Daniɛl 11:11 - Kazambale lé Sebe Sauunu 1979

¹¹ Yirinwana bɛyilazia minwiinzan blɛn bli é dan fli lɛ, yé é dan bɔra lɛ guli danle we gi yirinwana bɛbolazia minwiinzan va. É dan sunyanu gu blɛn zén lɛ ékeva yé yirinwana bɛbolazia minwiinzan blɛn lé sunyanu é dan vo lɛ a lee.

Daniɛl 11:11 ပူးပေါင်းရင်းမြစ်များ

1 Minwiinzannu 20:13

Naa, balelayezan do bié Izraɛl nwiinzan blɛn Akab va yé é léé: Gakelebale léma: I mi gbau ’ko yee? Maa dan wo pa lɛ i lee kyɔ yé bé gi dɔɔ léé, maa a Gakelebale nya.

1 Minwiinzannu 20:28

Bale lé mi bié, yé é lé Izraɛl nwiinzan blɛn lɛ léé: Gakelebale léma: Sirimunu a fe léé, Gakelebale a gɔnu ma bale nya yé é ’ka gɔ méléna bale nya lo, bɛwemalé maa dan mi gbau ’ko pa lɛ i lee, yé ka dan a gi dɔɔ lɛ léé, maa a Gakelebale nya.

Lɛrɛvɔ Sɛbɛ 76:10

Bléyian va lé Bale nwa we tegele kɛlɛle we ma, Wenaanébɔmazannu faa sile we gi we ma tɛrɛ la, a bléyi va. Ka ye do.

Jérémi 27:6

Sin, an tɛrɛnu faa ’ko bɛ pa an wuozan Babilɔn nwiinzan blɛn Nébukanɛsaa lee, yé maa bwigiwinu bɛ pa a lee é ziin, léé, wo pla a wuo.

Daniɛl 11:12

Mi gu blɛn ’ko a boblɛnzannu nya, yé wo nwiinzan blɛn é dan blii lɛ boblɛn nya. É dan mi wuru é wuru gyɛ lɛ, naa, guliwuo ’ka dan vo lɛ a lɛ lo.

Daniɛl 11:40

A nyaabléyi va, yirinwana bɛyilazia minwiinzan blɛn é dan ’wii lɛ a ta. Yé yirinwana bɛbolazia minwiinzan blɛn é dan ’wii lɛ a ta gulidangoronu koo, wisootasunyanu koo, ’yitagoro kiɛrenu koo, wo nya, bélé fu plɛplɛ éé giéan fɛan zo, a zo. É dan bié lɛ baa tɛrɛnu va tɛrɛ zima ta. É dan sɔɔla lɛ fɛfaana bélé ’yiyoro lé éé bɔraan bwi la, a zo.

Daniɛl 11:44

Wenu lé wo bɔ yirinwanazia valé yirinwana bɛbolazia dé é wo zuo ’ma, di é dan kini lɛ a gi, yé é dan go lɛ bliflile blɛn nya mi kiɛre sɛrɛle valé wo kulu gale we ma.

Daniɛl 11:5

Yirinwana bɛyilazia tɛrɛ nwiinzan blɛn é dan plɛplɛ ye lɛ. Naa, a bɛgizan do zé plɛplɛ é dan gié lɛ azé ta. ’Bɛ é dan pla lɛ munu nwiin. ’Bɛ lé plale mi nwiin é dan kɛlɛ lɛ plɛplɛ.

Daniɛl 2:38

blaminu koo, bwi gi winu koo, lagi mianénu koo, dé wa fɛofɛana, é wo bɛ pa i lee, yé é i pla wo faa nwiin. Bii ɛ ke miyili ’wuo lé ke kyan nya, a nya.

Daniɛl 8:7

Maa a ye léé, é bié ’blagɔné sɔnɔ yé é bli fli a ma. É ’wuo zun ’blagɔné ma, yé é a béli fiénu yéli, ’té plɛplɛ do kpen ’ka ’blagɔné lee yé ’bɛ é dɔ a ’lɛ lo. É ’blagɔné bo tɛrɛ va yé é a zɔn é gane nya, yé mi lé ’bɛ é ’blagɔné sié a lee, ’bɛzan ’ka ye lɛ lo.