Daniɛl 11:35 - Kazambale lé Sebe Sauunu 1979

³⁵ Wedɔɔmunu va mi kenu é dan dia lɛ léé, wo kɛlɛ wéiin, wo kɛlɛ sauun, yé wo gi é bɔ fɔɔ yé bléyi voélazan é bɔ, naa, é ’ka dan bɔ lɛ lo, fɔɔ bléyi lé Bale a dɔ, ’té é bɔ é wo.

Daniɛl 11:35 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 32:31

Naa, duowo, Babilɔn nwiinzannu ’wolé nwunvɔzannu pa a lɛ zia bléyian va, we blɛɛn lé é bɔ alé tɛrɛ la, a gi laale a lee we ma, Bale si a ma a gi danle we ma, yé we faa lé é ke a bli gi, yé ’é a gi dɔɔ.

Wegɔnévɔlenu 17:3

Fɛselebɔ a gɔɔlifu zé nya, yé bɔɔnwoli ’léé a kyan zé nya, naa, mi lé éé mi blinu gi daan, Gakelebale lé.

Ézai 27:9

’Bɛ zo lé Bale é dan Jakɔb lé wenyané ’yibo lɛ; a ma we vole alé wenyanénu ma tɔnɔ é dan kɛlɛ lɛ ’ko zo: é dan yobannanu lé gɔlɛnu kɛlɛ lɛ é vun nya; Asataté miyilinu valé yiribɔnu, wo ’ka dan nwa lɛ é dɛrɛ lo.

Daniɛl 11:27

Minwiinzan blɛn fié ’ko wo dan wo ’wuoi bɔrɔ lɛ wenaané kɛlɛle ma, yé wo dan viéwo lɛ wo ke lɛ fɛble pala do zi. Naa, ’bɛ nyian ’ka dan wo lɛ wo lɛ lo. Naa, a nyaabléyi lé Bale a dɔ, é ’ka dan nyaa lɛ ’bɛ bléyi ’lɛ lo.

Daniɛl 11:29

Dé bléyi do bɔ, é dan nwa lɛ yé é go guli ma é ziin yirinwana bɛyilazia munu ma. Naa, bléyi voéla ’ko nya, wenu ’ka dan kɛlɛ lɛ bélé é vinin zé zo lo.

Daniɛl 11:33

Yé wo va wedɔɔmunu é dan we paa lɛ mi kiɛre gi. Gwɔun koo, kyɛnɛnɛ koo, kɛlɛle luu nya koo, fɛ sile wo lee gla nya koo, é dan wo va mi kenu dia lɛ bléyi ke nya.

Daniɛl 11:40

A nyaabléyi va, yirinwana bɛyilazia minwiinzan blɛn é dan ’wii lɛ a ta. Yé yirinwana bɛbolazia minwiinzan blɛn é dan ’wii lɛ a ta gulidangoronu koo, wisootasunyanu koo, ’yitagoro kiɛrenu koo, wo nya, bélé fu plɛplɛ éé giéan fɛan zo, a zo. É dan bié lɛ baa tɛrɛnu va tɛrɛ zima ta. É dan sɔɔla lɛ fɛfaana bélé ’yiyoro lé éé bɔraan bwi la, a zo.

Daniɛl 12:3

Wedɔɔzannu é dan bi lɛ bélé lagi fuasan zo, yé munu lé woo we tegele paan munu gi, wo dan bi lɛ bélé lagi monénénu zo, bléyi faa ma, ’bɛ glɛ ’ka dɔa lo.

Daniɛl 12:4

Bii Daniɛl, ’i dérenu ’ko tadɔ yé ’i sɛbɛ ’ko ’léé béé fɔɔ yé bléyi voélazan é bɔ. Mi kiɛre é dan a ta fe lɛ, yé wedɔɔle gi é dan gyɛ lɛ.

Daniɛl 8:10

A béli kiéné ’ko nwa fɔɔ lai sunyanu va. É wo lɛ do dia tɛrɛ va, yé é monénénu lɛ do dia tɛrɛ va yé é wo zɔn é gane nya.

Daniɛl 8:17

É da an va, fɛana lé an ke é é dɔle, ana. Dé é bié, di blɛn kini an gi yé an dia an bli la. Yé é lé an lɛ léé: Blami be, ’i we ’ko ’ma ma; naa, yuɛziwe ’ko a bléyi voéla we nya.

Daniɛl 8:19

’Bɛ zuo é lé an lɛ léé: We lé é dan bɔ lɛ bléyi voélazan lé ke bliflibléyi nya, a nya, maa dan a paa lɛ i gi. Naa, wo bléyi do dɔ bléyi voélazan nya.

Daniɛl 9:27

Minwiinzan ’ko é dan gipawe gligli do kɛlɛ lɛ mi kiɛre va flɛyi do wuo. Yé flɛyi ’ko méléna, é dan saraka bole valé blɛ kɛlɛle yi ga lɛ. Fɛsɛrɛzan é dan bozowenu kɛlɛ lɛ fɔɔ yé a sɛrɛle valé wean wa ma’lɛrɛ azé nya, yé é bɔ a ma.

Abaku 2:3

Naa, é a balelawe lé a lɛsɔɔbléyi ke é dɔle é kyɛn, a nya; é a bɔna a ’wuoplana sɔnɔ, yé é ’ka dan vié wo lɛ lo. Dé é a mɔnna, bé tabɛn, naa, a lɛ é dan sɔɔ lɛ weboen nya.

Zakari 13:9

Maa dan a lɛ do ’ko vɔ lɛ kyɛ va, yé maa dan wo kɛlɛ lɛ tegele fɛan zo lé woo gɔɔlifu kɛla tegele, a zo, yé maa dan wo gi dan lɛ bélé kyan selele zo. Wo dan an tɔ laa lɛ, yé maa dan we lɛ wo lɛ. Maa dan a fe lɛ léé: Anlé munu lé, yé wo dan a fe lɛ léé: Gakelebale a kolé Bale nya.

Matio 16:17

Jézu lé a lɛ léé: Jonas be Simɔn, izé a néné. Mi pla ’ka ’bɛ gɔɔn lɛ i lɛ lo, naa, an Ti lé é ke la gi, yee ɛ a nagɔɔn i lɛ.

Matio 26:56

Naa, we ’konu faa bɔ, we lé balelayemunu a gyɛ Kazambale lé sɛbɛ gi, a lɛsɔɔle we ma. ’Bɛ zuo Jézu zuomunu si ’é zi vlan nya.

WENÉNÉ LE JAN A GYE (Évangile selon Jean) 15:2

An bɛ faa lé wo ke an ma yé wo ’ka baan lo, éé wo kinié an ma, yé an bɛnu faa lé woo baan éé wo ma bɔié yé wo va ’é kɛlɛ é sésé, wo taa baale é ziin wo ma we gi.

WENÉNÉ LE JAN A GYE (Évangile selon Jean) 20:25

Zuomunu pɔnénu lé a lɛ léé: Ko Mizan ye. Naa, é lé wo lɛ léé: Dé maa ’ka pɔnténu pagi ye lɛ a bɛlaanu ma lo, yé dé maa ’ka an bɛnwɔlɛ wɔra lɛ pɔnténu pagi lo, yé dé maa ’ka an bɛ wɔra lɛ a sɛe gi lo, maa do ’ka dɔa we ’ko ta monomono lo.

Kelewenu 13:13

Pɔl valé é bɔlunu vɔ ’yitagoro gi Pafo, yé wo go Pɛɛje, Panfili tɛrɛ la. ’Bɛna lé Jan si wo va yé é go Jérusalɛm é ziin.

Bélidɔwesɛbɛ Fiézan 8:16

mana lé ka tranu ’ka a dɔɔ lɛ lo, é a nɔ ka lɛ blefɛ nya bwi ’ko la, ka tuale valé ka gidanle we gi, yé ’bɛ zuo é wezin kɛlɛ ka lɛ; Gakelebale lé é ’bɛ wenu faa kɛlɛ, té ka gi é san a ma lo.

SEBE LÉ JAK A GYE (Épitre de Jacques) 1:2

An bwenu, wa ka gi danna bɛ faa ma fɛan zo bɛ, ka gi ’é nana a we ma ma.

Wegɔɔnle 14:15

Yé lanje do bɔra Balebangikɔn gi, yé é siaa dére plɛplɛ nya, mi lé é ke é nyanale lafu ta, a lɛ léé: Fɛgyɛbléyi bɔ, tɛrɛlafɛnu tana, bɛwemalé ’i kɔblané gié.

Wegɔɔnle 17:17

We lé Kazambale ’é bɔn‐in dan a ma é kyɛn, é a pa wo bli gi léé, ’wa kɛlɛ, yé wo giwe ’é kɛlɛ do yé wo ’wolé bɛngɔnɔnu nɔ wi lɛ fɔɔ yé Kazambale dérenu lɛ é sɔɔ.

Wegɔɔnle 2:10

Nyané lé i dan a ble lɛ, té i kana a blele ma lo. Bé ye, yonufaatagɔné é dan ka va mi kenu vɔ lɛ bokɔn gi ka gi danle we ma, yé ka dan nyané ble lɛ yi vu. ’I yara pa a ta fɔɔ yé i gayi é bɔ, yé maa dan vole é yuɛma nɔ lɛ i lɛ ilé tɔkoro nya.

Wegɔɔnle 7:14

Maa lé a lɛ léé: Anzan, bii ɛ ’bɛ gi dɔɔ. É lé an lɛ léé: Wa munu lé wo si nyané blɛn gi, wo nya; wo ’wolé sɔnu zuru ’Blané nyɛ nya yé wo kɛlɛ fu tata.