛplɛ yé ’bɛ lé a lɛ léé: Mɛ fɛ lé bé kɛla bɛɛ? ’bɛzan do ’ka ana lo.


alé we ma lé bɛngɔnɔnu faa koo, bɛnnu koo, dére faa vɔmunu koo, woo kanaan a lee, ’té wo ma éé nyɔɔn‐an a ’lɛ. Dé é sɔ minwiinzan blɛn lɛ léé, é munuan wo gyɛ, éé wo gya; dé é sɔ a lɛ léé, é munuan vo é yuɛma, éé wo voo. Dé é sɔ a lɛ léé, é munuan wo tɔ nwa, éé a nwaan; dé é sɔ a lɛ léé, é munuan wo zun, éé wo zunwo.


Naa, bléyian va lé é bo kɛlɛ blɛn yé a yuɛ ma kɛlɛ plɛplɛ fɔɔ yé é blii boblɛn nya, wa zun gla nya élé webleblin ta, yé wo alé fua si a lee.


An vo a bélinu naginina, yé a béli kiéné do bɔra é ziin a bélinu méléna, yé wa béli yaa so a béli kiéné ’ko ’lɛ; yé a yuɛ a bélé blami yuɛ zo, yé a ’léé a we blɛnblɛn fe ’léé nya.


’Bɛ zuo é lé an lɛ léé: We lé é dan bɔ lɛ bléyi voélazan lé ke bliflibléyi nya, a nya, maa dan a paa lɛ i gi. Naa, wo bléyi do dɔ bléyi voélazan nya.


Yé maa a ye léé, ’blagɔné a winu gyɛna é bélinu nya, yirivɔnazia koo, yirinwana bɛbolazia koo, yirinwana bɛyilazia koo, wona, yé wi do kpen ’ka bɔa dɔle lɛ a ’lɛ lo, yé mi do kpen ’ka bɔa yee winu sile lɛ a lee lo. Wean é sɔ a lɛ, yee lé éé a kɛla, yé alé plɛplɛ gi gyɛ.


Naa, maa dan mipazan dɔ bɔra lɛ é ziin tɛrɛ ’ko la, yé ’blanu lé wo ke zamaga wona, é ’ka dan wo gi bɔrɔ pa lɛ lo; é ’ka dan go lɛ ’bla boronénu nagini lɛ lo, yé é ’ka dan a tuozannu tuona paa lɛ lo, yé é ’ka dan a plɛplɛnu mawe kɛlɛ lɛ lo; naa, é dan a nyɔnɔzannu wi ble lɛ, yé é dan wo wi kini lɛ ékema fɔɔ yé é bɔ wo sɔnéwɔlɛ ma.


Maa ’ka bɔa we do kɛlɛle lɛ anbo ’wuo gi lo. We lé maa a maan, a yɛrama lé maa we blé; yé maa ’ka anbo lé blibɔmawe kɛlɛna lo; naa, mi lé é an pa zia, alé blibɔmawe lé maa ke a kɛlɛna, bɛwemalé an we blé tegele.


An ’ka si lɛ la gi yé an da anbo lé blibɔmawe kɛlɛle we ma lo, naa, an si la gi yé an da, mi lé é an pa zia, alé blibɔmawe kɛlɛle we ma.


we lé bé kɛlɛ é kyɛn i bɛ valé ilé we dɔɔle nya, a yɛrama.


Naa, Gakelebale, kalé Bale a balenu lé Bale nya, é a mizannu Zan nya, é a Bale blɛn nya, é a Bale plɛplɛ valé mitadanmawe kɛlɛ Bale nya, yé é ’ka glɛ dɔa mi gi lo, yé é ’ka dɔa mi zuo mi leefɛ ma lo;


Dé mian é dabli gɔnɔ faa kɛlɛoo, té ka dɔ ’bɛzan lɛ lo. É a lé midiérabléyi é bɔ é vinin, yé mi ple lé é ke é sanle bɛ, é a lé wa ye bɔrana.


É a mi nyanézan nya. É léé, fɛ faa lé wa laama Bale, é valé fɛ faa lé munu a bɔa, ’é a wo nwiin, fɔɔ yé é nyana Balebangikɔn gi, ’té é ébozen laama Bale.


’Bɛ zuo, yee Bale lé zi ma wenyané fezan é dan bɔra lɛ, mian Mizan Jézu é dan a sɛrɛ lɛ é ’léé fu nya, yé é dan a kulu ga lɛ é dale lé san nya bɛ, yee lé.


Bale, Bale, Gakelebale, Bale, Bale, Gakelebale a gi dɔɔ, yé Izraɛl é dan a gi dɔɔ lɛ. Dé ko kɛlɛ nwale nya Gakelebale ma we gi, dé ko kɛlɛ tɔnégiplɛplɛ we nya Gakelebale ma, té é da bɔ ko va yi ’ko nya lo.


naa, lanje sɔrafiézan lé wefeyi nya, dé é béli fɛn, Kazambale lé weyɔɔle lɛ é dan sɔɔ lɛ, bélé fɛan zo lé é a fe é wuomunu balelayemunu lɛ, a zo.


Wo gola blɛn bɛa fié nɔ lezan lɛ, a sile we gi yé é go ’élé fɛna bwi gi méné lee baa, ana lé wo fɛblele nɔ a lɛ lɛɛ yaa é buu.


A zuo, an wi do ye sina wɛyi va, a béli a vu yé a ’wuo a sɔrafié, yé kyankoro vu a a bélinu ta, yé Bale sɔnɔ tɔnu a é gyɛle a wuonu ma.


We lé Kazambale ’é bɔn‐in dan a ma é kyɛn, é a pa wo bli gi léé, ’wa kɛlɛ, yé wo giwe ’é kɛlɛ do yé wo ’wolé bɛngɔnɔnu nɔ wi lɛ fɔɔ yé Kazambale dérenu lɛ é sɔɔ.


An si an pɔlɛ gi yé an nɔla miléli nya yé é go an nya bwi gi. Yé maa le do ye é nyanale wi sɔɔn lé é ke é fanle sɔnɔ tɔnu nya, ’té a ’wuo ke sɔrafié yé a béli ke vu, a ta.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ