Daniɛl 11:33 - Kazambale lé Sebe Sauunu 1979

³³ Yé wo va wedɔɔmunu é dan we paa lɛ mi kiɛre gi. Gwɔun koo, kyɛnɛnɛ koo, kɛlɛle luu nya koo, fɛ sile wo lee gla nya koo, é dan wo va mi kenu dia lɛ bléyi ke nya.

Daniɛl 11:33 ပူးပေါင်းရင်းမြစ်များ

Daniɛl 12:10

Mi kiɛre é dan kɛlɛ lɛ sauun, yé wo gi é bɔ, yé wo kɛlɛ wéiin. Weplekɛlɛmunu é dan wenaané kɛlɛ lɛ, yé wenyané kɛlɛmunu va mi do kpen ’ka dan we ’ma lɛ lo. Naa, munu lé wo ’wuo ke wo ta, wo dan we ’ma lɛ.

Malasi 2:7

Balebanzannu a lai sunyanu lé Gakelebale lé nwunvɔzannu nya. Bale wo nwunvɔ léé, munu ’é wedɔɔle ’ma wo ’léé, yé ’wo bélidɔwe gi laa wo lee.

Matio 10:21

Mi é dan é zuané bɔra lɛ ga lɛ, yé mi é dan élé né bɔra lɛ ga lɛ; nénu é dan nwa lɛ ’wo yaamunu ma yé wo dan ’wo yaamunu gyɛ lɛ.

Matio 13:11

Jézu lé wo lɛ léé: Wa se kɛlɛ ka lɛ léé, ka Kazambale plale mi nwiin lé weyɔɔlenu dɔɔ yé wo ’ka ’bɛ se kɛlɛ lɛ wo lɛ lo, ’bɛzama.

Matio 20:23

É lé wo lɛ léé: Webozen lé, ka dan ’yi mini lɛ anlé kana gi, naa, nyanale an bɛyila valé an bɛbola, ’bɛ nɔle ’ka sié an va lo. An Ti é dan a nɔ lɛ munu lé é a tadɔ wozé nya, wo ɛ lɛ.

Matio 24:9

Yé wo dan ka pa lɛ munu lee, yé wo dan kle pa lɛ ka ta, yé wo dan ka gyɛ lɛ, yé an tɔ lé we ma lé bɛnnu faa é dan ka za pa lɛ.

Matio 28:20

yé we faa lé maa ka béli dɔ a nya, ’ka a ta tawole paa wo gi. Yé ka ye, maa a ka va yifaama, fɔɔ yé tɛrɛ la é nyaa a zo.

WENÉNÉ LE JAN A GYE (Évangile selon Jean) 16:2

Wo dan ka bɔra lɛ bazorokɔnnu gi; yé é ziin bléyi do é dan bɔ lɛ, ’bɛna dé miomian é ka gyɛ é dan dɔ lɛ a gi léé, ’é a Kazambale bɔna.

Kelewenu 11:26

É a ye aan wo é goan Antiɔs. Wo vo ’bɛna lɛɛ do; dé léglizigimunu zén ékeva ’té wa ’bɛnu va yé wo vo we paana mi kiɛre gi. Antiɔs lé wo zuomunu tɔ pa Krétiɛn é vinin.

Kelewenu 14:21

Wo wenéné fe aan wo ’bɛ fla la yé wo mi kiɛre ye Jézu zuomunu nya, wo nɔla yé wo go Lisitre koo, Ikonium koo, Antiɔs koo, wona é ziin.

1 Korent munu 4:9

É dɔ an gi léé, ko lé ko ke nwunvɔzannu nya, Kazambale ko kɛlɛ mi voélazannu nya bélé munu lé wo dan wo gyɛ lɛ, wo zo. Ko kɛlɛ zanagyɛmafɛ nya fɛyuɛmalenu faa yuɛ va, ’bɛ gi léé, lanjenu valé munu yuɛ va.

2 Timoté 1:12

Amalé maa a nyané ’konu blena, naa, yara ’ka an gyɛna lo. Mi lé an bli ke a lɛ, maa azan dɔɔ, yé maa a gi dɔɔ léé, we lé maa a bɛ pa a lee, é bɔalɛ léé, é yuɛ pa a va fɔɔ yé ’bɛ yi é bɔ. Bɛwemalé yara ’ka an gya lo.

2 Timoté 4:6

Naa, maa, an kɛlɛ saraka nya é kwakwa, yé an gobléyi bɔ é pu.

Ébrunu 11:34

wo kyɛ plɛplɛ diri; wo so gwɔun lɛzan lee; wo ’wo ma gyɛnu kele; wo kɛlɛ nyanazannu nya guli danna; wo bɛn bɛnu lé sunyanu bin.

Wegɔɔnle 1:9

Maa Jan, maa a ka bwe nya. Nyanéblele valé plale mi nwiin valé yara pale we la lé ko ye Jézu lé we ma, é a kaazé nya. Maa a Kazambale dére valé Jézu lé we fena, amalé wo an si yé wo an zun wɛyi worona tɛrɛ lé wa laama Patimɔ, a ta.

Wegɔɔnle 17:6

Yé maa le ’ko ye é gyɛlɛ Kazambale lé munu valé Jézu lé wenayemunu nyɛ nya bélé nwɛ zo. Maa a ye aan wo, an gi vuru é baba.

Wegɔɔnle 2:13

Maa i nyanana dɔɔ, yé maa a gi dɔɔ léé, ana lé Satan lé blin ke. An tɔ a i ’léé, yé yian nya lé wo anlé yarapawela wenayezan Antipas gyɛ ka va, fɛana lé Satan nyanana ke, ana, ’bɛ yinu nyaoo, i bli ’ka si lɛ anlé we lɛ duowo lo.

Wegɔɔnle 6:9

É zɔrɔkaanyɔɔ soruzan bɔi aan wo, munu lé wo wo gyɛ Kazambale dére valé wolé wenayedére fele ma, maa wo boennu ye balebanna wuo.

Wegɔɔnle 7:14

Maa lé a lɛ léé: Anzan, bii ɛ ’bɛ gi dɔɔ. É lé an lɛ léé: Wa munu lé wo si nyané blɛn gi, wo nya; wo ’wolé sɔnu zuru ’Blané nyɛ nya yé wo kɛlɛ fu tata.