Daniɛl 11:10 - Kazambale lé Sebe Sauunu 1979

¹⁰ A benu é dan sunyanu kiɛre zén lɛ ékeva yé wo go guli dan; wo vazan do é dan kɛlɛ lɛ wo ’lɛzan nya; é dan sɔɔla lɛ fɛfaana bélé ’yiyoro lé éé bɔraan bwi la, a zo, yé é dan da lɛ é pa gi, yé wo dan guli dan lɛ fɔɔ yé wo bɔ yirinwana bɛyilazia minwiinzan blɛn lé guliyɔɔkɔn plɛplɛ ma.

Daniɛl 11:10 ပူးပေါင်းရင်းမြစ်များ

Ézai 25:12

É dan ilé gɔrɔ grɔgrɔ plɛplɛ dia lɛ; é dan a ’wii lɛ tuuntuun fɔɔ yé a vun é dɔ guru gi.

Jérémi 51:42

Wɛyi zén Babilɔn ta; a fɔrɔlenu Babilɔn ta bua.

Daniɛl 11:22

Sunyanu é dan nwɛɛn lɛ yé wo ta é dan saan lɛ yé wo sɛrɛ tata, ’wo valé Bale lé gipawe ’lɛzan do nya.

Daniɛl 11:26

Munu lé woo fɛ blé a va, wo dan a ma we ble lɛ a gyɛle we ma; alé sunyanu é dan nwɛɛn lɛ yé mi galenu é dan kɛlɛ lɛ di.

Daniɛl 11:7

A gɔn do é dan bɔ lɛ a suni ma a pa gi. É dan da lɛ sunyanu va, yé é dan wɔra lɛ yirinwana bɛbolazia minwiinzan blɛn lé guliyɔɔkɔnnu gi, yé wean é sɔ a lɛ é dan a kɛlɛ lɛ ’bɛ lɛ, yé é dan ébo kɛlɛ lɛ plɛplɛ.

Daniɛl 11:9

Yé mi ’ko é dan nwa lɛ yirinwana bɛyilazia minwiinzan blɛn ma, yé ’bɛ zuo yé é dan da lɛ élé tɛrɛ la é pa gi.

Daniɛl 9:26

Flɛyi yɔ yaa wɔlɛ fié ’konu giéle zuo, wo dan Nyɔnɔzénnwiinzan gyɛ lɛ yé a pagizan ’ka dan ye lɛ lo. Minwiinzan do é dan da lɛ yé alé munu é dan fla valé fɛna plɛplɛ kɛlɛ lɛ é ’bin nya yé azé nyaale é dan kɛlɛ lɛ bélé ’yiyoro plɛplɛ zo. Naa wa fe léé, wo dan vo lɛ é sɛrɛle fɔɔ yé gulidanle é nyaa, a zo.