Daniɛl 11:27 - Kazambale lé Sebe Sauunu 1979

²⁷ Minwiinzan blɛn fié ’ko wo dan wo ’wuoi bɔrɔ lɛ wenaané kɛlɛle ma, yé wo dan viéwo lɛ wo ke lɛ fɛble pala do zi. Naa, ’bɛ nyian ’ka dan wo lɛ wo lɛ lo. Naa, a nyaabléyi lé Bale a dɔ, é ’ka dan nyaa lɛ ’bɛ bléyi ’lɛ lo.

Daniɛl 11:27 ပူးပေါင်းရင်းမြစ်များ

2 Samuɛl 13:26

Abusalɔm léé: Dé i ’ka dan lo, ’i zi nɔ an bwe Aminɔn lɛ léé, ’é da ko va. Minwiinzan léé: Mɛmalé é goo i vaa?

Lɛrɛvɔ Sɛbɛ 12:2

Gakelebale, ’i an si we gi. Naa, Bale lé zi sɔlɛmunu ’ka ana é dɛrɛ lo; Wo ’ka yarapawelazannu yé blaminu méléna é dɛrɛ lo.

Lɛrɛvɔ Sɛbɛ 52:1

David lɛrɛ ’ko vɔle gɔɔn lɛrɛvɔzannu zilɛzan lɛ,

Lɛrɛvɔ Sɛbɛ 58:2

Ka volé é tadɔle nya lé ka we tegele kɛlaa? Blaminu, dé ka we blé ’bɛ zo, é a tegelee?

Lɛrɛvɔ Sɛbɛ 62:9

Migɔnɔnu, ’ka pa a ta bléyi faa va, ’Ka blinu faa nɔ a lɛ. Bale a ko yɔɔna nya. Ka ye do.

Lɛrɛvɔ Sɛbɛ 64:6

Woo bli ta dɔa plɛplɛ wo kɛlɛwe nyanénu gi; Woo bli kɛla do léé, ’wo san vɔ mi lee. Wo léé, de ɛ dan ko ye lɛɛ?

Wegɔnévɔlenu 12:20

Munu lé woo gi bɔrɔan wenyané nya, dabli a wo bli gi, naa, ginanale a munu lé woo vole drɔɔ we plaan mi lɛ, ’wozé nya.

Wegɔnévɔlenu 19:21

Mi ’wuogibɔrɔwenu a di, naa, Gakelebale zé ’wuogibɔrɔwe ɛ a lɛ sɔɔan.

Wegɔnévɔlenu 26:23

Bli naanézan lé a lɔlu ma ke néné, é a bélé gɔɔlifu bo lé wa giéan tɛrɛbɔ ma, a zo.

Ézékiɛl 17:9

Bé fe wo lɛ léma: Mizan Gakelebale léma: Dɔrɔyili ’ko, é dan vɔ lɛ a maa? Gola vininzan ’ka dan a soowɔla lɛ loo? É ’ka dan a poronu so lɛ yé é ga yé a lanu é ga loo? A soowɔlale ’ka dan kɛlɛ lɛ plɛplɛ valé mi kiɛre lé nyanama nya lo.

Daniɛl 10:1

Pɛɛs munu nwiinzan blɛn Sirus plale mi nwiin lɛɛ yaazan nya, wo we do gɔɔn Daniɛl lé wa laama Bɛlsatasaa bɛ, a lɛ. We ’ko a webozen nya. Yé we tɔntɔn blɛn lé é dan bɔ lɛ, é a nagɔɔn. Daniɛl we ’ko gi kuli, yé a gi kini yuɛziwe ’ko gi ’male we ma.

Daniɛl 11:28

É dan nɔla lɛ élé tɛrɛla fuafɛ kiɛre nya é lee; yé é dan dɔ lɛ gipawe sauun ma é bli gi. É dan we kɛlɛ lɛ a ma, ’bɛ zuo yé é dan go lɛ élé tɛrɛ la é ziin.

Daniɛl 11:29

Dé bléyi do bɔ, é dan nwa lɛ yé é go guli ma é ziin yirinwana bɛyilazia munu ma. Naa, bléyi voéla ’ko nya, wenu ’ka dan kɛlɛ lɛ bélé é vinin zé zo lo.

Daniɛl 11:35

Wedɔɔmunu va mi kenu é dan dia lɛ léé, wo kɛlɛ wéiin, wo kɛlɛ sauun, yé wo gi é bɔ fɔɔ yé bléyi voélazan é bɔ, naa, é ’ka dan bɔ lɛ lo, fɔɔ bléyi lé Bale a dɔ, ’té é bɔ é wo.

Daniɛl 11:40

A nyaabléyi va, yirinwana bɛyilazia minwiinzan blɛn é dan ’wii lɛ a ta. Yé yirinwana bɛbolazia minwiinzan blɛn é dan ’wii lɛ a ta gulidangoronu koo, wisootasunyanu koo, ’yitagoro kiɛrenu koo, wo nya, bélé fu plɛplɛ éé giéan fɛan zo, a zo. É dan bié lɛ baa tɛrɛnu va tɛrɛ zima ta. É dan sɔɔla lɛ fɛfaana bélé ’yiyoro lé éé bɔraan bwi la, a zo.

Daniɛl 8:17

É da an va, fɛana lé an ke é é dɔle, ana. Dé é bié, di blɛn kini an gi yé an dia an bli la. Yé é lé an lɛ léé: Blami be, ’i we ’ko ’ma ma; naa, yuɛziwe ’ko a bléyi voéla we nya.

Daniɛl 8:19

’Bɛ zuo é lé an lɛ léé: We lé é dan bɔ lɛ bléyi voélazan lé ke bliflibléyi nya, a nya, maa dan a paa lɛ i gi. Naa, wo bléyi do dɔ bléyi voélazan nya.

Abaku 2:3

Naa, é a balelawe lé a lɛsɔɔbléyi ke é dɔle é kyɛn, a nya; é a bɔna a ’wuoplana sɔnɔ, yé é ’ka dan vié wo lɛ lo. Dé é a mɔnna, bé tabɛn, naa, a lɛ é dan sɔɔ lɛ weboen nya.

Kelewenu 1:7

É a zi pa wo lɛ léé: Yinu valé bléyinu lé an Ti wo dɔ é boan, kalé we ’ka ’bɛ nya lo.

1 Tɛsalɔnik munu 5:1

Bwenu, é ’ka lé maa bléyinu valé yinu lé we gyɛ ka lɛ lo.