Daniɛl 11:16 - Kazambale lé Sebe Sauunu 1979

¹⁶ Mian é nwaa a ma guli nya, dé wean sɔ a lɛ, éé a kɛla ’bɛzan lɛ. Yé mi do kpen ’ka dan dɔ lɛ a ’lɛ lo. É dan dɔ lɛ tɛrɛnu va tɛrɛ zima ta, yé munu lé wo vɔ a lee, é dan wo gyɛ lɛ.

Daniɛl 11:16 ပူးပေါင်းရင်းမြစ်များ

Ézai 8:8

É dan go lɛ Juda tɛrɛ la, yé é dan ana mini lɛ fɔɔ yé é bɔ mi bɔrɔ ma. Yiba, Émanuɛl, é dan é bɛa soi lɛ yé é dan ilé tɛrɛ faa ta bua lɛ.

Jérémi 3:19

Maa léé: Maa kɛla kaa yé maa i pa anlé nénu va, Yé an tɛrɛ nyɔnɔzan nɔ i lɛ, Tɔnɔfɛ lé é ke é nɔnɔmi é mini bɛn tɛrɛnu faa ta, yé maa a nɔ i lɛɛ? Maa léé, ka dan an laa lɛ, ka ti, Yé ka ’ka dan diéra lɛ an zuo lilo.

Daniɛl 11:3

Yé minwiinzan blɛn nyanazan do é dan pla lɛ mi nwiin élé plɛplɛ blɛn nya, yé wɛan é sɔ ’bɛ lɛ, ’bɛ é dan a kɛlɛ lɛ.

Daniɛl 11:36

Wean é sɔ minwiinzan blɛn ’ko lɛ, yee lé é dan a kɛlɛ lɛ. É dan nwa lɛ, é dan ébo tɔ pla lɛ balenu faa tɔ nwiin, yé é dan sɔnɔ dére fe lɛ balenu lé Bale ma; a bɛ ma é dan kɛlɛ lɛ néné fɔɔ yé bliflile lɛ é sɔɔ. Naa, wean wa kɛlɛle béli dɔ, a lɛ é dan sɔɔ lɛ.

Daniɛl 11:41

É dan wɔra lɛ tɛrɛnu va tɛrɛ zima ta, yé é dan mi kiɛre gyɛ lɛ; naa Édom munu koo, Moab munu koo, Amɔn munu tɔzannu koo, wo dan so lɛ a lee.

Daniɛl 11:45

É dan élé fua sɔkɔnnu dɔ lɛ wɛyinu méléna, gɔ tɔbɔle lé é ke plɛplɛ, a vazia. É dan bɔ lɛ ézé ’wuo plana, ’té a bɔavazan ’ka lo.

Daniɛl 5:19

alé we ma lé bɛngɔnɔnu faa koo, bɛnnu koo, dére faa vɔmunu koo, woo kanaan a lee, ’té wo ma éé nyɔɔn‐an a ’lɛ. Dé é sɔ minwiinzan blɛn lɛ léé, é munuan wo gyɛ, éé wo gya; dé é sɔ a lɛ léé, é munuan vo é yuɛma, éé wo voo. Dé é sɔ a lɛ léé, é munuan wo tɔ nwa, éé a nwaan; dé é sɔ a lɛ léé, é munuan wo zun, éé wo zunwo.

Daniɛl 8:4

Yé maa a ye léé, ’blagɔné a winu gyɛna é bélinu nya, yirivɔnazia koo, yirinwana bɛbolazia koo, yirinwana bɛyilazia koo, wona, yé wi do kpen ’ka bɔa dɔle lɛ a ’lɛ lo, yé mi do kpen ’ka bɔa yee winu sile lɛ a lee lo. Wean é sɔ a lɛ, yee lé éé a kɛla, yé alé plɛplɛ gi gyɛ.

Daniɛl 8:7

Maa a ye léé, é bié ’blagɔné sɔnɔ yé é bli fli a ma. É ’wuo zun ’blagɔné ma, yé é a béli fiénu yéli, ’té plɛplɛ do kpen ’ka ’blagɔné lee yé ’bɛ é dɔ a ’lɛ lo. É ’blagɔné bo tɛrɛ va yé é a zɔn é gane nya, yé mi lé ’bɛ é ’blagɔné sié a lee, ’bɛzan ’ka ye lɛ lo.

Daniɛl 8:9

Yé béli kiéné do bɔra a béli ziɛn va béli do ma, yé é kɛlɛ blɛn yirinwana bɛyilazia koo, yirinwanazia koo, tɛrɛnu faa va tɛrɛ zima koo, wo vazia.

Jozué 1:5

Mi do kpen ’ka dan dɔ lɛ i’lɛ i yuɛma bléyi faa va lo. Maa dan kɛlɛ lɛ i va, fɛan zo lé maa kɛlɛ Moizi va, a zo; maa ’ka dan i vo lɛ i do lo, maa ’ka dan daan lɛ i ma lo.